சர்வதேச அளவில் திருமணத்திற்கு பிறகு கணவன் மற்றும் மனைவிக்கு தெரியாமல் மற்றவர்களுடன் கள்ள தொடர்பில் ஈடுப்பட்டு வரும் நாடுகளின் பட்டியல் தற்போது வெளியாகியுள்ளது.

பிரித்தானிய நாட்டை சேர்ந்த Durex ஆணுறை தயாரிப்பு நிறுவனம் ‘உலகளவில் தன்னுடைய துணைக்கு தெரியாமல் அல்லது துணைக்கு துரோகம் செய்துவிட்டு மற்றவரிடம் கள்ள தொடர்பு வைத்துக்கொள்வதில் எந்த நாடு முன்னணியில் உள்ளது’ என ஆய்வு ஒன்றை மேற்கொண்டது.

இந்த ஆய்வில் ஆசிய நாடுகளில் ஒன்றான தாய்லாந்து முதல் இடத்தை பிடித்துள்ளது. இந்நாட்டில் 51 சதவிகித தம்பதிகள் திருமணத்திற்கு பிறகு தங்களுடைய துணைகளுக்கு துரோகம் செய்துவிட்டு கள்ள தொடர்பு வைத்துள்ளதை ஒப்புக்கொண்டுள்ளனர்.

இதுமட்டுமல்லாமல், சர்வதேச அளவில் பாலியல் தொழில் அதிகளவில் நடைபெற்று வருவதும் தாய்லாந்து நாட்டில் தான்.

திருமணத்திற்கு பிறகு கள்ள தொடர்பில் ஈடுப்படுபவர்கள் வசிக்கும் நாடுகளின் பட்டியல் இதோ!

தாய்லாந்து - 51 சதவிகிதம்
டென்மார்க் - 46
இத்தாலி - 45
ஜேர்மனி - 45
பிரான்ஸ் - 43
நோர்வே - 41
பெல்ஜியம் - 40
ஸ்பெயின் - 39
பிரித்தானியா - 36
பின்லாந்து - 36
இப்பட்டியலில் வட மற்றும் தென் அமெரிக்காவை சேர்ந்த எந்த நாடும் இடம்பெறவில்லை என்பது குறிப்பிடத்தக்கது.

வெளிவிவகார அமைச்சர் மங்கள சமரவீரவிற்கு ஜனாதிபதி மைத்திரிபால சிறிசேன அறிவுறுத்தல் வழங்கியுள்ளார்.

சர்வதேச ரீதியில் ஏற்படும் பிரச்சினைகள் தொடர்பில் இலங்கையின் நிலைப்பாட்டை வெளிப்படுத்த முன்னதாக தம்மிடம் ஆலோசனை பெற்றுக்கொள்ளுமாறு, வெளிவிவகார அமைச்சர் மங்கள சமரவீரவிற்கு ஜனாதிபதி எழுத்து மூலம் அறிவித்துள்ளார்.

அண்மையில் அரேபிய நாடுகளின் தூதுவர்கள் ஜனாதிபதியை சந்தித்து வெளிவிவகார அமைச்சர் தொடர்பில் முறைப்பாடு செய்துள்ளனர்.

இஸ்ரேல் மற்றும் பலஸ்தீனம் ஆகிய இரண்டு நாடுகளும் உரிமை கோரி வரும் முஸ்லிம் பள்ளிவாசல் ஒன்று தொடர்பில் ஐக்கிய நாடுகளின் யுனெஸ்கோ அமைப்பு நடத்திய வாக்கெடுப்பின் போது, முஸ்லிம் நாடுகளுக்கு ஆதரவளிக்கப்படவில்லை என ஜனாதிபதியிடம் முறைப்பாடு செய்யப்பட்டுள்ளது.

அமைச்சர்களான பைசர் முஸ்தபா உள்ளிட்டவர்களும் ஜனாதிபதியிடம் இது குறித்து முறைப்பாடு செய்திருந்தனர்.

இதன் போது தமக்கு இந்த விடயம் பற்றி தெரியாது எனவும், எதிர்வரும் காலங்களில் இவ்வாறான விடயங்களில் தீர்மானம் எடுக்கும் போது தம்மிடம் கலந்தாலோசித்து தீர்மானம் எடுக்குமாறு வெளிவிவகார அமைச்சருக்கு எழுத்து மூலம் அறிவுறுத்தல் வழங்க உள்ளதாக ஜனாதிபதி அரேபிய நாடுகளின் தூதுவர்களிடம் வாக்குறுதி அளித்துள்ளார்.

இதன் அடிப்படையில் சர்வதேச விவகாரங்களில் தீர்மானம் எடுக்கும் போது தமது ஆலோசனையை பெற்றுக்கொள்ளுமாறு வெளிவிவகார அமைச்சருக்கு ஜனாதிபதி எழுத்து மூலம் அறிவித்துள்ளார்.

பிரான்ஸ் நாட்டை சேர்ந்த இளம்பெண்ணின் சாம்சங் போன் வெடித்ததால் சாம்சங் நிறுவனம் மீண்டும் சர்ச்சையில் சிக்கியுள்ளது.

அண்மை காலமாக சாம்சாங் நிறுவனத்தை சேர்ந்த கேலக்ஸி நோட் 7 வெடித்து வருவதாக வாடிக்கையாளர்கள் புகார் தெரிவித்திருந்தனர்.

அதன் விளைவாக வாடிக்கையாளர்களிடம் போன்கள் அனைத்தையும் சாம்சங் நிறுவனம் திரும்ப பெற்றது.

இந்நிலையில் பிரான்ஸ் நாட்டைச் சேர்ந்த இளம்பெண் ஒருவர் தன்னுடைய சாம்சங் கேலக்சி J5 வெடித்து விட்டதாக புகார் கூறியுள்ளார்.

இது குறித்து அவர் கூறுகையில், கடந்த வாரம் தன்னுடைய நான்கு வயது குழந்தை போனை பயன்படுத்திக் கொண்டிருந்த போது அதிகளவு சூடாகி புகை வந்ததை பார்த்ததாகவும், அடுத்து வெடித்து சிதறியதாகவும் குறிப்பிட்டுள்ளார்.


இதற்கு பதிலளித்துள்ள சாம்சங் நிறுவனம் அது நிரூபிக்கப்பட்டால் அதற்கு பதிலாக மற்றொரு சாம்சங் போன் வழங்கப்படும் என தெரிவித்துள்ளது.

இதற்கிடையே சாம்சங் வாஷிங்மெஷின்களும் வெடித்து சிதறுவதாக புகார்கள் எழுந்தது குறிப்பிடத்தக்கது.

அமெரிக்காவில் இளைஞர் ஒருவர் கடற்கரையில் ஓய்வெடுத்துக் கொண்டிருந்த தம்பதியை கொலை செய்து அவர்களின் மாமிசத்தை பச்சையாக தின்ற சம்பவம் பொதுமக்களிடையே அதிர்ச்சியை ஏற்படுத்தியுள்ளது.

கடந்த ஆகஸ்ட் மாதம் அமெரிக்காவின் புளோரிடா மாகாணத்திற்கு அருகில் உள்ள கடற்கரைக்கு ஸ்டீவன்(59), அவரது மனைவி ஆகியோர் சென்றுள்ளனர்.

அப்போது அதே பகுதிக்கு ஆஸ்டியன் ஹரூப்(19) என்ற இளைஞன் சென்றுள்ளார். இந்த நிலையில் அவர் திடீரென அங்கிருந்த ஸ்டீவன் மற்றும் அவரது மனைவி ஆகியோரை கடுமையாக தாக்கி கொலைசெய்து, அவர்களுடைய மாமிசத்தை பச்சையாக கடுத்து தின்றுள்ளார்.

இதைக் கண்ட அருகில் இருந்தவர்கள் பயம் கலர்ந்த அதிர்ச்சியால் செய்வதறியாது பொலிசில் புகார் தெரிவித்துள்ளனர். பொலிசார் வந்த பின்பும் அந்த இளைஞன் அவர்களை சாப்பிடுவதை நிறுத்தவில்லை. அதன் பின்னர் அவர்கள் வலுக்கட்டாமாக தடுத்து நிறுத்தியதன் பெயரிலே அந்த இளைஞர் மாமிசம் சாப்பிடுவதை நிறுத்தியுள்ளார்.


இது குறித்து இளைஞன் கூறுகையில், மனிதர்களை அப்படியே கடித்து தின்பதற்கு ஆசையாக உள்ளது என்றும், அன்று பொலிசார் மட்டும் தன்னை தடுக்காமல் இருந்திருந்தால் அவர்களை தான் விரும்பிய படி உண்டு இருப்பேன் என கூறியுள்ளார்.

அவர் அந்த கடற்கரையில் அவர்களை கொலைசெய்து விட்டு வெளியே வந்த வீடியோ ஒன்று வெளியாகியுள்ளது. மேலும் இது தொடர்பாக பொலிசார் அவரை கைது செய்து விசாரணை நடத்தி வருகின்றனர்.

தொழில்நுட்பத்தில் புதிய புரட்சிகளை ஏற்படுத்தி தனக்கென தனி முத்திரை பதித்து இருக்கும் நிறுவனம் ஆப்பிள்.

இந்நிறுவனத்தின் தயாரிப்பில் உருவாகும் எல்லா பொருட்களுமே உலகளவில் மக்களிடம் அதிக வரவேற்ப்பை பெற்று வருகின்றன.

அதன் தொடர்ச்சியாக டச் பார் அடங்கிய புதிய மேக்புக் ப்ரோ லேப்டாப் தற்போது வந்துள்ளது.

இந்த புதிய மேக்புக் ப்ரோக்களின் ஹைலைட்டான தகவலே கடந்த 45 ஆண்டுகளாக கணினிகளில் இருந்து வந்த “Function Key”களை ஆப்பிள் நீக்கியுள்ளது என்பதுதான்!

இதற்கு பதிலாக அந்த இடத்தில் OLED தொடு திரையுடன் கூடிய “Touch Bar” மற்றும் பிங்கர் பிரிண்ட் ஆகிய புதிய வசதிகளை சேர்த்துள்ளது.

இந்த மேக்புக் ப்ரோ 13,15 இன்ச் அளவுகளில் சில்வர் மற்றும் கிரே நிறங்களில் உருவாகியுள்ளது.

இதன் சிறப்பம்சங்கள் : வலைதளத்தில் பிரவுஸ் செய்யலாம், லோகேஷன் தேட முடியும், போட்டோக்கள் மற்றும் வீடியோக்களை எடிட் செய்ய முடியும், ஈமோஜிகளை சேர்க்க முடியும்,16 ஜிபி ராம், முந்தைய மாடலை காட்டிலும் 67% பிரகாசமான் திரை, இரண்டு மடங்கு இதைல் வேகமாகும்

மனித செயற்பாடுகள் காரணமாக பூகோளத்தின் வெப்பநிலையானது வெகுவாக அதிகரித்து வருகின்றது.

இதனால் பெரும்பாலான உலக நாடுகள் கடும் திண்டாட்டங்களை எதிர்நோக்க ஆரம்பித்துள்ளன.

இப்படியிருக்கையில் 2015ம் ஆண்டு டிசம்பர் மாதம் 195 நாடுகள் இணைந்து பாரிஸ் உன்படிக்கையில் கைச்சாத்திட்டுள்ளன.

இவ் உடன்படிக்கையின் பிரகாரம் தமது நாடுகளின் வெப்பநிலையை தற்போது உள்ள வெப்ப நிலையை விடவும் 2 டிகிரி செல்சிஸை தாண்டி அதிரிக்காது பார்த்துக்கொள்ள வேண்டும்.

எனினும் இது எவ்வளவு தூரம் சாத்தியம் என்பது தொடர்பில் சந்தேககங்களே நிலவுகின்றன.

இதற்கு காரணம் மனிதர்களின் பொறுப்பற்ற செயல்பாடு தொடர்வதாகும்.

இந் நிலையில் ஆய்வாளர் குழு ஒன்று பல்வேறு நாடுகளிலும் வெப்பநிலை தொடர்பாக நீண்டகால தரவுகளைத் திரட்டி ஆய்வு செய்து வருகின்றது.

இதன்படி பூகோள வெப்பநிலை தொடர்ந்து அதிகரித்து செல்லுமாயின் ஸ்பெயின் நாட்டிலுள்ள ஒரு பகுதி விரைவில் பாலைவனமாகும் ஆபத்து காணப்படுவதாக எச்சரித்துள்ளது.

ஏனைய நாடுகளிலும் இந் நிலைமை தோன்றுவதற்கு நீண்ட காலம் எடுக்காது, எனவே சிந்தித்து செயற்படுவோம்.

ப்ரூஸ்லீ மறைந்து 33 ஆண்டுகள் கடந்தாலும் மக்கள் மனதில் நீங்காத இடம்பிடித்த ஓர் களைஞன். ஏன் ஆசான் என கூறுவதில் மாற்றுகருத்தில்லை. அவரது வாழ்கை பலருக்கு சிறந்த எடுத்துக்காட்டாகவும் அமைத்துள்ளது.

இவர் தனது 33வது வயதில் மரணமடைந்தார். அதற்கான காரணம் பலதரப்பட்ட முரண்பாடுகளுடன் இன்றளவும் வெளிவந்த வண்ணம் தான் இருக்கின்றது.

தற்போது இது தொடர்பான மற்றுமொரு அதிர்ச்சி தகவல் வெளியாகியுள்மை பேரதிர்ச்சி, அதாவது அவரை திட்டமிட்டே கொலை செய்துள்ளதாகவும், அதற்கான முக்கிய காரணம் அவரது மனைவி என்ற தகவல் மருத்துவ அறிக்கையின் மூலம் வெளிவந்துள்ளது.

மே 10 1973இல் உடல்நிலை பாதிப்படைந்த நிலையில் ப்ரூஸ்லீ “ராணி எலிசபெத் மருத்துவமனைக்கு” கொண்டு வரப்பட்டார். அன்று வலிப்பு மற்றும் தலைவலியால் பாதிக்கப்பட்டிருந்த ப்ரூஸ்லீக்கு மருத்துவர்கள் “மானிடோல்” என்ற சிகிச்சையின் மூலம் அவரது பெருமூளை வீக்கத்தை குறைக்க முயற்சி செய்தனர்.

இருந்தும் பெருமூளை முற்றிலும் பாதிப்பு அடைந்து விட்டதால் ப்ரூஸ்லீ மரணமடைந்தார் என கூறப்பட்டது.



ஆனால் திட்டமிட்டு அவருக்கு அதிகமான “ஆஸ்பிரின்” வில்லைகள் குளிர் பானத்துடன் கலந்து கொடுக்கப்பட்டதே மரணத்திற்கான காரணம் என தெரியவந்துள்ளது.

மேலும் ஆம்புலன்ஸ் மூலம் அவரை மருத்துவமனைக்கு கொண்டு வரும் போதே அதிக அளவில் பாதிக்கபட்டிருந்தார். அதற்கு 2 நிமிடங்களுக்கு முன்பு வலுக்கட்டாயமாக “ஆஸ்பிரின் கரைசல்” அவர் வாயில் புகட்டப்பட்டுள்ளது.மேலும் அந்நேரம் ப்ரூஸ்லீ எதோ சொல்ல முற்பட்டார்.

இருந்தும் அவரின் மனைவி எதையும் சொல்ல அனுமதிக்கவில்லை. அந்நேரத்தில் அவரை வெளியே அனுப்ப முயன்றோம் ஆனால் அவர் மறுத்துவிட்டார். இதன் பின் மருத்துவமனை நிர்வாகமும் ப்ரூஸ்லீயின் மனைவி சொன்ன காரணங்களையே திரும்ப திரும்ப சொல்ல ஆரம்பித்தது.

அதன்பின் ப்ரூஸ்லீ இறந்த இருபது நாட்களில், அவருடைய மனைவியும் அமெரிக்கா சென்றுவிட்டார். இவையாவும் தற்போது மருத்துவா்கள் கூறிய டைரி குறிப்புகள் மூலமாக சமீபத்தில் வெளியாகி பெரும் பரபரப்பை ஏற்படுத்திவருகின்றது.

மேலும் ப்ரூஸ்லீயின் மரணத்தில் மர்மம் என எதுவும் இல்லை…! அது ஒரு மனைவியின் துரோகதத்தால் நடத்தப்பட்ட கொலை என அக்குறிப்பில் கூறப்பட்டிருப்பதும் குறிப்பிடத்தக்கது.

18-ம் நூற்றாண்டில் ஆங்கிலேயர்களுக்கு எதிராக ஆயுதம் ஏந்திப் போராடிய பெண் போராளி, குயிலி.

பிறந்த மண்ணையும், வீர மங்கை வேலுநாச்சியாரையும் தன் உயிராக சபதம் கொண்டபோது குயிலிக்கும் வயது 18.

ஒருநாள், வேலுநாச்சியாரின் சிலம்பு வாத்தியார் வெற்றிவேல், குயிலியிடம் ஓர் உதவி கேட்டார்.

சிவகங்கை அரண்மனைக்கருகில் இருக்கும் வீட்டில், மல்லாரிராயன் என்பவனிடம் ஒரு கடிதம் சேர்ப்பிக்க வேண்டும் என்பதுதான் அந்த உதவி.

அன்றிரவு, சிலம்பு வாத்தியாரின் குடிசையிலிருந்து அலறல் சத்தம்.

இரத்த வெள்ளத்தில் மிதந்து கிடந்த சிலம்புவாத்தியாரின் உடலையும், ஒரு கையில் குத்தீட்டியோடும் மறு கையில் சிலம்பு வாத்தியாரின் கடிதத்தோடும் கண்கள் சிவக்க தலைவிரி கோலமாக ஓடிவந்து, கதறியழுதபடி கடிதத்தை நீட்டினாள்.

கடிதத்தை வாங்கிப் படித்த வேலுநாச்சியாரின் முகம் உணர்ச்சியில் துடித்தது. நம்பிக்கைக்குரியவராக இருந்த சிலம்பு வாத்தியார் தன் காலைச் சுற்றியிருந்த நச்சுப்பாம்பு என அறிந்து வேலுநாச்சியார் அதிர்ச்சியுற்றார்.

தன் மீதும் நாட்டின் மீதும் கொண்ட பற்றின் காரணமாக ஒரு பெண் துணிச்சலாக மேற்கொண்ட செயலைப் பாராட்டினார்.

குயிலி, அன்றிலிருந்து வேலுநாச்சியாரின் மெய்க் காப்பாளரானாள்.1780-ம் ஆண்டு ஐப்பசி மாதம் 5-ம் நாள் விருப்பாச்சி பாளையத்திலிருந்து பலரின் எதிப்புகளைத் தகர்த்து சிவகங்கையை நோக்கி வேலு நாச்சியாரின் படை புறப்பட்டது.

உடையாள் பெண்கள் படைக்குத் தலைமையேற்று குயிலி கம்பீரமாக வந்தாள். எதிர்த்த மல்லாரிராயனையும், தன் கணவரைக் கொன்ற ஆங்கிலத் தளபதி ஜோசப் சுமித்தையும் கொன்றார், நாச்சியார்.

காளையார் கோயிலிலிருந்து சிவகங்கை அரண்மனை வரையிலும் அடிக்கு ஒரு போர் வீரனை நிறுத்தியிருந்தான். பீரங்கிகளும் அரண்மனையைச் சுற்றி நிறுத்தப்பட்டிருந்தன.


ஆயிரக்கணக்கான துப்பாக்கிகளும் வெடிபொருட்களும் அரண்மனைக் கிட்டங்கியில் பதுக்கி வைக்கப்பட்டிருந்தன.

எத்தனை படைகள் இருந்தாலும், ஆங்கிலேயரின் நவீன ஆயுதங்கள் மிகப்பெரிய சவாலாக இருந்தது.


தொடர் வெற்றிகளைக் குவித்துவந்த வேலுநாச்சியார் இறுதிப் போரில் தோற்றுவிட்டால் என்ன ஆவது?. '

நாளை மறுநாள் விஜயதசமி. அன்று சிவகங்கைக் கோட்டையில் உள்ள இராஜராஜேஸ்வரி அம்மன் கோயிலில் கொலு வைக்கிறார்கள்.

இதைப் பார்ப்பதற்காக அன்று ஒருநாள் காலை மட்டும் பெண்களுக்கு மட்டுமே அனுமதி அளிக்கப்பட்டுள்ளது.

இதைப் பயன்படுத்தி ராணியாரின் தலைமையில் பெண்கள் படை கோட்டைக்குள் புகுந்துவிடும். பிறகு என்ன? வெற்றி, நமது பக்கம்தான்.” என்ற யோசனையைச் சொன்னாள், குயிலி.

போர்முரசு கொட்டட்டும் என ஆணையிட்டுச் சென்றார் வேலுநாச்சியார். வேலுநாச்சியாரும் சாதாரண பெண்போல மாறுவேடத்தில் கோயிலுக்குள் புகுந்தார்.

அவரது கண்கள் கோட்டையின் ஒவ்வொரு பகுதியையும் அலச ஆரம்பித்தது. ஆயுதங்கள் அனைத்தையும் கோட்டையின் நிலா முற்றத்தில் குவித்து வைத்திருந்தனர் ஆங்கிலேயர்கள்.

ஒரு சில வீரர்களின் கையில் மட்டுமே ஆயுதங்கள் இருந்தன. வேலுநாச்சியார் கோட்டையை அளவெடுத்தது போலவே குயிலியின் கண்களும் அளவெடுத்தன.

நிலா முற்றத்தில் குவிக்கப்பட்டிருந்த ஆயுதங்களைக் கண்டதும், அவளது மனதில் ஒரு மின்னல் யோசனை தோன்றியது.

ஆனால், அந்த யோசனையை வெளியே சொன்னால் செயல்படுத்த அனுமதி கிடைக்காது என்பதை அறிந்திருந்த குயிலி, மெதுவாக ராணி வேலுநாச்சியாரைப் பிரிந்து கூட்டத்தோடு கலந்துகொண்டாள்.

கோட்டையில் பூஜை முடிந்து அனைவரும் கோட்டையை விட்டு வெளியேற ஆரம்பித்தபோது, பெண்கள் கூட்டமும் மெதுவாக கலையத் தொடங்கியது.

வேலுநாச்சியார் தனது போரைத் தொடங்க இதுவே தருணம் என உணர்ந்து, கையைத் தலைக்குமேல் உயர்த்தி, “வீரவேல், வெற்றிவேல்!” என்று விண்ணதிர முழங்கினார்.

பெண்கள் படை புயலாய்ச் சீறியது. வழிபடக் கொண்டுசென்ற மாலைக்குள் இருந்து திடீரென பெண்களின் கைகளில் வாளும் வேலும் தோன்றின.

ஆயுதங்களைச் சுழற்றி, வெள்ளையர்களை வெட்டிச்சாய்த்தனர். “சார்ஜ்!” என்று கத்தியபடியே, பான்சோர் தன் இடுப்பில் இருந்த இரண்டு கைத்துப்பாக்கிகளை எடுத்து சரமாரியாகச் சுட்டான்.

வெள்ளைச் சிப்பாய்கள் ஆயுதக் குவியலை நோக்கி ஓடினர். வேலு நாச்சியார் பான்சோரைப் பிடிக்க மேல்மாடத்துக்குச் செல்வதற்குள் அங்கிருந்த யாரோ ஒரு பெண், தனது உடல் முழுக்க கொளுந்துவிட்டு எரியும் தீயோடு, “வீரவேல், வெற்றிவேல்” என்று கத்தியபடியே ஆயுதக்கிடங்கில் குதித்தாள்.

ஆயுதங்கள் அனைத்தும் தீ பிடித்து வெடித்துச் சிதறின. தப்பி ஓட முயன்ற பான்சோரை, வேலுநாச்சியாரின் வீரவாள் வளைத்துப் பிடித்தது.

வெற்றி முழக்கம் எங்கும் ஒலித்தது. ஆனால் வேலுநாச்சியாரின் கண்களோ தன் உயிரான தோழி, குயிலியைத் தேடின. போர் தொடங்கியபோது குயிலின் எண்ணம் ஆயுதக் கிடங்கின் மேல் நின்றது. “

நமது விடுதலைக்கான இறுதிப்போர் இது. இதில் நாம் தோல்வி அடைந்தால், இனி எத்தனை ஜென்மம் எடுத்தாலும் வெற்றிபெற முடியாது.

நான் வெற்றிக்கு வழிகாட்ட ஒளியூட்டப் போகிறேன்' என்று கூறியபடியே நாட்டின் விடுதலைப் போரில் தன்னை ஈந்தவர் குயிலிதான்.

உலகிலேயே முதன்முதலில் தற்கொலைத் தாக்குதலை நடத்திய பெருமையைச் சூடிக்கொண்டாள்.

மறவர் சீமையின் விடுதலைக்காக குயிலி தன்னையே பலி கொடுத்தாள் என்பதை அறிந்ததும், அந்தத் தியாக மறத்திக்காக வேலுநாச்சியாரின் வீர விழிகள் கரைந்தன.

குயிலி போன்ற தியாகிகளின் ஒட்டுமொத்த சக்திதான் இந்தியாவுக்கு விடுதலை வழிகாண வைத்தது.

குயிலியின் தியாகத்துக்குத் தலைவணங்குவோம்!

இந்தியா, தெலுங்கானா மாநிலம் ஹைதராபாத்தில், சமண மத வழக்கப்படி, 68 நாட்கள் உண்ணாவிரதம் இருந்த, 13 வயது சிறுமி, மாரடைப்பால் மரணமடைந்தது சர்ச்சையை ஏற்படுத்தியுள்ளது.

தெலுங்கானா மாநிலத் தலைநகர் ஹைதராபாத்தில், எட்டாம் வகுப்பு படித்து வந்தவர், 13 வயது சிறுமி ஆராதனா. இவரது குடும்பத்தினர், செகந்திராபாத்தில் நகைத்தொழில் செய்து வருகின்றனர்.

ஆராதனா, சமண மத வழக்கப்படி, ஹைதராபாத் நகரில், 68 நாட்கள் உண்ணாவிரதம் இருந்தார். உண்ணாவிரதம் முடித்த போது மிகவும் சோர்வாக காணப்பட்ட அவர், மருத்துவமனையில் சேர்க்கப்பட்டார்.

இரண்டு நாட்களில் அவருக்கு மாரடைப்பு ஏற்பட்டு, எதிர்பாராத வகையில் மரணம் அடைந்தார்.

ஆராதனாவின் இறுதி ஊர்வலத்தில், சமண மதத்தைச் சேர்ந்த, 600க்கும் மேற்பட்டோர் பங்கேற்றனர்.

ஆராதனாவின் இறுதி ஊர்வலம், 'ஷோபா யாத்திரை' என்ற பெயரில் விமரிசையாக நடந்தது. அவரை, 'தவ வலிமை பெற்ற பாலகி' என, ஊர்வலத்தில் பங்கேற்றோர் புகழ்ந்தனர்.

இருப்பினும், சமண மதத்தைச் சேர்ந்த பலர், சிறுமியை உண்ணாவிரதம் இருக்க அனுமதித்ததற்கு கடும் கண்டனம் தெரிவித்தனர்.

சமண மதத்தைச் சேர்ந்த, லதா ஜெயின் என்பவர் கூறுகையில்,

வயதான பெரியவர்கள், உணவு, நீரின்றி கடும் தவத்தில் ஈடுபடுவது வழக்கம். அவர்கள், சமண மத வழக்கப்படி உயர்ந்த நிலையில் வைத்து போற்றப்படுவர்.

ஆனால், ஆராதனா, 13 வயதே ஆன சிறுமி; அவரை, உண்ணாவிரதம் இருக்க அனுமதித்ததை ஏற்க முடியாது என்றார்.

சிறுமி ஆராதனா, 68 நாட்கள் உண்ணாவிரதத்தை முடித்த போது, 'பாரானா' என்ற பெயரில், பிரம்மாண்ட நிகழ்ச்சி நடத்தப்பட்டது.


அதில், தெலுங்கானா மாநில அமைச்சர் பத்மராவ் கவுட், தலைமை விருந்தினராக பங்கேற்றார்.

ஆராதனா மரணமடைந்துள்ள நிலையில், குழந்தைகள் உரிமை ஆர்வலர் சாந்தா சின்ஹா, ஆராதனா மரணமடைந்த சம்பவம் தொடர்பாக, போலீசார் வழக்குப் பதிவு செய்ய வேண்டும். இந்த விஷயத்தில், குழந்தைகள் நல கமிஷன் கடும் நடவடிக்கை எடுக்க வேண்டும் என்றார்.

புதிய இணைப்பு

சாமியாரை நம்பி மகளைப் பறிகொடுத்த ஜெயின் தம்பதி!

துள்ளிக்குதித்து விளையாட வேண்டிய பதின்ம வயதில், 68 நாட்கள் உண்ணாநோன்பிருந்து, குடும்பத்திற்காக உயிரை விட்டிருக்கிறாள் ஹைதராபாத்தைச் சேர்ந்த ஒரு சிறுமி.

13 வயதான ஆராதனா, ஹைதராபாத்தைச் சேர்ந்த லட்சுமிசந்த் சன்சார்டியா என்ற ஜெயின் சமூகத்தைச் சேர்ந்தவரின் செல்ல மகள். தான் செய்து வந்த ஜூவல்லரி தொழிலில் லட்சுமி சந்த்துக்கு கடும் நஷ்டம் ஏற்பட்டுள்ளது. தொழில் நஷ்டத்தில் இருந்து மீண்டு, தனது குடும்பம் மீண்டும் வசதி வாய்ப்புகளை பெறுவது எப்போது? தன் குடும்பம் இழந்த சொத்துகளை மீண்டும் அடைந்து, செல்வ செழிப்புடன் திகழ என்ன செய்ய வேண்டும்? என்பதற்கான ஆலோசனையைப் பெற, சென்னையைச் சேர்ந்த சாமியார் ஒருவரை அணுகியுள்ளார் லட்சுமிசந்த்.

வாய்க்கு வந்ததை எல்லாம் பரிகாரமாகச் சொல்லக்கூடிய சாமியாரான அவர், லட்சுமிகாந்தின் குடும்பம் மீண்டும் சுபிட்சம் பெற வேண்டுமானால், 'சதுர்மாஸ்' என்ற தொடர் உண்ணாநோன்பை லட்சுமிசந்தின் பிஞ்சு மகள் ஆராதனா மேற்கொள்ள வேண்டும் என்று உளறி வைத்துள்ளார்.

சாமியாரின் போலியான ஆலோசனையை அப்படியே ஏற்றுக்கொண்ட லட்சுமிசந்த், தனது மகள் ஆராதனாவை உண்ணாநோன்பிருக்கச் செய்துள்ளார்.

சதுர்மாஸ் உண்ணா நோன்பு இருந்தால், தனது குடும்பம் வறுமையில் இருந்து மீண்டு, சகல ஐஸ்வர்யங்களையும் பெற்றுவிடும் என்ற நம்பிக்கையில் சிறுமியும் உண்ணாநோன்பைத் தொடங்கி இருந்துள்ளார்.

அக்டோபர் 3-ம் தேதி ஆராதனாவின் 10 வார கால உண்ணாநோன்பு நிறைவடைந்தது. இதனை லட்சுமிசந்தின் குடும்பத்தின் மகிழ்ச்சியாகக் கொண்டாடினர்.

இந்த கொண்டாட்டத்தில், தெலங்கானா மாநில அமைச்சர் பத்ம ராவ் பங்கேற்றது தான் அதிர்ச்சியளிக்கும் செய்தி. லட்சுமி சந்த் குடும்பத்தினரின் இந்த மகிழ்ச்சி அடுத்த சில நாட்கள் கூட நீடிக்கவில்லை.

68 நாட்களைக் கடந்து ஆராதனா உண்ணாநோன்பு இருந்ததால், அவரது சிறுகுடல் சுருங்கி, உடலில் நீர்ச்சத்து குறைவு ஏற்பட்டது. சிறுகுடல் பாதிப்பைத் தொடர்ந்து, இரண்டு சிறுநீரகங்களும் செயல்படாமல் போயின.

இதனால் மருத்துவமனையில் அனுமதிக்கப்பட்ட சிறுமி ஆராதனா நீண்டநாட்கள் உணவு எடுத்துக்கொள்ளாததால் ஏற்பட்ட, பல்வேறு உடல் உறுப்புகள் செயலிழப்பு காரணமாக உயிரிழந்ததாக டாக்டர்கள் அறிவித்தனர்.

தன் குடும்பத்தின் மேன்மைக்கு என்று போலியாக சாமியார் சொன்னதை ஏற்று, 68 நாட்கள் உண்ணாநோன்பு இருந்து உயிரிழந்த சிறுமிக்கு ஆதரவாக, குழந்தைகள் பாதுகாப்பு இயக்கம் களமிறங்கியுள்ளது.

ஆராதனாவின் பெற்றோருக்கு எதிராக, குழந்தைகள் உரிமைகள் சங்கம், போலீசில் புகார் அளித்துள்ளது. சீராட்டிப் பாராட்டி வளர்க்க வேண்டிய மகளை தனது மூடநம்பிக்கையால் பலி கொடுத்து விட்டார் ஆராதனாவின் தந்தை லட்சுமிசந்த்.

தொழிலில் அடைந்த நஷ்டத்தை விடவும், மகளை இழந்த சோகமே அவரது வாழ்நாள் முழுவதும் மேலோங்கி நிற்கும். அவர் எத்தனை கோடி இனி சம்பாதித்தாலும், மகள் ஆராதனா மீண்டும் கிடைப்பாளா?

நுளம்பு என்பது உலகிலுள்ள சிறிய வகை உயிரினமாக இருந்த போதிலும் மனிதர்களுக்கு பெரிய அச்சுறுத்தலாகியுள்ளது.

பல்வேறு விடயங்களின் ஊடாக நுளம்புகள் ஏற்படுத்தும் நோய் காரணமாக இன்று உலகில் நுளம்பினால் பரவும் நோயை கட்டுப்படுத்த பல்வேறு செயற்பாடுகள் மேற்கொள்ளப்பட்டு வருகின்றது. அந்த செயற்பாடுகளினால் பல்வேறு கண்டு பிடிப்பும் மேற்கொள்ளப்படுகின்றது.

அதற்கமைய மேற்கொள்ளப்பட்ட கண்டுபிடிப்பிற்கமைய “விட்டா லைப்” என்ற நிறுவனத்தினால் புதிய தொழில்நுட்பம் ஒன்றை பயன்படுத்தி விட்டா என்ற பெயரில் செயலி (app) ஒன்று அறிமுகம் செய்யப்பட்டுள்ளது.

இந்த செயலியின் ஊடாக நுளம்புகள் பரவக்கூடிய இடங்களுக்கு அருகில் யாராவது இருந்தால் அந்த நபர்கள் தொடர்பிலும் இடங்கள் தொடர்பிலும் தகவல் பெற்றுக் கொள்ள முடியும்.

அத்துடன் குறித்த நபரை சுற்றியுள்ள டெங்கு நோயாளிகளின் எண்ணிக்கை மற்றும் அவற்றால் ஏற்படும் மரணங்கள் தரவுகள் போன்றவற்றை இந்த செயலியின் ஊடாக பெற்றுக்கொள்ள முடியும் என தெரிவிக்கப்படுகின்றது.

இந்த செயலியை வைத்திருக்கும் மற்றுமொரு நபர் இருந்தால் அவர்களின் தரவுகளுக்குள் நுழைந்து பெற்றுக் கொள்ளக்கூடிய வாய்ப்புகள் ஏற்படுத்தி கொடுக்கப்பட்டுள்ளது.

அத்துடன் அந்த தரவுகளை புதுப்பித்துக் கொள்ள முடியும், மேலும் இதனை இலங்கையினுள் தொலைபேசிகளில் இலவசமாக தரவிறக்கம் செய்துக் கொள்ள முடியும்.

இலங்கையில் நுளம்புகளால் பரவும் டெங்கு நோய் தீவிரமடைந்துள்ள நிலையில், இந்த செயலி பயனுள்ளதாக அமையும் என சுட்டிக்காட்டப்பட்டுள்ளது.

சிறுவர்கள் பூமியில் இடம்பெறும் நீர் சக்கரம் பற்றி படித்திருப்பார்கள்.

இச்சக்கரத்தில் கடல் போன்ற நீர் நிலைகளில் உள்ள நீரானது ஆவியாகி சென்று மீண்டும் மழையாக நீர் நிலைகளை அடையும்.

இதில் ஆவியாகும் சந்தர்ப்பத்தில் வளியுடன் குறிப்பிட்ட அளவு நீர் கலகின்றது.

தற்போது இவ் வகை நீரை குடிநீராக மாற்றக்கூடிய சாதனம் ஒன்று உருவாக்கப்பட்டுள்ளது.

Water-Gen எனும் இஸ்ரேலை சேர்ந்த நிறுவனமே குறித்த சாதனத்தினை வடிவமைத்துள்ளது.

நீராவியை ஒடுக்குவதன் மூலம் குடி நீரை உற்பத்தி செய்யும் இந்த சாதனங்களில் மூன்று வகையானவை வடிவமைக்கப்பட்டுள்ளன.

அவற்றில் ஒன்று 825 கலன் நீரை உருவாக்கவல்லதாக இருப்பதுடன் மற்றையவை முறையே 118 கலன், 4 கலன் நீரை நாள் ஒன்றிற்கு உருவாக்கவல்லன.

மேலும் ஒரு கலன் நீரை உற்பத்தி செய்வதற்கு 15 ரூபாவிற்கும் குறைவாகவே செலவாகும் என தெரிவிக்கப்பட்டுள்ளது.

இத்தாலியில் உள்ள கத்தோலிக்க தனியார் பள்ளி ஒன்றில் இரண்டு குடியேறிய மாணவர்களுக்கு மட்டும் தனி கழிப்பறை வலியுறுத்தி மற்ற மாணவர்களின் பெற்றோர் போராட்டம் நடத்திய சம்பவம் பரபரப்பை ஏற்படுத்தியுள்ளது.

கடலில் மீட்கப்பட்ட 9 மற்றும் 11 வயதுடைய எகிப்திய, எத்தியோப்பிய நாட்டை சேர்ந்த இரண்டு குழந்தைகள் சார்டீனியாவில் கன்னியாஸ்திரீகள் நடத்தி வரும் பள்ளிக்கூடத்தில் பயின்று வருகின்றனர்.

இந்நிலையில், பள்ளிக்கூடத்தில் புலம் பெயர்ந்த மாணவர்கள் பயன்படுத்தும் கழிப்பறையை மற்ற மாணர்வகள் பயன்படுத்துவதன் மூலம் நோய் ஏற்படவாய்ப்பு உள்ளதாகவும்.

இதனால், இருவருக்கு மட்டும் தனி கழிப்பறை கட்டி தரும்படி பள்ளி நிர்வாகத்திடம் வலிறுத்தி மற்ற மாணவர்களின் பெற்றோர் போராட்டத்தில் ஈடுபட்டுள்ளனர்.

இதனையடுத்து, புலம் பெயர்ந்த மாணவர்கள் நல்ல நலத்துடன் இருப்பதாக மருத்துவ சான்றிதழ் அளித்தும், இரண்டு பெற்றோர்கள் அவர்கள் குழந்தைகளை பள்ளியில் இருந்து நிறுத்தியுள்ளனர். பலர் தங்கள் பிள்ளைகளையும் நிறுத்த போவதாக மிரட்டல் விடுத்துள்ளனர்.

இந்நிலையில், இரண்டு மாணவர்களுக்கு மட்டும் தனி கழிப்பறை அமைத்து தர நிர்வாகம் உறுதியளித்துள்ளது.

ஆனால், பள்ளி நிர்வாகம் இந்த இனவொதுக்கலை கைவிட வேண்டும் என தெரிவித்துள்ளது.

மேலும், கன்னியாஸ்திரீ ஒருவர் கூறியதாவது, இந்த பிள்ளைகள் கடுமையான போர் சுழலில் வாழ்ந்தவர்கள். அவர்கள் இங்கு அமைதியான சுழலில் வாழ நாம் உதவ வேண்டும் என கோரியுள்ளார்.

நோபல் பரிசு பெற்ற இஸ்ரேல் நாட்டின் முன்னாள் அதிபரும், உலகின் மிகசிறப்புக்குரிய நோபல் பரிசு பெற்றவருமான இஸ்ரேல் முன்னாள் அதிபர் ஷிமோன் பெரஸ்(93) இன்று மரணம் அடைந்தார்.

இஸ்ரேல் நாட்டின் ஜனாதிபதியாக 2007ம் ஆண்டு முதல் 2014ம் ஆண்டு வரை பதவி வகித்தவர் ஷிமோன் பெரஸ். இஸ்ரேல் உருவாக்கப்பட்ட பின்னர் அமைந்த பல்வேறு அமைச்சரவைகளில் இடம்பெற்றதுடன், பிரதமராகவும் பதவி வகித்தார். இவருக்கு 1994-ம் ஆண்டு அமைதிக்கான நோபல் பரிசு வழங்கப்பட்டது.

தற்போது அரசியலில் இருந்து ஓய்வு பெற்றுள்ள ஷிமோன் பெரசுக்கு கடந்த ஜனவரி மாதம் லேசான மாரடைப்பு ஏற்பட்டது. டெல் அவிவ் அருகே உள்ள ஷேபா மருத்துவ மையத்தில் அவருக்கு சிறிய அறுவை சிகிச்சை செய்யப்பட்டது.

இந்நிலையில், கடந்த 13-ம் தேதி அவருக்கு பக்கவாதம் ஏற்பட்டது. இதையடுத்து ஷேபா மருத்துவ மையத்துக்கு கொண்டு செல்லப்பட்டார்.

அவருக்கு அங்கு தீவிர சிகிச்சை அளிக்கப்பட்டு வந்தது.

இருப்பினும், சிகிச்சை பலனின்றி இன்று அவர் மரணம் அடைந்தார்.

இவரது இறுதிச்சடங்கில் அமெரிக்க அதிபர் ஒபாமா, ஹிலாரி மற்றும் பில் கிளிண்டன், போப் பாசண்டவர், இளவரசர் சார்லஸ் உள்ளிட்டோர் கலந்து கொள்ள உள்ளதாக இஸ்ரேல் வெளியுறவுத்துறை அமைச்சகம் தெரிவித்துள்ளது.

298 பேருடன் வெடித்து சிதறிய மலேசியாவின் எம்எச் 17 விமானம், ரஷியன் ஏவுகணையால் சுட்டு வீழ்த்தப்பட்டது என சர்வதேச விசாரணை அதிகாரிகள் குறிப்பிட்டுள்ளனர்.

கடந்த 2014 ஜூலை மாதம் 17ம் திகதி ஆம்ஸ்மாடாமிலிருந்து கோலாலம்பூருக்கு பயணித்த மலேசியன் ஏர்லைன்ஸ் விமானமான எம்.எச்.17 பயணிகள் விமானம் ரஷியா எல்லைப் பகுதி அருகே உக்ரைனில் இந்த விமானம் சுட்டு வீழ்த்தப்பட்டது.

இந்த சம்பவத்தில் 15 விமான ஊழியர்கள் உட்பட பயணம் செய்த 298 பேர் உயிரிழந்தனர். அவர்களில் 2 பேர் இந்திய வம்சாவளியை சேர்ந்தவர்கள்.

இந்த விபத்து குறித்து நெதர்லாந்து தலைமையிலான சர்வதேச விசாரணை நடைபெற்று வருகிறது.

இந்நிலையில், விசாரணை அதிகாரிகள் கூறியதாவது, எம்.எச்.17 விமானமானது ரஷியாவின் பக் ஏவுகணையால் சுட்டு வீழ்த்தப்பட்டது என தெரிவித்துள்ளனர்.

ஏவுகணையானது ரஷிய பகுதியில் இருந்து கொண்டுவரப்பட்டு உள்ளது, தாக்குதலுக்கு பின்னர் ரஷியாவிற்கே கொண்டு செல்லப்பட்டு விட்டது என்று விசாரணை அதிகாரிகள் தரப்பில் தெரிவிக்கப்பட்டுள்ளது.

எனினும் ராடர் கருவி மூலம் எங்களுக்கு ஒரு துப்பு கிடைத்துள்ளது. அதன் மூலம் சீக்கிரம் உண்மை தெரிய வரும். தடவியல் நிபுணர்களும் தீவிர சோதனையில் ஈடுபட்டுள்ளனர் என பொலிசார் தரப்பில் கூறப்பட்டுள்ளது.

முன்னதாக, விமானத்தை ரஷ்யா ஆதரவு பிரிவினைவாதிகள் தான் சுட்டு வீழ்த்தினர் என குற்றம் சாட்டபட்டது அதற்கு ஆதாரபூர்வமான சான்றும் கிடைத்தது. ஆனால் அதற்கு பதிலாக ரஷியா மேற்கத்திய நாடுகளை குற்றம் சுமத்தியது குறிப்பிடத்தக்கது.

இலங்கை மத்திய வங்கியின் முன்னாள் ஆளுநரின் மருமகன் 5000 மில்லியன் ரூபாவுக்கும் அதிகமாக வருமானத்தை சம்பாதித்துள்ளதாக தெரியவந்துள்ளது.

கடந்த வருடம் நாட்டின் மிகவும் சர்ச்சைக்குரிய விடயமாகியிருந்த இலங்கை மத்திய வங்கி பிணை முறி விற்பனையின் மூலம், Perptual நிறுவனம் 5000 மில்லியன் ரூபாவுக்கும் அதிகமாக வருமானத்தை சம்பாதித்துள்ளதாக தெரியவந்துள்ளது.

இந்த நிறுவனம் முன்னாள் மத்திய வங்கிய ஆளுநர் அர்ஜுன் மகேந்திரனின் மருமகன் அர்ஜுன எலோசியஸிற்கு சொந்தமானதென தெரிவிக்கப்படுகின்றது.

இந்த கொடுக்கல் வாங்கல் அப்போதைய மத்திய வங்கி ஆளுநராக இருந்த அர்ஜுன் மகேந்திரனினால் சில மோசடிகள் மேற்கொள்ளப்பட்டுள்ளதா என்பது தொடர்பில் நாடாளுமன்ற கோப் குழுவினால் விசாரணை மேற்கொண்டு எதிர்வரும் மாதம் அறிக்கை சமர்ப்பிக்கப்படவுள்ளது.

இந்த கொடுக்கல் வாங்கல்களில் Perptual நிறுவனத்திற்கு 675 மில்லியன் ரூபாவுக்கும் அதிகமான வருமானம் கிடைத்துள்ளதாகவும், அரசாங்கத்திற்கு 900 மில்லியன் ரூபாவுக்கும் அதிகமான நட்டம் ஏற்பட்டுள்ளதாக தெரியவந்துள்ளது.

உலகின் மிகப்பெரிய ரேடியோ தொலைநோக்கி ஒன்றை சீனா நேற்று செயல்பாட்டுக்கு கொண்டு வந்துள்ளது.

விண்வெளித்துறையில், ஆராய்ச்சி ரீதியில் உலக நாடுகளுடன் சீனா போட்டியிட்டு வருகிறது. இதற்காக பல்லாயிரம் கோடி செலவில் விண்வெளி ஆராய்ச்சி திட்டங்களை சீனா செயல்படுத்தி வருகிறது.

இந்த நிலையில், உலகின் மிகப்பெரிய ரேடியோ தொலைநோக்கி ஒன்றை வடிவமைக்க வேண்டும் என்று சீன அரசிடம் கடந்த 1994 ஆம் ஆண்டு வானியல் வல்லுனர்கள் யோசனை தெரிவித்தனர்.

இந்த யோசனை தெரிவிக்கப்பட்டு 17 ஆண்டுகள் கடந்த நிலையில், தென்மேற்கு சீனாவில், கிஸோ மாகாணத்தில் இந்த ரேடியோ தொலைநோக்கியை நிறுவ சீனா முடிவு எடுத்தது.

இதற்காக அந்தப் பகுதியில் வசித்து வந்த 8 ஆயிரம் பொதுமக்களை இடம் பெயர வைக்க வேண்டிய நிலை ஏற்பட்டது. அவர்களுக்காக 2 குடியிருப்பு தொகுப்புகளாக 600 அடுக்கு மாடி வீடுகள் கட்டித்தரப்பட்டன.

அந்தப் பகுதியில் 2011 ஆம் ஆண்டு, ரேடியோ தொலைநோக்கியை நிறுவும் பணியை சீனா தொடங்கியது.

இந்த திட்டத்துக்காக 180 மில்லியன் அமெரிக்க டொலர்களை சீனா முதலீடு செய்தது. கடந்த 5 ஆண்டுகளாக இந்த பணி நடந்து தற்போது முடிந்துள்ளது.

நட்சத்திரங்கள், கோள்கள் என பிரபஞ்சம் முழுவதும் சிக்னல்களை பெற இந்த ரேடியோ தொலைநோக்கி உதவும் என விஞ்ஞானிகள் கருதுகின்றனர்.

இந்த தொலைநோக்கியின் மிக முக்கிய அம்சம், இது வேற்றுக்கிரக வாழ்க்கை பற்றிய உலகளாவிய ஆராய்ச்சிக்கு ஊக்கமாக அமையும் என்பதுதான்.

மேலும் ஈர்ப்பு அலைகள் தேடல், நட்சத்திரங்கள், கோள்களில் இருந்து ரேடியோ உமிழ்வுகளை கண்டறிதல், வேற்றுக்கிரக வாழ்வு பற்றிய அறிகுறிகளை கவனித்தல் போன்றவற்றிற்கும் இந்த ரேடியோ தொலைநோக்கி உதவும் என விஞ்ஞானிகள் கூறுகின்றனர்.

நாம் ஒவ்வொரு முறையும் “சூப்பர் பவர்களை” பற்றி கேள்விபடும் போது இந்த சக்தி நமக்கு இருந்தால் எப்படி இருக்கும் என எண்ணுவதுண்டு.ஆனால் அவ்வாறான சக்திகள் நம் வாழ்வில் அவ்வப்போது வந்து போவது ஆச்சிரியமான விடயம் தான்.

நம்மில் ஒவ்வொருவரும் கட்டாயம் சில சந்தர்ப்பங்களில் இந்த ஆழ்மனதில் ஏற்படும் அற்புத சக்தியை உணர்ந்திருப்போம்.

நாம் ஒருவரைப் பற்றி எண்ணிக்கொண்டிருக்கும் சந்தர்பத்திலேயே அவர் நேரில் வருவதை கண்டிருக்கலாம் அல்லது அவரிடமிருந்து phone call வந்திருக்கலாம். ஒருவரிடம் ஒன்று சொல்லவேண்டும் என எண்ணிக் கொண்டிருக்கும் அதேவேளையில் அவரே அந்தப் பேச்சை நம்மிடம் எடுத்திருக்கலாம்.

Phone call வந்தவுடன் இவராகத்தான் இருக்கும் என எண்ணி receiver ஐ எடுத்தால் நாம் நினைத்த நபரே சில நேரங்களில் தொடர்புகொள்ள வாய்புகள் உண்டு.

இவ்வாறான செயற்பாடுகளை நாம் மிக பெரிதாக ஏற்பதில்லை,ஆனால் உண்மையில் அவை ஆழ்மன சக்தியின் வெளிப்பாடுகள் என்பது நம்மில் எத்தனைபேருக்கு தெரியும்?

அவ்வாறான சில சக்திகளை பற்றி பார்க்கலாம்

Telepathy

ஒரு மனதிலிருந்து இன்னொரு மனதிற்கு செய்திகளை அனுப்பும் முறையாகும். இது ஆழ்மன ஆராய்ச்சி வகையில் சேர்க்கப்படுகிறது. மிகவும் நெருக்கமான மனிதர்களுக்கு இடையில் இந்த சக்தியை இயல்பாகவே காணலாம். தாய்-குழந்தை, கணவன்-மனைவி, நெருங்கிய நண்பர்களிடையே சொல்லாமலேயே உணரும் சக்தி இருப்பதை நம்மால் காணமுடியும். வளர்க்கும் செல்லப் பிராணிகளுடன் கூட சில மனிதர்களுக்கு இந்த சக்தி காணப்படும்.

Psycho kinesis

இது வெளிப்பொருட்கள் மீது இருக்கும் கட்டுப்பாடு, அதாவது நாம் பார்வையிடும் பொருட்களை பார்வையிலே நகர்த்துவது, அசைப்பது போன்றன. அதிகமான ஆங்கில திரைபடங்களில் இதனை கற்பனைகாட்ச்சியாக பார்த்திருக்ககூடும் ரஷ்யாவில் வசித்த “நினாகுலாகினா” என்ற பெண்மணிக்கு இச்சக்தி காணப்பட்டது.


Claivoyance or Remote viewing

இது வெகுதொலைவில் உள்ளதை காணக்கூடிய சக்தி ஆகும். ஆவிகள் பேய்களுடன் பேசமுடிவதையும் ஆராய்ச்சியாளர்கள் சிலர் இந்தவகையிலேயே உள்ளடக்குகின்றார்கள்.இதனை பெறும்பாலானோர் தெய்வீக சக்தி என்றே கூறுகின்றனர்.


Extra sensory Perception (ESP)

நம் ஐம்புலன்களின் துணையில்லாமல் தகவல்களை அறியமுடிவது ஆகும்.உதாரணமாக; Cards ஐ வைத்து நிறைய மாயாஜால வித்தைகளை இந்த முறையில் பார்த்திருக்ககூடும். ஒருவர் எடுத்த card எது என்பதை சொல்ல முடிவது.


Psychometry

ஒரு திண்மத்தை அதாவது பொருளை வைத்து அது சம்பந்தப்பட்ட விடயங்களையும் மனிதர்களையும் அறியமுடிவதாகும். இதற்கு உதாரணமாக Petter heerkoes என்ற டச்சுக்காரரை சொல்லலாம். இவர் 1943ல் கீழே விழுந்து மண்டை உடைந்த விபத்தில் இந்தச் சக்தியை எதேச்சையாகப் பெற்றார் என கூறபடுகின்றது. இவர் கொலை, கொள்ளை நடந்த இடங்களில் கிடைக்கும் தடயப் பொருட்களினைக் கொண்டு குற்றவாளிகளை கண்டுபிடிப்பதில் திறமையானவராக காணப்பட்டார்.


Post cognition

என்ன நடந்தது என்பதை நடந்த பின்னர் அறிய முடிந்த சக்தியாகும். சில வெளிநாடுகளில் குற்றவாளிகளை கண்டுபிடிக்க ஆழ்மன சக்தியாளர்களின் இச்சக்தியைக் காவல்துறை அதிகாரிகள் இரகசியமாகப் பயன்படுத்திக் கொள்கின்றனர்.

Pre cognition

இது நடப்பதை முன்கூட்டியே அறியும் சக்தியாகும். உதாரணமாக Chrittus என்ற ஞானி பல விபத்துக்களை நடப்பதற்கு முன்கூட்டியே சொன்னார்.

Astrol projection or out of Body experience (OBE)

உடலை விட்டு வெளியேறி பலவற்றையும் காணும் சக்தியாகும். இந்தசக்தியை செத்துப் பிழைத்தவர்கள் என்று சொல்லப்படும் மரணம் வரை சென்று சில வினாடிகள் கழித்து உயிர்பெற்ற சிலர் உணர்ந்திருக்கிறார்கள். இது குறித்து Dr. Charls dard ஆராய்ச்சி செய்திருக்கிறார். 1967ல் அவர் செய்த ஒரு ஆராய்ச்சியில் படுத்த நிலையில் உள்ள ஒரு ஆழ்மன சக்தியாளர் அடுத்த அறையில் தரையில் எழுதிவைக்கப்பட்டிருந்த 5 இலக்க எண் என்ன என்பதை சரியாகச் சொன்னதாகத் கூறபடுகின்றது.


Psychic Healing or Spiritual Healing

இது மருந்துக்களின் உதவியின்றி நோய்களைக் குணப்படுத்தும் சக்தி ஆகும். இந்த குணப்படுத்தும் சக்தியைப் பலர் ஆழ்மன சக்திவகையில் சேர்ப்பதில்லை. இதனையும் தெய்வீக சக்தி அல்லது மாற்று சிகிச்சை சக்தி வகைகளிலே சேர்க்கின்றனர்.ஆனாலும் இது ஆழ்மன சக்திகளில் சேர்ப்பது மிகப் பொருத்தமானது.

ஆழ்மன சக்திகள் முழுவதையும் இந்த 9 வகைகளில் அடக்கிவிட முடியாது என்றாலும் இதனை அடிபடையாக கூறலாம். இனி அவ்வப்போது இவ்வாறான சக்திகள் வந்தால் கொஞ்சம் சிந்தித்து பாருங்கள் நண்பர்கள