இன்னும் 10 முதல் 15 ஆண்டுகளில் வேற்று கிரகவாசிகளை கண்டுபிடிக்க முடியும் என நிபுணர்கள் தெரிவித்துள்ளனர்.

வேற்று கிரகவாசிகள் இருப்பதாகவும், அவர்கள் பறக்கும் தட்டு மூலம் பூமிக்கு வந்து செல்வதாகவும் தகவல்கள் தெரிவிக்கின்றன. ஆனால் அதற்கான ஆதாரம் எதுவும் இல்லை.

இந்த நிலையில் இன்னும் 10 முதல் 15 ஆண்டுகளில் வேற்று கிரகவாசிகளை மனிதர்கள் கண்டறிய முடியும் என நிபுணர்கள் தெரிவித்துள்ளனர்.

அமெரிக்காவின் அரிசோனா பல்கலைக்கழக நிபுணர்கள் இது குறித்து ஆய்வு மேற்கொண்டு வருகின்றனர். தற்போது பூமியை போன்று பல கிரகங்கள் இருப்பது கண்டு பிடிக்கப்பட்டுள்ளது.

எனவே அங்கு வேற்று கிரகவாசிகள் வாழலாம் என்ற சந்தேகம் எழுந்துள்ளது. அரிசோனா பல்கலைக்கழக நிபுணர்களின் இந்த ஆய்வுக்கு நாசா உதவுகிறது.

எனவே இன்னும் 15 ஆண்டுகளில் வேற்று கிரகவாசிகளின் நிலையை கண்டறிய முடியும். ஜேம்ஸ் வெப் விண்வெளி டெலஸ் கோப் மற்றும் சக்தி வாய்ந்த உபகரணங்கள் மூலம் இது சாத்தியமாகும் என தெரிவிக்கப்பட்டுள்ளது.

சர்வதேச அளவில் வாகனங்கள் அதிகரிப்பால் போக்குவரத்து நெரிசலில் இருந்து தப்பித்துக்கொள்ள தனி நபர் இயக்கும் குட்டி விமானம் ஒன்றை பிரபல விமான தயாரிப்பு நிறுவனமான ஏர் பஸ் நிறுவனம் விரைவில் அறிமுகப்படுத்த உள்ளது.

இந்த குட்டி விமானத்திற்கு ‛வாஹனா' என்று ஏர்பஸ் பெயரிட்டுள்ளது. குட்டி விமானம் என்று குறிப்பிட்டாலும், வாஹனா, கிட்டத்தட்ட ஒரு ஹெலிகாப்டர் போல வடிமைப்பிலும், இயக்கத்திலும் காணப்படுகிறது.

முதற்கட்ட வடிவமைப்பில் ஒரு நபர் மட்டுமே பயணிக்க கூடிய வகையில் தயாராகி வரும் வாஹனா எதிர்காலத்தில் மூன்றுக்கும் மேற்பட்ட பயணிகள் பயணிக்கும் வகையில் வடிவமைக்கப்படும் என ஏர்பஸ் நம்பிக்கை தெரிவித்துள்ளது.

பைக் போன்ற முன்புற வடிவத்தை கொண்ட வாஹனா பிளாஸ்டிக் மேற்கூரையுடன் உருவாக்கப்பட்டுள்ளது. இது மழை, வெயில் மற்றும் காற்றின் வீச்சிலிருந்து விமான ஓட்டியை பாதுகாக்கும்.

இந்த குட்டி விமானம் ஏறி இறங்குவதற்கு ஓடுதளம் தேவையில்லை. நின்ற இடத்தில் இருந்தே மேலெழும்பும். இதனால் தேவைப்படும் இடத்தில் விமானத்தை இறக்கிக் கொள்ளலாம்.

தரையில் லேண்டிங் ஆனவுடன், இறக்கைகளை மடக்கி வைத்துக் கொள்ளும் வசதியும் உள்ளது. இதனால், பார்க்கிங் இடப் பிரச்னை இருக்காது.

அனைத்து சோதனைகளும் முடிவடைந்து, அடுத்த ஆண்டு இறுதிக்குள் வாஹனா தயாராகும் என்று கூறி உள்ள ஏர் பஸ் நிறுவனம் வரும் 2020ம் ஆண்டு முழு அளவில் விற்பனைக்கு வரும் என்று கூறி உள்ளது.

இந்த ஆண்டு துவக்கத்தில் வாஹனா தயாரிப்பு துவங்கியது. பல்வேறு ஆலோசனைகளுக்கு பின்னர், வடிவமைப்பு இறுதி கட்டத்தை அடைந்துள்ளது. வாஹனாவை வாங்க பல நிறுவனங்கள் இப்போதிருந்தே போட்டி போட்டு வருகின்றன.

பொதுவாக விமானங்களை இயக்க பைலட் பயிற்சி கட்டாயம். பைலட் சான்றிதழ் பெற்றவர்கள் மட்டுமே இந்த ஏர் டாக்சியை பயன்படுத்த முடியும்.

ஒன்றுக்கு மேற்பட்டவர்கள் பயணம் செய்யும் வகையில் இந்த குட்டி விமானம் தயாரிக்கப்படும் போது, பைலட்டுகளை பயன்படுத்திக் கொள்ளலாம்.

நகரங்களில் ஒரு இடத்தில் இருந்து மிக குறைந்த நேரத்தில் மற்றொரு இடத்திற்கு செல்லவும், அவசிய மருந்துகளை அவசரமாக கொண்டு செல்லவும், ஒரு நகரத்தில் இருந்து அருகில் உள்ள மற்றொரு நகரத்திற்கு செல்லவும் இந்த வாஹனா ஏர் டாக்சி பயன்படும் என்பது குறிப்பிடத்தக்கது.

பல வகையான உயிரினங்கள் இயற்கை சீற்றம், மற்றும் மனித செயற்பாடுகள் காரணமாக இன்று வெகுவாக அழிந்து வருகின்றன.

ஆனால் ஆயிரக்கணக்கான வருடங்களுக்கு முன்னர் இயற்கை அனர்த்தங்களால் மட்டுமே அழிந்து பல்வேறு உயிரினங்களின் படிமங்கள் இன்றும் ஆங்காங்கே கண்டெடுக்கப்பட்டு வருகின்றன.

தற்போது சுமார் 170 மில்லியன் வருடங்களுக்கு முன்னரான ஜுராஸிக் காலம் எனப்படும் டைனோசர் காலத்தில் வாழ்ந்ததாகக் கருதப்படும் கடல் வாழ் உயிரினம் ஒன்று தொடர்பில் தகவல்கள் வெளியாகியுள்ளது.

இதன் படிமங்கள் கடந்த கால் நூற்றாண்டு காலமாக அருங்காட்சியகத்தில் வைக்கப்பட்டிருந்த போதிலும் அவ் உயிரினம் தொடர்பான எவ்விதமான ஆராய்ச்சிகளும் மேற்கொள்ளப்பட்டிருக்கவில்லை.

தற்போது இதற்கான ஆராய்ச்சிகள் ஸ்கொட்லாந்து விஞ்ஞானிகளால் மேற்கொள்ளப்பட்டுள்ளது.

இவ் ஆதாரங்களின்படி குறித்த உயிரினமானது 4 மீற்றர்கள் நீளமுடையது எனவும் கூர்மையான வாய்ப் பகுதியைக் கொண்டிருந்ததாகவும் தெரிவித்துள்ளனர்.

எனினும் டைனோசர்கள் இப் பூமியிலிருந்து அழிவதற்கு முன்னமே இவ் இராட்சத உயிரினமாது முற்றாக அழிவை சந்தித்துவிட்டதாகவும் அவர்கள் குறிப்பிட்டுள்ளனர்.

இன்றைய காலகட்டத்தில் இருப்பது போன்ற சூழல் நீடித்தால் 2050ம் ஆண்டுக்குள் பாதி உயிரினங்களே இருக்காது என நிபுணர்கள் எச்சரிக்கை விடுத்துள்ளனர்.

இதுகுறித்து சூழலியல் நிபுணராக ரீஸ் ஹால்டர் என்பவர் கூறுகையில், பூமியை மனிதர்கள் மிக மோசமான நிலைக்கு கொண்டு வந்து விட்டனர்.

இந்த நிலை நீடித்தால் இன்னும் பல கோடி ஆண்டுகளில் பூமியே ஒரு பாறை போன்று மாறிவிடும்.

இங்கு தாவரங்களும், உயிரினங்களும் பாசில்கள் போல மாறி விடும்.

இதை மாற்ற நாம் மிகப் பெரிய அளவில் இயற்கைக் காப்பாற்ற வேண்டிய நிலையில் இருக்கிறோம்.

காலநிலைகளில் கண்டிப்பாக மாற்றங்கள் இருக்கும், இதற்கு காரணம் அதிகளவு கரியமில வாயுவை வெளியேற்றுவது தான்.

கடந்த 65 மில்லியன் ஆண்டுகளில் நாம் பல ஆயிரம் உயிரினங்களை இழந்துள்ளோம்.

இதே வேகத்தில் போனால் அடுத்த 33 ஆண்டுகளில் நாம் 8 லட்சம் உயிரினங்களை இழக்க நேரிடும்.

அதாவது பூமியில் பாதி உயிரினங்களே இருக்காது, இதை சரிசெய்ய நாம் இயற்கையை காப்பாற்ற வேண்டும். இயற்கையை சரி செய்ய வேண்டிய பொறுப்பு நம் அனைவரிடமும் உள்ளது என்று தெரிவித்துள்ளார்.

வேற்றுகிரகவாசிகள் உண்மையிலேயே வசிக்கிறார்களா? இல்லையா? என்ற கேள்விக்கு இன்று வரையிலும் விடை கிடைக்கப்பெறவில்லை.

இந்நிலையில் ரஷ்யாவின் தொலைநோக்கியான Zelenchukskaya, பூமிக்கு அப்பால் இருந்து ரேடியோ சிக்னல் ஒன்றை கண்டறிந்துள்ளது.

இந்த சிக்னல் 6.3 மில்லியன் பழமை வாய்ந்த நட்சத்திரத்தில் இருந்து வருகிறது என்றும், 94.4 ஒளியாண்டுகள் கடந்து வருகிறது எனவும் கணித்துள்ளது.

இது வேற்றுகிரகவாசிகள் அனுப்பியதாக இருக்குமா என்ற கேள்வி எழுந்துள்ளது.

மேலும் அவர்கள் பூமியை தொடர்பு கொள்ள முயற்சிக்கலாம் என்றும் கூறப்படுகிறது.

இதனை தொடர்ந்து Extraterrestrial Intelligence நிறுவன விஞ்ஞானிகள் ஆராய்ச்சியை தொடங்கியுள்ளனர்.

இரவில் அறுவை சிகிச்சை மேற்கொள்ளப்படும் போது நோயாளிகள் இறக்கும் வாய்ப்பு இரு மடங்கு அதிகம் என கனடா நாட்டு ஆய்வாளர்கள் தெரிவித்துள்ளனர்.

பொது மருத்துவமனையொன்றில் கடந்த 2010 ஆம் ஆண்டு ஏப்ரல் மாதம் முதல், கடந்த ஆண்டு மார்ச் மாதம் வரை நடைபெற்ற அறுவை சிகிச்சைகள் குறித்து ஆய்வுகள் மேற்கொள்ளப்பட்டது.

அந்த அறுவை சிகிச்சைகள் நடைபெற்ற நேரம், காலை 7 மணியிலிருந்து மாலை 3.29 வரையிலும் ஒரு பிரிவாகவும், மாலை 3.30 முதல் இரவு 11.29 வரை ஒரு பிரிவாகவும், இரவு 11.30 முதல் காலை 7.29 வரை மற்றொரு பிரிவாகவும் பிரிக்கப்பட்டது.

5 ஆண்டு காலகட்டத்தில் ஆய்வுக்கு உட்படுத்தப்பட்ட, மருத்துவமனையில் தங்கியிருந்த 40,044 நோயாளிகளில் 33,942 பேருக்கு 41,716 அறுவை சிகிச்சைகள் மேற்கொள்ளப்பட்டன.

இந்த அறுவை சிகிச்சைகளில், 352 பேர் சிகிச்சை பலனின்றி உயிரிழந்தனர்.

அவர்களில், பகல் நேரத்தில் அறுவை சிகிச்சை மேற்கொள்ளப்பட்டவர்களைவிட, இரவு நேரத்தில் அறுவை சிகிச்சை மேற்கொள்ளப்பட்டவர்கள் 2.17 மடங்கு அதிகமான அளவில் உயிரிழந்தனர்.

மேலும், பகலில் அறுவை சிகிச்சை செய்துகொண்டவர்களைவிட, மாலையில் அறுவை சிகிச்சை மேற்கொண்டவர்கள் இறக்கும் வாய்ப்பு 1.43 மடங்கு அதிகமாக உள்ளதாக ஆய்வில் தெரிய வந்தது.

பால்வீதியின் மையத்தை சுற்றி யுள்ள அகண்ட உள் பகுதிகளில் இளம் நட்சத்திர கூட்டங்கள் இல்லாததால், அண்டவெளியில் நமது பால்வீதி எப்படி உருவானது என்பதை கண்டுபிடிப்பதில் சிக்கல் நீடிப்பதாக விஞ்ஞானிகள் தெரிவிக்கின்றனர்.

அண்டவெளியில் உள்ள பால்வீதி சுழல் வடிவில் அமைந்துள்ளது. இதில் நமது சூரியனை மையமாக கொண்டு 26,000 ஒளி ஆண்டுகள் தொலைவில் கோடிக்கணக்கான நட்சத்திரங்கள் உள்ளன. இந்த நட்சத்திரங்கள் அனைத்தும் நமது சூரியனை விட இளமையானவை. குறிப்பிட்ட கால அளவில் இவை ஏறி இறங்கி மின்னும்தன்மை கொண்டவை. அதை வைத்து அதன் தூரத்தை விஞ்ஞானிகள் கணக்கிடுகின்றனர்.

ஆனால் பால்வீதியின் உள்ளுக்குள் இருக்கும் நட்சத் திரங்களை கண்டுபிடிப்பதில் தொடர்ந்து சிக்கல் நீடிக்கிறது. அண்டவெளியில் இருக்கும் தூசுகள், அந்த நட்சத்திரங்களின் மின்னும் ஒளியை மறைத்து விடுவது தான் இதற்கு காரணம்.

இதையடுத்து, அந்த நட்சத்திரங்களை கண்காணிப் பதற்காக அகச்சிவப்பு தொலை நோக்கி ஒன்று தென் ஆப்ரிக் காவில் நிறுவப்பட்டுள்ளது.

இந்த தொலைநோக்கி மூலம் ஆராய்ந்தபோதும் பால்வீதியின் உள்ளே இளம் நட்சத்திரங்கள் ஏதும் தென்படவில்லை என கூறப்படுகிறது.

இது குறித்து டோக்கியோ பல்கலைக் கழகத்தின் விண்வெளி ஆராய்ச்சி துறை விஞ்ஞானி நோரியூகி மட்சுனகா கூறும்போது, ‘‘நமது பால்வெளியின் உள்ளே இளம் நட்சத்திரங்கள் ஏதும் இல்லாமல் இருண்டு கிடக்கிறது. கோடிக்கணக்கான ஆண்டுகளாக அங்கு எந்தவொரு நட்சத்திரமும் உருவாகவில்லை’’ என தெரிவித்துள்ளார்.

இதனால் நமது பால்வீதி எப்படி உருவானது என்பதை கண்டுபிடிப்பதில் தொடர்ந்து சிக்கல் நீடிக்கிறது.

கேரளாவில் மூளைச்சாவு அடைந்த விஷால் என்ற 15 வயது சிறுவனின் இதயம், சிறுநீரங்களை அவனது பெற்றோர் தானமாக அளித்துள்ளனர்.

கேரளாவின் திருவனந்தபுரத்தை சேர்ந்த தம்பதி சதீஷ்- ஷீலா, இவர்களுக்கு இசீஸ், விஷால் என்ற இரு பிள்ளைகள் உள்ளனர்.

சதீஷ் தன்னுடைய மூத்த மகன் இசீசுடன் துபாயில் வசித்து வருகிறார், ஷீலா பத்தாம் வகுப்பு படிக்கும் விஷாலுடன் திருவனந்தபுரத்தில் இருக்கிறார்.

இந்நிலையில் நேற்று முன்தினம் விஷால் பள்ளிக்கு சென்ற போது, வாகனம் மோதி விபத்துக்குள்ளானது.

இதில் படுகாயமடைந்த விஷாலை, திருவனந்தபுரத்தில் உள்ள தனியார் மருத்துவமனையில் அனுமதித்துள்ளனர்.

எனினும் சிகிச்சை பலனின்றி விஷால் மூளைச்சாவு அடைந்துள்ளான், இதனை அவனது பெற்றோர்களிடம் தெரிவித்தவுடன் மகனை இழந்த துக்கம் தாளாமல் கதறி அழுதுள்ளனர்.

தனது மகன் இறந்த பிறகும் பிறர்மூலம் வாழ வேண்டும் என்று அவர்கள் விரும்பியதுடன், உடல் உறுப்புகளை தானம் செய்ய விரும்புவதாக மருத்துவர்களிடம் தெரிவித்துள்ளனர்.

தொடர்ந்து விஷாலின் இதயம் அகற்றப்பட்டு நேற்று காலை 7.15 மணிக்கு திருவனந்தபுரம் விமான நிலையத்தில் இருந்து விமானப்படை விமானம் மூலம் கொச்சிக்கு காலை 9.30 மணிக்கு கொண்டு செல்லப்பட்டது.

அங்கிருந்து 15 நிமிடத்தில் கொச்சி அரசு ஆஸ்பத்திரிக்கு சென்ற இதயம் அங்கு உயிருக்கு போராடிக் கொண்டிருந்த சந்தியா (27) என்ற பெண்ணுக்கு வெற்றிகரமாக பொருத்தப்பட்டது.

இதேபோல விஷாலின் சிறுநீரகங்கள் திருவனந்தபுரம் தனியார் ஆஸ்பத்திரியில் சிகிச்சை பெற்று வந்த பிரியங்கா (30) என்ற பெண்ணுக்கும், கண்கள் திருவனந்தபுரம் அரசு ஆஸ்பத்திரியில் சிகிச்சை பெற்று வந்த பகருதீன் (39) என்பவருக்கும் தானமாக வழங்கப்பட்டது.

ஒரு தண்டில் இருந்து பல கிளைகள் ஒக்டோபஸ் கைகள் போலப் படர்ந்திருப்பதால் இதற்கு இந்தப் பெயர் உருவானது.

40 முதல் 50 சதுர மீட்டர்கள் அளவுக்குப் பரந்து விரிந்திருக்கும் தக்காளி மரமொன்றில் ஒவ்வொரு சீசனிலும் பல்லாயிரக்கணக்கான கிலோ தக்காளிகள் விளைகின்றன.

அமெரிக்காவின் ப்ளோரிடாவில் உள்ள வால்ட் டிஸ்னி வேர்ல்ட் ரிசோர்ட்டில் விவசாயத்திற்கென தனி பசுமைக்குடில் சுற்றுலா ஏற்பாடு செய்யப்பட்டிருக்கிறது. இங்கேதான் ஒக்டோபஸ் தக்காளி மரங்களும் உள்ளன.

சீனாவில் இருந்து தக்காளி விதைகள் கொண்டு வரப்பட்டு அங்கே விதைக்கப்பட்டதாகக் கூறப்படுகிறது.

ஒரு தக்காளி மரம் வளர்வதற்கு 1.2 முதல் 1.5 ஆண்டுகள் வரை ஆகிறது. 8 மாதங்கள் வரை இந்த மரம் காய்ப்பதில்லை. அதற்குப் பிறகு பூத்து, காய்க்க ஆரம்பித்தால் 14 ஆயிரம் தக்காளிகள் வரை அறுவடை செய்யலாம்.

தற்போது காட்சிக்கு வைக்கப்பட்டிருக்கும் 2 தக்காளி மரங்களில் இருந்து 32 ஆயிரம் தக்காளிகள் பறிக்கப்பட்டிருக்கின்றன. மொத்தம் 522 கிலோ.

இந்தச் சாதனை கின்னஸ் புத்தகத்தில் இடம்பெறவிருக்கிறது. டிஸ்னி வேர்ல்டில் 1 மணி நேரம் பசுமைக்குடிலைச் சுற்றிப் பார்ப்பதற்காக ஏற்பாடு செய்திருக்கிறார்கள்.

அசாதாரணமான செடிகள், காய்கள், பழங்கள் போன்றவற்றை இங்கே பார்க்கலாம்.
ஒவ்வொரு செடியும் எப்படி உருவாக்கப்பட்டிருக்கிறது, எவ்வளவு விளைகிறது, எப்படிப் பராமரிக்கிறார்கள் போன்ற தகவல்களை சுவாரசியமாகத் தருவார்கள்.

தக்காளி மரத்தில் காய்ப்பதே ஓர் ஆச்சரியம், அதிலும் பல்லாயிரக்கணக்கில் காய்த்துத் தொங்குவதைப் பார்ப்பதற்கென்றே ஏராளமான சுற்றுலாப் பயணிகள் படையெடுக்கின்றனர்.


 ஒக்டோபஸ், கலப்பினம், கின்னஸ் சாதனை, தக்காளி மரங்கள், தக்காளிகள்

 

நீங்கள் வண்ண வண்ண நிறங்களில் மனதை மயக்கும் வானவில்லை பார்த்திருக்கிறீர்கள் தானே?

மழை வந்த பிறகு வானவில் தோன்றும் என்பது எல்லாருக்கும் தெரியும். ஆனால் வானவில் தோன்ற மழை மட்டுமே காரணம் இல்லை என்கின்றனர் ஆய்வாளர்கள்.

பனிமூட்டம், காற்றில் மிதக்கும் கண்ணுக்குப் புலப்படாத சின்னச் சின்ன தூசு, காற்றில் நிறைந்திருக்கும் நீர்த்துளிகள் என்பன வானவில் தோன்ற மிக முக்கிய காரணம் ஆகும்.

அத்துடன் நமது கண்களுக்கு தெரிவது போன்று வானவில் அரை வட்டமாக இருக்காது, முழு வட்ட வடிவில் தான் தோன்றும்.

கானல் நீர் போல ஒளிச்சிதறல் மற்றும் எதிரொலித்தல் மூலம் நம் கண்களுக்குத் தெரிகிற ஒரு பிம்மம் மட்டுமே வானவில்.

எவ்வாறு தோன்றும்?

வானத்தில் உள்ள நீர்த்துளிகளில் (அதுதான் மழையாகப் பொழிகிறது) சூரிய ஒளி ஊடுருவி, அது சிதறலடைந்து,

நீர்த்துளிகளின் பின்புறமாக எதிரொலிப்பதால் உருவாகும் நிகழ்வே வானவில்.

ஒரு குறிப்பிட்ட கோணத்தில் இருந்து பார்த்தால் மட்டுமே வானவில், நம் கண்களுக்குத் தெரியும்.

நிறங்கள்

வானவில்லில் நீலம், கருநீலம், ஊதா, பச்சை, மஞ்சள், ஆரஞ்சு, சிவப்பு என ஏழு நிறங்கள் இருக்கும். ஆங்கிலத்தில் VIBGYOR என்று கூறுவர்.

V- Violet, I- Indigo, B- Blue, G- Green, Y- Yellow, O- Orange, R- Red.

பூமியின்சு சுற்றுப்பாதை நீள்வட்டம். எனவே ஒரு புள்ளியில் சூரியனுக்கு அருகேயும், ஆறு மாதங்கள் கடந்த பின்னர் தொலைவிலும் இருக்கும்.

இதனால் தான் சுட்டெரிக்கும் கோடைக்காலமும், நடுங்க வைக்கும் குளிர்காலமும் ஏற்படுகிறது .

வடகோளத்தில் குளிர் காலமாகிய ஜனவரி மாதத்தில் தான் பூமி சூரியனுக்கு அருகே உள்ளது. பூமியின் அச்சு சாய்வாக உள்ளதால், சூரிய ஒளி சாய்வாக விழுகிறது. இதனால் அங்கே குளிர் காலம் நிலவுகிறது.

இந்த காலகட்டத்தில் தென் கோளத்தின் மீது நேராக சூரிய ஒளி விழுவதால் கோடை காலம் நிலவுகிறது.

ஒருவேளை பூமியின் அச்சு சாயாமல் நேராக இருந்தால் கோடை காலம், குளிர் காலம் என்றெல்லாம் பருவ மாறுதல்கள் எதுவும் இருக்காது. எப்போதும் எல்லா இடத்திலும் ஒரே தட்பவெப்பநிலை நிகழும்.


உதாரணத்திற்கு, டார்ச் விளக்கை ஒரே உயரத்திலிருந்து நேராகவும், சாய்வாகவும் பிடித்து ஒளியை அடித்து சோதனை செய்து பாருங்கள்.

நேராகப் பிடிக்கும் போது அந்த டார்ச் லைட் தரும் ஒளி முழுவதும் வட்ட வடிவில் படரும், சாய்வாக பிடிக்கும் போது முட்டை வடிவில் கூடுதல் பரப்பளவில் அதே ஒளி படரும்.

எனவே ஒவ்வொரு புள்ளியிலும் விழும் ஒளியின் அளவு குறையும். இவ்வாறு தான் ஒரு சமயத்தில் நேராகவும் ஒரு சமயத்தில் சாய்ந்தும் படருவதன் மூலம் பருவகால மாற்றம் ஏற்படுகிறது.

புதிய ஆய்வொன்று பூனைகளுக்கு புவியீர்ப்பை உணர்ந்து செயற்படும் ஆற்றலுள்ளது என்பதை வெளிப்படுத்தியுள்ளது.

இந்த வாரம் கியோட்டா பல்கலைக்கழத்தினால் வெளியிடப்பட்டுள்ள ஆய்வுப் பத்திரிகையிலே மேற்படி தெரியவருகிறது.

ஆனாலும் மனிதன் அல்லாத விலங்கினங்கள் புவியீர்ப்பை உணர்ந்து செயற்படுவது பூனைக்கு மட்டுமே உரிய இயல்பல்ல.

வேறு விலங்கினங்களும் இவ்வியல்பை காட்டுவது முன்னைய ஆய்வுகளிலிருந்து வெளியிடப்பட்டுள்ளது.

இது பொதுவாக எல்லா விலங்கினங்களும் புவியீர்ப்பை உணரும் திறனை கொண்டிருக்கலாம் என நம்பப்படுகிறது.

இங்கு மேற்கொள்ளப்பட்ட ஆய்வில் குறிப்பிட்ட ஆய்வாளர் சில பெட்டிகளை எடுக்க வேண்டும்.

அவற்றில் சில பொருட்களை கெண்டிருக்கலாம், சில வெறுமையானதாக இருக்கலாம்.

அவை குலுக்கப்படும் போது பொருட்களை கொண்டவை சத்தத்தை பிறப்பிப்பதுடன், பொருட்களை கொண்டிராதவை ஒலியை பிறப்பிக்கப் போவதில்லை என்பது வெளிப்படையானதே.

ஆனால் இங்கு பொருட்களை கொண்டிருப்பவை சத்தத்தை பிறப்பிக்காத வண்ணமும், பொருட்களை கொண்டிராதவை சத்தத்தை பிறப்பிப்பது போன்றும் குலுக்கப்பட்டு பூனைகளின் எதிர் விளைவுகள் ஆராயப்பட்டது.

இதற்கென 30 பூனைகள் பயன்படுத்தப்பட்டிருந்தது.

எந்த ஓர் உயிரினம் இவ்வுலகில் வாழ வேண்டும் என்றாலும், அதற்கு மற்றொரு ஜீவராசியின் துணை கட்டாயமாக்கப்பட்டுள்ளது.

இதில் பல்லிகளும் ஒன்றாகும், இதுக் கொல்லப்படக் கூடாத விலங்காக நம் இந்திய கலாச்சாரத்தில் வரையறுக்கப்பட்டுள்ளது.

இதற்கான காரணங்கள் பலவகையாக கூறப்படுகிறது…

இந்திய பாரம்பரியம்

ஆரம்பம் முதலே நமது இந்திய பாரம்பரியத்தில், புராணங்களில் விலங்குகளை கொல்வது தீமை விளைவிக்கும் என்று கூறப்பட்டு வருகிறது.

சுற்று சூழலின் சமநிலை சீர்கெடாமல் இருக்க வேண்டும் என்பதற்காக தான் இப்படி சில வரையறைகள் வகுக்கப்பட்டுள்ளன என்றும் கூறப்படுகிறது.


இந்திய புராணங்கள் :
கடவுள் மனிதர்களோடு உரையாட பல வழிகளை கொண்டுள்ளார் என்று நமது புராணங்களில் கூறப்பட்டுள்ளது.

அதில் பல்லியும் ஒன்றென கூறப்படுகிறது. நமது முன்னோர்கள் மற்றும் கடவுள் நமது இல்லத்தை பல்லியின் உருவில் தான் வருகை தருகிறார்கள் எனவும், பூஜை அறைகளில் இருந்து முக்கியமான தருணங்களில் நமக்கு நல்லது, கெட்டது வரும் போது எச்சரிக்கிறார்கள் எனவும் கூறப்படுகிறது.

கடவுளின் செய்தியாளன் :
நமது இதிகாசங்களில் பல்லி கடவுளின் தூதர் அல்லது செய்தியாளன் என்று கூறப்பட்டுள்ளது.

இது கடவுளிடம் இருந்து நல்லது மற்றும் கெட்டது நடக்கவிருக்கும் செயல்கள் குறித்த செய்திகளை மனிதர்களிடம் கொண்டுவந்து சேர்க்கிறது என்று கருதப்படுகிறது.

கடவுள் மற்றும் மனிதர்களிடையே இது தகவல் தொடர்பு ஏற்படுத்துகிறது என்ற நம்பிக்கை முன்னாளில் இருந்துள்ளது.

வரதராஜன் சுவாமி கோவில்:
காஞ்சிபுரத்தில் இருக்கும் வரதராஜ சுவாமி கோவிலில் கர்பக்ரத்தில் மேல் கூரையில் தங்கம் மற்றும் வெள்ளியில் பல்லி உருவங்கள் இடம்பெற்று இருக்கின்றன.

இதை தொட்டு வணங்குவது சிறப்பிற்கு உரியதாக கருதப்படுகிறது. இந்த பல்லிகள் இரண்டும் காந்தர்வர்கள் என்று கூறப்படுகிறது.

இவர்கள் இறைவனிடம் வரம்பெற்று இக்கோயிலை கட்ட உதவினார்கள் என்ற கூற்றுகளும் நிலவி வருகின்றன.

அடையாளச் செய்தி :
நமது சாஸ்திரங்களில் ஒன்றாக கூறப்படுவது தான் பல்லி அல்லது கௌளி சாஸ்திரம்.

நமது உடல் பாகங்களில் பல்லி விழும் இடத்தை வைத்து நமது நேரத்தை பற்றியும், நடக்கவிருக்கும் நல்லது, கெட்டது பற்றியும் தெரிந்துக் கொள்ள முடியும்.

இது ஒருவகையான அடையாளச் செய்தியாக அறியப்படுகிறது. இதனாலும் கூட பல்லியை கொல்லக் கூடாது என்று கூறுவது உண்டு.

கோவில்களில் வணங்கப்படும் பல்லிகள் :
ஸ்ரீரங்கம் ரங்கநாதன் சுவாமி கோவிலில் பல்லி வணங்கப்படுகிறது.

கடவுளை தரிசித்த பிறகு சுவற்றில் இருக்கும் பல்லி உருவத்தை வணங்குவதால் மங்களகரமான செயல் (அ) நல்லது நடக்கும் என்ற நம்பிக்கை இருக்கிறது.

ஆண்மகன் தன் மனைவி கர்ப்பமாய் இருக்கும்,போது,பிரேதத்தின் பின் போகுதல்,முடிவெட்டுதல்,மலை ஏறுதல்,சமுத்திரத்தில் குளித்தல், வீடுகட்டுதல் தூரதேசயாத்திரை செல்லுதல்,வீட்டில் விவாகம் செய்தல், சிரார்த்த வீட்டில் புசித்தல் ஆகிய இந்த எட்டுக் காரியங்களையும் செய்யக்கூடாது,

மேலும்,கணவன்,கர்ப்பிணியாய் இருக்கும் மனைவியை எந்த விதத்திலும் துன்புறுத்தவோ, அசிங்கமான வார்த்தை கூறவோ கூடாது. அப்பொழுதுதான் ஆரோக்கியமாய் சுகப்பிரசவமாகும்


நமது நடைமுறை வாழ்க்கையில் செய்யக்கூடாத சில விஷயங்களைப் பற்றி நமது சாஸ்திரங்கள் கூறுகின்றன அவை

1,கன்றுக்குட்டி,மாடு ஆகிய இவற்றைக் கட்டியிருக்கும் கயிற்றைத் தாண்டக் கூடாது

2,தண்ணீரில் தன் உருவத்தைப் பார்க்கக்கூடாது

3,நிலையில் அமரக்கூடாது

4,மழை பெய்யும் பொழுது ஓடக்கூடாது

5,தரையில் கை ஊன்றிச் சாப்பிடக்கூடாது

6,துணி இல்லாமல் குளிக்கக் கூடாது

7,சூரியனுக்கு எதிரில் மலஜலம் கழிக்கக்கூடாது

8,நெருப்பை வாயினால் ஊதக்கூடாது

9,அசுத்தமான பொருள்களை நெருப்பில் போடக்கூடாது

10,துடிதுடிக்கப் புழுபூச்சிகளை நெருப்பில் போடுவது பிரம்மகத்திதோஷம் ஆகும்

11,ஆலயத்தில் இரவுநேரத்தில் குளிக்கக்கூடாது,கங்கையில் மட்டும் எந்த நேரமும் குளிக்கலாம்,

12,ஈரத்துணியைத் தண்ணீரில் பிழியக்கூடாது,உதறக்கூடாது

13,பெண்கள் மாதவிடாய் ஆன நான்கு நாள்கள்வரை, கோவிலுக்குப் போக்ககூடாது

கூடாத சில விஷயங்கள்!
பசு தன் கன்றுக்குப் பால் கொடுக்கும் சமயத்திலும்,தண்ணீர் குடிக்கும் சமயத்திலும் அதற்கு எவ்விதத் தடையும் ஏற்படுத்துதல் கூடாது! அது பாவங்களுளெல்லாம் பெரியபாவம் ஆகும்

மற்றும் அக்கினி, சூரியன், சந்திரன்,வில்வமரம்,பசு,தண்ணீர் ஆகியவற்றைப் பார்த்துக்கொண்டு மல ஜலம் கழிக்கக்கூடாது!

மற்றும் பாம்புப்புற்றின் அருகிலும்,எறும்புகள் கூட்டத்தின் மீதும் சிறுநீர் கழித்தல் கூடாது,

முக்கிய எச்ச்ரிக்கை! மாட்டை மேய்க்கும் கயிற்றைக் கட்டும் முளைக்குச்சியை எக்காரணம் கொண்டும் அடுப்பு எரிக்கக்கூடாது, அது மிகப்பெரிய தோஷமாகும்!

முகத்தல் அளவைகள்

ஒரு ஆழாக்கு = நூற்றி அறுபத்தியெட்டு மில்லி லீட்டர்.
ஒரு உழக்கு = முன்னூற்று முப்பத்தி ஆறு மில்லி லீட்டர்.
ஒரு கலம் = அறுபத்து நாலரை லீட்டர்.
ஒரு தூணி = இருபத்தி ஒன்றரை லீட்டர்.
ஒரு நெய்க் கரண்டி = தேக்கரண்டி அளவு.
ஒரு எண்ணெய்க் கரண்டி = இரு நூற்றி நாற்பது மில்லி லீட்டர்.
ஒரு பாலாடை = முப்பது மில்லி லீட்டர்.
ஒரு குப்பி = எழுநூறுமில்லி லீட்டர்.
ஒரு அவுன்ஸ் = முப்பத்தியொரு கிராம்.

ஒவ்வொருவரும் இவ்வுலகை காண உதவுபவை கண்கள். சில காரணங்களால்(பிறவியிலோ அல்லது விபத்தின் மூலமாகவோ) நாட்டில் லட்சகணக்கானோர் பார்வையின்றி, உலகை காண முடியாமல் தவிக்கின்றனர். அவர்கள் நிச்சயம் மீண்டும் கண்பார்வை பெற முடியும். அதற்கு ஒரே வழி  கண்தானம்.இது முற்றிலும் ஒரு சிறந்த கொடை.

மனித எண்ணங்களையும், உணர்வுகளையும் எடுத்துச் சென்று, வெளிப்படுத்தும் கருவியாக மொழியமைகிறது. மனிதன் முதலில் மொழியில் ஒழுங்கில்லாமல் தான் பேசிக்கொண்டு இருந்தான். நாளடைவில் அவன் மதி நுட்பத்திற்கேற்ப அவனைத் திருத்திக்கொண்டு மற்றவர்களுக்கும் கற்று கொடுக்கும் முயற்சியில் இறங்கினான். கற்றல், கற்பித்தல் தொடர்பான சிந்தனைகள் இந்தியப் பண்பாட்டில் வேத காலம் தொடங்கியே ஏற்பட்டுவிட்டது. எந்த எழுத்தை எப்படி உச்சரிப்பது? தவறுதலாக உச்சரித்தால் ஏற்படும் விளைவுகள் என்ன என்பதை நமக்கு வேதங்கள் தெளிவுபடுத்துகின்றன.

உணர்வு கடந்த நிலைகளின் தொடர்பு விளைவுகளை ஆராயும் உள நிலைப் பகுப்பாய்வு முறையினைக் கண்டுபிடித்த உளவியலறிஞர் சிக்மண்ட் ஃப்ராய்டு ஆவார். இவர் இன்று, செக்கோஸ்லாவாக்கியாவில் உள்ளதும், அன்று ஆஸ்திரியப் பேரரசின் ஒரு பகுதியாக இருந்ததுமான ஃபிரீபர்க் நகரில் 1856 ஆம் ஆண்டில் பிறந்தார். இவருடைய நான்கு வயதிலேயே இவரது குடும்பம் வியன்னாவில் குடியேறியது. அங்குதான் இவர் தமது ஆயுள் முழுவதையும் கழித்தார். பள்ளியில் ஃப்ராய்டு மிகச் சாதாரண மாணவராக விளங்கினார். வியன்னா பல்கலைக் கழகத்தில் 1881 ஆம் ஆண்டில் இவர் மருத்துவ பட்டம் பெற்றார். அடுத்த 10 ஆண்டுகள் இவர் உடலியல் ஆராய்ச்சிகள் நடத்தினார். பின்னர், நரம்பியல் மருத்துவத்தில் தனியாகத் தொழிலாற்றி வந்த ஓர் உளவியல் மருத்துவ மனையில் பணியில் சேர்ந்தார். புகழ் பெற்ற ஃபிரெஞ்சு நரம்பியலறிஞர் ஜீன் சார்க்கோட் என்பாருடன் பாரிசில் பணியாற்றினார். வியன்னா மருத்துவ வல்லுநர் ஜோசப் பிராயர் என்பவருடன் இவர் சிறுது காலம் பணிபுரிந்தார்.