கேள்வி:−                 அன்பான சட்டத்தரணி சுதன் அண்ணா!நான் வாசுகி.மட்டக்களப்பு மாங்காடு.நான் 2014ஆம் ஆண்டு என் தந்தை ஒருவருக்கு 50,000/− பணமாக கடன் கொடுத்தார்.அதற்காக 3%வட்டி என்று சொல்லி வெற்று promisory note ல் கையெழுத்து வாங்கி வைத்திருக்கிறார்.அதற்கு சான்றாக காணி உறுதி ஒன்றையும் வாங்கி வைத்திருக்கிறார்.கடனை திருப்பி செலுத்த பல முறை கேட்டும் கடன் வாங்கியவர் இது வரை கொடுக்கவில்லை.கடனை திரும்பி வாங்க எவ்விதம் நடவடிக்கை எடுக்கலாம் என்று கூறவும்.நன்றி அண்ணா.

  பதில்:−                  அன்பான சகோதரியே!பொதுவாக ஒருவருக்கு கடன் கொடுத்தால்,அதனை மூன்று ஆண்டுகளுக்குள்  திரும்ப பெறவேண்டும். வரையறை சட்டத்தின் படி ஒவ்வொரு பிரச்சனைக்கும் எத்தனை ஆண்டுக்குள் வழக்கு தொடர வேண்டும் என்று கூறப்பட்டுள்ளது. அதன் படி கடனை திரும்ப பெற அல்லது அவர் கடன் திரும்ப செலுத்த வில்லை என அவர் மீது வழக்கு தொடர மூன்று ஆண்டுகள் தான் கால அவகாசம்.ஆனால் இந்த மூன்று ஆண்டுகள் எப்போது தொடங்குகிறது என்பதற்கு சில விதிகள் உண்டு. உங்கள் தந்தையிடம் அவர் கடன் பெற்றது 05.07.2016 என வைத்து கொள்வோம்.அதன் பின் அடுத்த மூன்று ஆண்டுக்குள் ஒரு முறை வட்டியோ அல்லது சிறு தொகையோ தந்தால், அப்படி அவர் கடைசியாய் பணம் தந்த நாளிலிருந்து மூன்று ஆண்டுகள் கால அவகாசம் ஆரம்பிக்கும். அது போலவே உங்கள் தந்தை அவரை பணம் திரும்ப தர சொல்லி கடிதம் எழுதி, அதற்கு அவர் "குறிப்பிட்ட திகதியில் பணம் திரும்ப தருகிறேன்" என பதில் கடிதம் தந்திருந்தால் அன்றிலிருந்து மூன்று ஆண்டுகள் கால அவகாசம் தொடங்கும். இதற்கு ” கடன் ஒப்பு"(Acknowledging the debt) என்று சொல்வார்கள் (உங்கள் தந்தை எழுதும் கடிதம் இங்கு முக்கியமில்லை. அவர் எழுதும் பதில் கடிதமே முக்கியம்). நீங்கள் சொல்வதை வைத்து பார்க்கும் போது அவர் எந்த பணமும் தரவில்லை அல்லது கடனை ஒப்பு கொண்டு சமீபத்தில் எந்த கடிதமும் தர வில்லை என்பது தெரிகிறது. சிவில் நீதிமன்ற முறையில்(இணக்க சபை மூலமாக)நீங்கள் வழக்கு தொடர வேண்டுமெனில், அவரது கடனை உறுதி செய்யும்படி அவரிடம் தற்போதைய திகதியில் ஒரு கடிதமோ, அல்லது அவர் கடனுக்கு சிறு வட்டியோ தற்போது வாங்கினால் மட்டுமே நடக்கும்.இவை முடியாத பட்சம் சிவில் வழக்கு தொடர முடியாது . ஆனால் உங்களிடம் பணம் வாங்கி கொண்டு தராமால் ஏமாற்றி விட்டார் என அவர் மீது கிரிமினல் வழக்கு தொடர முடியும்.இதற்காக அவர் மீது சட்டத்தரணி மூலமாக எச்சரிக்கை தகவல் அனுப்பினாலே அவர் உடனே இறங்கி வர வாய்ப்புண்டு.ஆகவே நீங்கள் உடனே ஒரு வழக்கறிஞரை ஆலோசித்து அதற்கேற்ப சட்ட நடவடிக்கை எடுக்கவும்.

கேள்வி: - 

என் அன்பிற்குரிய சட்டத்தரணி சுதன் அண்ணா என் பெயர் வினோதினி.நான் உயர்தரம் விஞ்ஞானப் பிரிவில் படிக்கிறேன்.அண்ணா! மனநோய் உள்ள ஒருத்தரைப் பாத்தவுடனே கண்டுபிடிச்சிடலாமா? வேறு என்ன வழிமுறையில் கண்டுபிடிக்க முடியும்? மனநோய் பற்றிய விளக்கத்தினை தாருங்கள்.

  பதில்: -     

அன்பான மாணவியே! மனநோய் என்பது உடல் சார்ந்தல்ல.அது மனசு (மூளை) சார்ந்தது.அதனால் பார்த்தவுடனே கண்டு கொள்ள முடியாது.சம்பந்தப்பட்டவருடன் பேசிய பின்பே கண்டு பிடிக்க முடியும்.சிலவேளை மனநோய் உள்ளவர்கள் அவ்வளவு சீக்கிரத்தில் யாருடன் பேச விரும்ப மாட்டார்கள்.தனிமையிலிருப்பார்கள்,நெருங்கி சென்றாலும் விலகிச் செல்வார்கள்.சிரிக்க மாட்டார்கள், அழ மாட்டார்கள்.அழு முயற்சித்தாலும் கண்ணீர் சிந்த மாட்டார்கள், பொதுவாக மனித எண்ணங்கள் அனைத்துமே உடல்மொழியாவும் வாய்மொழியாவும் தான் வெளிப்படுகிறது.இதில் ஒரு பொருத்தமான,தொடர்புடனான,அறிவுபூர்வமான,தொடர்ச்சியான,(Relevance, இணக்கத்தைப், தர்க்கம், தொடர்ச்சி) தொடர் இருக்கணும்.ஆனால் மனநோயுள்ளவர்களுக்கு இதன் தொடர் இருக்காது. அதீதஉணர்ச்சி வெளிப்பாட்டுடன் (மிகைப்படுத்தி) நடவடிக்கைகள், சூழ்நிலைக்குப் பொருத்தமில்லாத பேச்சு, போன்றவை உடலில் இரசாயண (வேதியல்) மாற்றம் அதிகரிப்பதனால் அல்லது குறைவதனால் இவ் மனநோய் ஏற்படலாம். இதுவரை மொத்தம் 116 விதமான மனநோய்கள் தகவல்கள் (ஆவணங்கள்) வகைப்படுத்தப்பட்டுள்ளன. மனநோய் இரண்டு வகையில் நோக்கப்படுகிறது.1.சைக்கோலஜி (உளவியல்) .2 சைக்கியாட்ரி (மனநல) சைக்கோலஜி (உளவியல்) படித்தவர்களை சைக்கோலஜிஸ்ட் (சைக்காலஜிஸ்ட்) என்றும் சைக்கியார்டி (மனநல) படித்தவர்களை சைக்கார்டிஸ்ட் (உளவியலாளர்) என்றும் அழைப்பர்.இவ் இருவருமே, மன நோயாளிகளுக்கு சிகிச்சை அளிக்கும் மருத்துவர்கள் ஆவார்கள்.ஆனால், மனச் சோர்வுள்ள நோயாளிகளுக்கு, சைக்காலஜிஸ்ட் முதன்மையாக கவுன்சிலிங் (உளவளத்) மற்றும் சைக்கோதெரபி (சைக்கோதெராபி) உள்ளிடவற்றை மேற்கொண்டு தீர்வு காண்பார்.ஆனால் சைக்கார்ட்டிஸ்ட் மனநோய், உணர்ச்சி வேகம், மனிதனின் நடத்தை செயற்பாடு போன்றவற்றை திறமையாக கையாண்டு தீர்த்து வைப்பார்கள். சைகோலஜிஸ்ட் போன்று சைக்காட்டிஸ்சும் சைக்கோதெரபியை தான் மேற்கொள்வார்கள்.எனினும் கூடுதலாக மருத்துவ வழிமுறைகளையும் கடைபிடிப்பார். மேலும், மின் வலிப்பு சிகிச்சையையும் (மின் அதிர்வு சிகிச்சைப்) மேற்கொள்வார். சைக்கார்டிஸ்ட் என்பவர் மருத்துவ தொழில் முறைகள் சார்ந்த மருத்துவர் (எம்.பி.பி.எஸ்). ஆனால், சைக்காலஜிஸ்ட் மருத்துவ பட்டம் மட்டும் பெற்றவர்.மருத்துவ தொழில் முறைகள் சாராதவர். இந்த வேறுபாடு N.G.O போன்ற தனியார் நிறுவனங்களில் "உளவியல் ஆலோசகர்" (மன நல ஆலோசகர்) என்று கூறிக் கொள்பவர்கள் அனேகருக்கு தெரிவதில்லை. (அவர்கள் சைக்கோலஜி (உளவியல்) மட்டுமே ஓரளவிற்கு தெரிந்து வைத்துள்ளனர்.அதனை அரைகுறைவாக தெரிந்து கொண்டு உள ஆரோக்கியமாக இருப்பவர்களைக்கூட மனநோயாளிகளாக்கிய பல சம்பவங்களை நாம் எமது நீதிமன்ற நடைமுறையில் காண்கின்றோம்) பொதுவாக சைக்கோலஜி மற்றும் சைக்கியாட்ரிடி இரண்டையும் குழப்பாது தெளிவாக அறிந்து வைக்க வேண்டும்.பொதுவாக குடும்பம் அல்லது திருமண வாழ்க்கையில் பிரசச்னை இருந்தால் அல்லது, குழந்தைகள் பாடசாலைக்குப் போக மாட்டேன் என்று அதிகம் அடம்பிடித்தால், இதெல்லாம் ஒரு ஸைக்கோலஜிஸ்டே மனநல ஆலோசனை (கவுன்சலிங்) மூலமா சரிபண்ணிவிடலாம்.ஆனால், ஒரு வேளை அப்படி சரியாகாவிடின் அந்தக் குழந்தைக்கு அடிப்படையிலேயே மூளையில்ஏதோ ஒரு வேதிப் பொருளின் சமநிலை தவறி இருந்தா அதைச் சரி பண்ணறதுக்கு ஒரு மனநலவியல் மருத்துவர் (ஸைக்கியாட்ரிஸ்ட்- உளவியலாளர்) தேவை.எனவே சாதாரண உளவியல் பாதிப்புக்குள்ளானவர்களை சைக்கோலஜிஸ்ட் குணப் படுத்திவிடுவார். ஆனால் மூளையில் இரசாயண தாக்கத்தினால் பாதிக்கப்பட்டவர்களை சைக்கோலஜிஸ்டுக்களால் சுகப் படுத்த முடியாது.அவர்களை சைக்கியார்டிஸ்தான்குணப்படுத்த முடியும். பாதிக்கப்பட்டவர் ஏதேனுமொரு விரக்தியில் பாதிக்கப்பட்டுள்ளாரா? அல்லது மூளையில் ஏற்பட்ட ஏதேனுமொரு இரசாயண தாக்கத்தினால் பாதிக்கப்பட்டுள்ளரா? என்பதனை முதலில் அறிந்து.அதற்கேற்ப சைக்காலஜிஸ்ட் அல்லது உளவியலாளர் இடம் காண்பித்து சிகிச்சை பெற வேண்டும்.

குறிப்பு   உங்கள் சட்டப் பிரச்சனை தொடக்கம், மன உளைச்சல் ,உளவியல் வரையிலான தங்களுடைய சந்தேகங்களை எமக்கு மின்னஞ்சலுயூடாக அனுப்பி வைக்க முடியும். அதற்கு வழக்கறிஞரும் சமூக ஆர்வளருமான திரு சுதன் ( SuthanLaw ) தங்களுடைய கேள்விகளுக்கு பதிலளிக்கவுள்ளார். கேள்விகளை எமக்கு அனுப்பிவைக்க வேண்டய மின்னஞ்சல் முகவரி newmannar@gmail.com அனுப்பும் போது "கேள்வி-பதில்" என குறிப்பிட்டு அனுப்பவும் .

கேள்வி:−                 மதிப்பிற்குரிய சட்டத்தரணி SuthanLaw அண்ணா! நான் மட்டக்களப்பு பாலமீன்மடுவில் இருக்கிறேன்.அண்ணா! கோபம் எனக்கு அதிகமாக வருக்கிறது. நான் அடிக்கடி பெற்றோர்களிடமும், நண்பர்களிடமும் கோபப்பட்டு பேசி விடுகிறேன். பிறகு வருந்துகிறேன். இதனை தவிர்ப்பதற்கு என்ன செய்வது அண்ணா? 

  பதில் :-                 அன்பான சகோதரியே! கோபம் என்பது ஒருவருடைய "விருப்பம/எதிர்பார்ப்பு"அடைந்து கொள்ளப்படாது,மறுக்கப்படும் போதே கோபம் தோன்ற காரணமாகும்.அந்த விருப்பம்/எதிர்பார்ப்பு அடைந்து கொள்ளப்படுமாயின் கோபம் வருவதற்கான வாய்ப்புக்கள் குறைவு.எனவே அந்த விருப்பத்தினை அடைந்து கொள்ள முயற்ச்சியுங்கள். பதட்டம் ( Tension ) மேலோங்குமாயின் கோபம் வர வாய்புள்ளது.அத்தகைய கோபமே ஒருவரை கொடூரமான குற்றம் புரிய வைக்கிறது.பயங்கரமான குற்றங்கள் புரிந்தவர்களை ஆய்வு செய்த போது இந்த உண்மை தெரிய வந்துள்ளது. பதட்டம் இருவகை உண்டு.கவலை, பயம் போன்றவற்றின் போது வருவது எதிர்மறையான பதட்டம்(Negative tension),அளவற்ற மகிழ்ச்சியில் உண்டாவது நேரான/சாதகமான பதட்டம்(Positive Tension) ஆகவே கோபம் என்பது காரணி ( Cause ) பதட்டம் என்பது விளைவு (Effect). நாம் ‘ என்னை கோபமூட்டாதே, டென்ஷன் பண்ணாதே’ என்ற வார்த்தைகளை, ஒரே பொருள்பட உபயோகிக்கிறோம்.எனினும் கோபத்திற்கும் பதட்டத்துக்கும் வித்தியாசமுண்டு. சகோதரியே மனிதனுக்கு கோபமானது அவனது அறிவு,சுயகெளரவம்,மரியாதை என்பன இல்லாதொழியும் போதே தோண்றுகிறது.அதனால் அவற்றை(அறிவு,மரியாதை,சுய கெளரவம்) மனிதனானவன் பெருக்கி கொள்ளுவதன் மூலமாக அவனது கோபத்தினை நீக்கி கொள்ள முடியும்.உதாரணமாக மாணவர்களுக்கு கற்பித்தல்,சமூக சேவையில் ஈடுபடுதல்,சமூகத்தில் தனக்கென்று ஒரு நன்மதிப்பு உருவாக்குவதற்கான வழிமுறையை செய்தல்/அவ்வாறு இருப்பதாக கற்பனை செய்து அதன்படி நடத்தல்,அதிகமானவர்களின் மரியாதையை பெறுதல்..போன்ற செயற்பாட்டினை செய்வதன் மூலமாக அறிவு.மரியாதை,சுய கெளரவம் என்பன அதிகரிக்கும்.இதனால் கோபமானது குறைந்து நம்மை நாமே விரும்புகிற நிலைமை உருவாகும்.இதனை நான் எனது அனுபவத்தினுாடாக கற்றுக் கொண்டேன். கோபத்தை குறைக்க சில பயிற்சிகளை கூறுகிறேன்.முடிந்தவரை அவற்றை பயிற்சி செய்யுங்கள். 1. கோபப்படும்போது அவசரப்பட்டு பேசாதீர்கள். சில நிமிடங்கள் மவுனமாக இருங்கள்.பொறுமைதான் சிறந்த ஆயுதம். 2. பிறகு கோபப்படும் விஷயத்தை பேப்பரில் எழுதுங்கள். அதை ஒரு மணி நேரம் கழித்து படித்தால்,அந்த எழுத்துக்கள் உங்கள் கோபத்தின் உருவத்தினை வெளிப்படுத்தும்.(எழுதியதை கட்டாயம் கிழித்து எரியுங்கள்.) 3. கோபமான மனநிலையில் எந்த முடிவையும் எடுக்காதீர்கள்.குறிப்பாக பணம் கொடுக்கல், வாங்கல்,சொத்தெழுதுதல்,திருமண பந்தம்,பயணம்,உறவு..விடயத்தில் கூடாது. 4. கட்டுக்கடங்காத கோபம் வரும்போது படுத்துக் கொள்ளுங்கள்.ஆழ்ந்த மூச்சு – இழுத்து விடுதலை ஐந்து அல்லது பத்து நிமிடங்கள் செய்யுங்கள்.(யாரும் பார்க்க செய்யாதீர்கள்) 5.தியானம், யோகாசனம்,விரும்பிய பாடல்,காட்சி,அபிமான நபர்களுடன் பேசுதல் போன்றவை கோபத்தின் தன்மையை குறைக்கும் 6.கோபம் தணிந்தவுடன் கோபமான சூழ்நிலையை ஆராயுங்கள்.அடுத்து அதுபோன்ற சூழ்நிலை வரும்போது நிதானமாக செயல்பட தயாராகிக் கொள்ளுங்கள். 7. பிறருடைய தவறுகளை மன்னித்தல், உயர்ந்த மனோபாவமாகும். சிறுசிறு பிரச்சினைகளை பெரிது படுத்தாமல் மறப்பது,மனச்சுமைகளை குறைக்கும். 8.மறுதரப்பினரின் வார்த்தைகளையும் அவரது மன உணர்வுகளையும் புரிந்துகொள்ளுங்கள், பெரும்பாலும் கோபமே வராது.(ஒருவர் மீது நமது விருப்பத்தினை 100% எதிர் பார்ப்பது தவறு) 9. உங்களுடைய மன உணர்வுகளை, ” உங்கள் செய்கையால், சொல்லால் மனம் புண்பட்டுள்ளேன்” , என்ற வார்த்தைகளில் சுமூகமாக சம்பந்தப்பட்டவரிடமே சொல்லிவிடுங்கள்.

குறிப்பு   சட்டப் பிரச்சனை தொடக்கம், மன உளைச்சல் ,உளவியல் வரையிலான தங்களுடைய சந்தேகங்களை எமக்கு மின்னஞ்சலுயூடாக அனுப்பி வைக்க முடியும். அதற்கு வழக்கறிஞரும் சமூக ஆர்வளருமான திரு சுதன் ( SuthanLaw ) தங்களுடைய கேள்விகளுக்கு பதிலளிக்கவுள்ளார். கேள்விகளை எமக்கு அனுப்பிவைக்க வேண்டய மின்னஞ்சல் முகவரி newmannar@gmail.com அனுப்பும் போது "கேள்வி-பதில்" என குறிப்பிட்டு அனுப்பவும் .