கோழி கால் துண்டுகள் (லெக் பீஸ்) - 12 பீஸ்
எலுமிச்சை - 2
மிளகாய்த்தூள் - 1 தேக்கரண்டி
மிளகு தூள் - 1 தேக்கரண்டி
இஞ்சி பூண்டு விழுது - 2 தேக்கரண்டி
சோள மாவு - 2 மேஜைக் கரண்டி
அரிசி மாவு - 1 தேக்கரண்டி
எண்ணெய் - தேவையான அளவு
உப்பு - தேவையான அளவு


செய்முறை

1. கோழி கால் துண்டுகளை (லெக் பீஸ்) சுத்தமாக கழுவி கத்தியால் ஆழமாக இரண்டு மூன்று கீரல்கள் போட்டு, ஒரு எலுமிச்சம்பழத்தை சாறு பிழிந்து அதில் ஊற்றி பத்து நிமிடம் ஊற வைக்கவும்.

2. பின்னர் எலுமிச்சை சாற்றில் ஊறிய கோழி கால் துண்டுகளை எடுத்து நீரில் கழுவி தண்ணீரை வடிக்கவும்.

3. இதனுடன் சோளமாவு, உப்பு, மீதமுள்ள மற்றொரு எலுமிச்சை சாறு, சேர்த்து நன்கு பிசறவும்.

4. பிறகு மிளகு தூள், இஞ்சி பூண்டு விழுது, மிளகாய் தூள், எண்ணெய் சேர்த்து நன்கு பிசறி மூன்று மணி நேரம் ஊற வைக்கவும்.

5. அடுப்பில் வாணலியை வைத்து எண்ணெய் ஊற்றி காய்ந்ததும் மசாலாவில் ஊறிய கோழிக்கறி துண்டுகளை நன்கு வறுத்து எடுக்கவும்.

6. நல்ல எலுமிச்சையின் மனத்தில் குழந்தைகளுக்கு பிடித்த கோழிக்கறி லாலி பாப் தயார்.

குறிப்பு

1. கோழிக்கறியுடன் ஒவ்வொரு பொருளாக சேர்த்து பிசறுவதால் மசாலா நன்கு பிடிக்கும்.

2. பொரிக்கும் போது எண்ணெய் சூடானதும் தீயை மிதமாக வைத்து பொரிக்கவும். அப்போதுதான் கோழிக்கறி நன்கு வேகும்.

3. கோழிக்கறி மசாலாவில் ஒரு மணி நேரம் ஊறினாலே போதுமானது. இருந்தாலும் அதிக நேரம் நன்கு ஊறினால் சுவை கூடுதலாக இருக்கும்.

என்னென்ன தேவை?

ஆட்டு எலும்பு - 1/2 கிலோ
கத்திரிக்காய் - 150 கிராம்
துவரம் பருப்பு – 100 கிராம்
உருளைக்கிழங்கு - 150 கிராம்
முருங்கைக்காய் - 2
தக்காளி - கால் கிலோ
சின்ன வெங்காயம் - 100 கிராம்
பெரிய வெங்காயம் - 100 கிராம்
பச்சைமிளகாய் – 10
வரமிளகாய் - 10
சீரகம் - 1 டீஸ்பூன்
மிளகு - 1 டீஸ்பூன்
பட்டை - 4
பிரியாணி-இலை – 1
மஞ்சள் தூள் – 1 டீஸ்பூன்
சாம்பார் தூள் – 2 டீஸ்பூன்
சோம்பு – 1 டீஸ்பூன்
எண்ணெய் – தேவையான அளவு

எப்படிச் செய்வது?

ஒரு பாத்திரத்தில் ஆட்டு எலும்பு, துவரம் பருப்பு, இரண்டையும் மஞ்சள் தூள், சிறிது உப்பு, மற்றும் 5 டம்ளர் தண்ணிர் சேர்த்து வேக வைக்கவும்.
பின்னர் கடாயில் எண்ணெய் ஊற்றி கடாய் சூடானதும் சீரகம், சோம்பு, பட்டை,பிரியாணி இலை, பச்சைமிளகாய், வரமிளகாய் என அனைத்தையும் ஒவ்வென்றாக சேர்த்து நன்கு வதக்கவும்.

அதனுடன் இரண்டு வெங்காயம் , தக்காளியையும் சேர்த்து வதக்கவும். அதனுடன் கத்திரிக்காய், முருங்கைக்காய், உருளைக்கிழங்கு சேர்த்து நன்கு வதக்கி சாம்பார் தூள் சேர்த்து வதக்கவும்,காய் நன்றாக வதங்கியதும் கலவையுடன் வேகவைத்த ஆட்டு எலும்புகளைப் போட்டு தேவையான அளவு உப்பு சேர்த்து வேகவைக்கவும நன்றாக வெந்ததும் கொத்தமல்லி தழை தூவி இறக்கவும்.

மீன்-1/2 கிலோ,
தேங்காய்பால்-1/2 மூடி
புளி-எலுமிச்சை பழ அளவு
இஞ்சி பூண்டு விழுது - 1டீஸ்பூன்
மிளகாய்த்தூள்-2டீஸ்பூன்
தனியாத்தூள்-3டீஸ்பூன்
மஞ்சள் தூள்-1/2டீஸ்பூன்
சீரகம்-1டீஸ்பூன்
வெங்காயம்-100கிராம்
தக்காளி-100கிராம்
மிளகு-1டீஸ்பூன்
கொத்தமல்லி தழை-1/2கட்டு
எண்ணெய்-1குழிக்கரண்டி
எலுமிச்சைபழம்-1
கடுகு-1டீஸ்பூன்
வெந்தயம்-1டீஸ்பூன்
பச்சை மிளகாய்-4
உப்பு- தேவையான அளவு
கறிவேப்பிலை-தேவையான அளவு

புளியை 1 /2 கப் தண்ணீரில் கரைத்து எடுத்துக் கொள்ளவும். தேங்காய், மிளகு, சீரகம், கருவேப்பிலை ஆகியவற்றை சிறிது தண்ணீர் சேர்த்து அரைத்துக் கொள்ளவும். வெங்காயம், பூண்டு ஆகியவற்றை நீளவாக்கில் நறுக்கிக் கொள்ளவும். தக்காளியை துண்டுகளாக நறுக்கிக் கொள்ளவும். மீனை பெரிய துண்டுகளாக வெட்டிக் கொள்ளவும்.

கடாயில் என்னை ஊற்றி சீரகம், மிளகு, வெந்தயம், கருவேப்பிலை சேர்த்து தாளிக்கவும். பின் பூண்டு, வெங்காயம் சேர்த்து 2 நிமிடங்கள் வதக்கவும். தக்காளி சேர்த்து நன்கு மசியுமாறு வதக்கவும். பின் புளித்தண்ணீர், மஞ்சள்தூள், மிளகாய்த்தூள், மல்லித்தூள், உப்பு சேர்த்து கொதிக்க விடவும்.

நன்கு கொதிக்க ஆரம்பித்தவுடன், அரைத்து வைத்துள்ள மசாலா சேர்த்து குழம்பு திக்காகும் வரை கொதிக்க விடவும்.வெட்டி வைத்துள்ள மீன் துண்டுகளைச் சேர்த்து 10 நிமிடங்கள் வேக விட்டு இறக்கவும்.

தேவை?

மட்டன் - 1 கிலோ
மஞ்சள் தூள் - 2 டீஸ்பூன்
உப்பு - தேவையான அளவு
இஞ்சி பூண்டு விழுது - 1 டீஸ்பூன்
எண்ணெய் - 4 டீஸ்பூன்
வெங்காயம் - 2 (பெரியது )
தக்காளி - 1 (பெரியது )
தனி மிளகாய் தூள் - 1 / 2 டீஸ்பூன்
மிளகு தூள் - 2 டீஸ்பூன்
கொத்தமல்லி தழை - நறுக்கியது 2 டீஸ்பூன்
கருவேப்பிலை - தேவையான அளவு

வறுத்து அரைக்க:

ஏலக்காய் - 2
பட்டை - 1
கிராம்பு - 2
பெருஞ்சீரகம் - 1 / 2 டீஸ்பூன்
கடுகு - 1 / 2 டீஸ்பூன்
கொத்தமல்லி - 1 டீஸ்பூன்
மிளகு - 5
சீரகம் - 1 டீஸ்பூன்

எப்படி செய்வது?

குக்கரில் தண்ணீருடன் மட்டன், உப்பு (தேவையான அளவு) மற்றும் மஞ்சள் தூள் கலந்து 6 விசில் வரும் வரை மட்டனை வேகவிடவும். கடாயில் எண்ணெயை விட்டு, கருவேப்பிலை மற்றும் வெங்காயத்தை பொன்நிறமாக வரும் வரை வதக்கவும். பின்பு இஞ்சி பூண்டு விழுது, மிளகாய் தூள் மற்றும் மிளகு தூள் (1 டீஸ்பூன் மட்டும்) சேர்த்து ஒரு நிமிடம் வதக்கவும்.தக்காளி மற்றும் மட்டன் சேர்த்து, தக்காளி மென்மையாகும் வரை அதிக வெப்பத்தில் நன்குவதக்கவும்.

உப்பு மற்றும் அரைத்து வைத்தவைகளை சேர்த்து மிதுவான வெப்பத்தில் 5 நிமிடம் வதக்கவும். மட்டன் வேகவைத்த தண்ணீரை (கிரேவிக்கு தேவையான அளவு) சேர்த்து மிதுவான வெப்பத்தில் நன்கு கொதிக்க விடவும். நன்கு கிரேவி ஆனா பிறகு மீதம் உள்ள மிளகு தூள் (1 டீஸ்பூன்) சேர்த்து நன்கு கலக்கவும். இறக்கிய பின்னர் மேலே சிறிது கொத்தமல்லி தழையை தூவினால் சுவையான கிரேவி ரெடி...

தேவை ?

இஞ்சி - 1 1/2 கப் (வெட்டப்பட்டது)
பூண்டு - 1 1/2 கப் (வெட்டப்பட்டது)
பச்சை மிளகாய் - 2-4 (குறுக்காக வெட்டப்பட்டது)
மிளகாய் சாஸ் - 3 கப்
சோயா சாஸ்- 1 1/2 தேக்கரண்டி
வினிகர் - 1 டீஸ்பூன்
தக்காளி சாஸ் - 2 தேக்கரண்டி
மிளகு - 1/4 தேக்கரண்டி
தண்ணீர் - தேவையான அளவு
சோள மாவு - 1 1/2 தேக்கரண்டி
உப்பு- தேவையான அளவு
எண்ணெய் -தேவையான அளவு
கொத்தமல்லி -இலை தேவையான அளவு

ஊற வைக்கவும்...

எலும்பில்லாத சிக்கன் - 300 கிராம்(துண்டுகளாக வெட்டப்பட்டது)
இஞ்சி பூண்டு பேஸ்ட் - 1 டீஸ்பூன்
வினிகர் அல்லது எலுமிச்சை சாறு - 2 தேக்கரண்டி
மிளகாய் தூள் - 1 தேக்கரண்டி
முட்டையின் வெள்ளை - 1
சோள மாவு - 1 1/2 தேக்கரண்டி
மைதா மாவு- 2 தேக்கரண்டி

செய்யும் முறை;

முதலில் எலும்புகளை நீக்கிவிட்டு சிக்கனை சிறு துண்டுகளாக வெட்டிக்கொள்ளவும். முட்டையை கலக்கி அத்துடன் இஞ்சி பூண்டு விழுது, மிளகாய் சாஸ், உப்பு,சோள மாவு, மைதா மாவு அனைத்தையும் சேர்த்து மீண்டும் நன்கு கலக்கி, துண்டுகளாக வைத்துள்ள சிக்கனை அதில் புரட்டி 1/2 மணி நேரம் ஊறவைக்கவும்.

பிறகு அவற்றை பொன்னிறமாக மெதுவான தீயில் பொரித்து எடுக்கவும். பூண்டு, குடைமிளகாய், வெங்காயத்தை பொடிதாக நறுக்கிக்கொள்ளவும். விருப்பத்திற்கேற்ப வெங்காயத்தாளையோ அல்லது மல்லிக்கீரையையோ பொடிதாக நறுக்கி வைத்துக்கொள்ளவும். ஒரு வாணலியில் தேவையான அளவு எண்ணெய்விட்டு நறுக்கிய பூண்டு, பச்சை மிளகாய், வெங்காயத்தை போட்டு 2 அல்லது 3 நிமிடம் வதக்கி, அத்துடன் மிளகாய் சாஸ், தக்காளி சாஸ், சோயா சாஸ், அனைத்தையும் போட்டு கிளறவும்.

சோளமாவில் சிறிது தண்ணீர்வீட்டு கரைத்துக்கொண்டு கிரேவியுடன் ஊற்றி, உப்பு சேர்த்து, பொரித்து வைத்துள்ள கோழிகறியையும் பொடிதாக நறுக்கிய வெங்காயத்தாள் அல்லது மல்லிக்கீரையை அதில் போட்டு 2 அல்லது 3 நிமிடம் மூடிபோட்டு லேசான தீயில் வைக்கவும். பிறகு எலுமிச்சை சாறு சேர்த்து புரட்டிவிட்டு இறக்கவும்.

தேவையானவை:

மட்டன் - அரை கிலோ, பாசுமதி அரிசி - இரண்டரை கப், பெரிய வெங்காயம் - 3, தக்காளி - 4, பச்சை மிளகாய் - 6, மிளகாய்தூள் - ஒரு டீஸ்பூன், எண்ணெய் - அரை கப், நெய் - கால் கப், புதினா - ஒரு கைப்பிடி, மல்லித்தழை - ஒரு கைப்பிடி, தயிர் - ஒரு கப், உப்பு - 2 டீஸ்பூன். இஞ்சி+பூண்டு விழுது - 4 டீஸ்பூன். அரைக்க: பட்டை - 2, ஏலக்காய் - 10, கிராம்பு - 2.

செய்முறை:

அரிசியைக் கழுவி, தண்ணீரில் அரை மணி நேரம் ஊறவையுங்கள். பெரிய வெங்காயம், தக்காளியை நீளம், நீளமாக நறுக்குங்கள். பெரிய வெங்காயம், தக்காளியை நீளம், நீளமாக நறுக்குங்கள். பச்சை மிளகாயைக் கீறிக்கொள்ளுங்கள். அரைக்கக் கொடுத்துள்ளவற்றை விழுதாக அரைத்தெடுங்கள்.

ஒரு பாத்திரத்தில் எண்ணெய் விட்டு பெரிய வெங்காயம், பச்சை மிளகாய் போட்டு வதக்குங்கள். வெங்காயம் நன்றாக வதங்கிய பிறகு, நெய் விட்டு மட்டன், புதினா சேர்த்து தண்ணீர் சுண்ட சுண்ட வதக்குங்கள். பிறகு இஞ்சி, பூண்டு விழுதையும் அரைத்த மசாலாவையும் போட்டு, தக்காளி, தயிர், மிளகாய்தூள், உப்பு போட்டுக் கிளறி, மட்டன் வேகும் வரை வேகவிடுங்கள்.

மட்டன் நன்றாக வெந்தபிறகு வென்னீர் 2 டம்ளர் விட்டு, அது நன்றாக கொதிக்கும்போது அரிசியை போட்டுக் கிளறுங்கள். மேலே நிற்கும் தண்ணீர் வற்றி, சாதம் சேர்ந்தாற்போல (உப்புமா போல தளதளவென்ற பதத்தில்) வரும் சமயத்தில் தீயை "ஸிம்"மில் வைத்து பிரியாணி பாத்திரத்தை மூடுங்கள். அதன் மேலே வெயிட்டான பொருளைத் தூக்கி வைத்து "தம்" போடுங்கள். ஒரு பாத்திரத்தில் கொதிக்கும் வென்னீரை நிரப்பி, பிரியாணி பாத்திரத்தை மூடியிருக்கும் தட்டு மேலே வைத்தும் "தம்" போடலாம்.

தேவையான பொருட்கள்:

ஆட்டு ஈரல் - 500 கிராம்
வெங்காயம் - 2
பச்சை மிளகாய் - 2
வர மிளகாய் - 4
இஞ்சி - பூண்டு விழுது 1 டீஸ்பூன்
மிளகு - 1 டேபிள்ஸ்பூன்
சீரகம் - 1 டீஸ்பூன்
சோம்பு - 1 டீஸ்பூன்
மஞ்சள் பொடி - 1 டீஸ்பூன்
கறிவேப்பிலை - தேவையான அளவு
எண்ணை - 3 டேபிள்ஸ்பூன்
பட்டை, இலை - தாளிக்க

செய்முறை:

ஈரலை நன்கு கழுவி சிறிய துண்டுகளாக வெட்டி இருநூறு மி.லி தண்­ணீ­ர் விட்டு முக்கால் வேக்காடு வேக வைக்க வேண்டும். தண்ணீ­ர் முழுவதும் சுண்டி விட வேண்டும். மிளகு, சீரகம், சோம்பு, வர மிளகாய் நான்கையும் பத்து நிமிடம் ஊற வைத்து ஒரு டேபிள் ஸ்பூன் உப்பு சேர்த்து விழுதாக அரைத்து ஈரலில் போட்டு பிசறி அரை மணி நேரம் வைக்க வேண்டும். வெங்காயத்தை நீள நீளமாகவும், பச்சை மிளகாயை சிறிது சிறிதாகவும் நறுக்கி வைக்க வேண்டும். அடுப்பில் கடாயை வைத்து எண்ணை ஊற்றி பட்டை, இலை தாளிக்க வேண்டும். வாசனை வந்ததும் வெங்காயம் போட்டு வதக்கி, சிவந்ததும் ப. மிளகாய், கறிவேப்பிலை போட வேண்டும். இரண்டு நிமிடம் கழித்து இஞ்சி - பூண்டு விழுது, ம.பொடி, ஒரு டீ ஸ்பூன் உப்பு மூன்றையும் சேர்த்து வதக்க வேண்டும். வதங்கியதும் ஈரல் கலவையைப் போட்டு ஐந்து நிமிடம் வதக்கி, அரை டம்ளர் தண்ணீ­ர் ஊற்றி அடுப்பை சிம்மில் வைக்க வேண்டும். அடிக்கடி திறந்து கிளறி விட வேண்டும். தண்­ணீர் வற்றியதும் இறக்க வேண்டும்.

தேவையான பொருட்கள்:

சிறிது நீளமாக நறுக்கிய முருங்கைக்காய் - 2 கப்
கடலைப்பருப்பு - கால் கப்
பாசிப்பருப்பு - கால் கப்
தேங்காய் துருவல் - ஒரு டேபிள் ஸ்பூன்
பச்சை மிளகாய் - 2
காய்ந்த மிளகாய் - 2
சீரகம் - கால் டீ ஸ்பூன்
மஞ்சள்தூள் - கால் டீ ஸ்பூன்

தாளிக்க:

எண்ணெய் - ஒரு டீ ஸ்பூன்
கடுகு - கால் டீ ஸ்பூன்
உளுத்தம் பருப்பு - கால் டீ ஸ்பூன்
உப்பு - தேவையான அளவு

செய்முறை:

* குக்கரில் பாசிப்பருப்பு, கடலைப்பருப்பு இரண்டையும் வேகவைத்து எடுத்துக்கொள்ளவும்.

* முருங்கைக்காயை உப்பு, மஞ்சள்தூள் சேர்த்து வேகவிடவும்.

* பிறகு, தேங்காய் துருவல், பச்சை மிளகாய், காய்ந்த மிளகாய், சீரகம் சேர்த்து அரைத்து அதில் சேர்க்கவும்.

* கடைசியாக வெந்த பருப்புகளை அதில் சேர்த்து, தாளித்து இறக்கவும்

.

தேவையான பொருட்கள்

இறால் - 1 / 4 கிலோ
வெங்காயம் - 1 (பொடியாக நறுக்கியது)
தக்காளி -1 (பொடியாக நறுக்கியது)
இஞ்சி பூண்டு விழுது - 2 ஸ்பூன்
மிளகாய் தூள் - 1 ஸ்பூன்
கறி மசாலா தூள் - 1 ஸ்பூன்
மஞ்சள் தூள் - சிறிது
உப்பு, எண்ணெய் - தேவைக்கேற்ப

செய்முறை

வாணலியில் எண்ணெய் ஊற்றி வெங்காயத்தை போட்டு வதக்கவும், வெங்காயம் வதங்கிய பிறகு தக்காளி, இஞ்சி பூண்டு விழுது சேர்த்து வதக்கவும்.
 மிளகாய் தூள், கறி மசாலா தூள், உப்பு போடவும். பிறகு இறாலை போட்டு வதக்கவும். நன்றாக வதக்கிய பிறகு தண்ணீர் விட்டு வேகவைக்கவும்.
தண்ணீர் சுண்டியதும் சிறிது நேரம் சிம்மில் வைக்கவும், பிறகு இறக்கவும்.

என்னென்ன தேவை?

மட்டன் -1 கிலோ
இஞ்சி-1 துண்டு
பூண்டு -1
வெங்காயம் -இரண்டு
மிளகாய்த்தூள்-4ஸ்பூன்
மஞ்சள் தூள்-1ஸ்பூன்
பட்டை-சிறிய துண்டு
கிராம்பு தேவையான அளவு
தேங்காய்-சிறிய துண்டு
முந்திரி பருப்பு-சிறிது
எண்ணெய்-தேவையான அளவு
உப்பு -தேவையான அளவு

எப்படி செய்வது?

மட்டனை நன்கு சுத்தம் செய்து சிறிய துண்டுகளாக நறுக்கிகொள்ளவும். வெங்காயத்தை தாளிப்பதற்கு நறுக்கி கொள்ளவும். தேங்காயுடன் முந்திரி பருப்பையும் சேர்த்து அரைத்து வத்க்கி கொள்ளவும். குக்கரில் எண்ணெய் விட்டு வாசனை பொருட்களை எண்ணெயில் போட்டு வதக்கவும். பின்னர் நறுக்கி வைத்துள்ள வெங்காயத்தை போட்டு 2 நிமிடம் வதக்கவும். வெங்காயம் வதங்கியதும் இஞ்சி பூண்டு விழுது சேர்த்து வதக்கவும்.

பின்னர் சுத்தம் செய்து வைத்துள்ள மட்டன் துண்டுகளை சேர்த்து இரண்டு நிமிடம் கிளறவும். பின்னர் மசாலாதூள் போட்டு வதக்கி ஒரு கப் தண்ணீர் சேர்த்து தேவையான அளவு உப்பு சேர்த்து வேகவிடவும். மட்டன் வெந்ததும் வதக்கி வைத்துள்ள மசாலாவை போட்டு கிளறி 2 நிமிடம் கழித்து இறக்கவும்
என்னென்ன தேவை?

மட்டன் -1 கிலோ
இஞ்சி-1 துண்டு
பூண்டு -1
வெங்காயம் -இரண்டு
மிளகாய்த்தூள்-4ஸ்பூன்
மஞ்சள் தூள்-1ஸ்பூன்
பட்டை-சிறிய துண்டு
கிராம்பு தேவையான அளவு
தேங்காய்-சிறிய துண்டு
முந்திரி பருப்பு-சிறிது
எண்ணெய்-தேவையான அளவு
உப்பு -தேவையான அளவு

எப்படி செய்வது?

மட்டனை நன்கு சுத்தம் செய்து சிறிய துண்டுகளாக நறுக்கிகொள்ளவும். வெங்காயத்தை தாளிப்பதற்கு நறுக்கி கொள்ளவும். தேங்காயுடன் முந்திரி பருப்பையும் சேர்த்து அரைத்து வத்க்கி கொள்ளவும். குக்கரில் எண்ணெய் விட்டு வாசனை பொருட்களை எண்ணெயில் போட்டு வதக்கவும். பின்னர் நறுக்கி வைத்துள்ள வெங்காயத்தை போட்டு 2 நிமிடம் வதக்கவும். வெங்காயம் வதங்கியதும் இஞ்சி பூண்டு விழுது சேர்த்து வதக்கவும்.

பின்னர் சுத்தம் செய்து வைத்துள்ள மட்டன் துண்டுகளை சேர்த்து இரண்டு நிமிடம் கிளறவும். பின்னர் மசாலாதூள் போட்டு வதக்கி ஒரு கப் தண்ணீர் சேர்த்து தேவையான அளவு உப்பு சேர்த்து வேகவிடவும். மட்டன் வெந்ததும் வதக்கி வைத்துள்ள மசாலாவை போட்டு கிளறி 2 நிமிடம் கழித்து இறக்கவும்

என்னென்ன தேவை?

சிக்கன் - 1/2 கிலோ
பாசுமதி அரிசி - 1 1/2 கப்
பசும்பால் - 1 1/2 கப்
பிரியாணி இலை, பட்டை, லவங்கம், ஏலக்காய் - தாளிக்க
தயிர் - 2 தேக்கரண்டி
உப்பு
மஞ்சள் தூள் - 1/4 தேக்கரண்டி
மிளகாய் தூள் - 1 தேக்கரண்டி
மல்லி தூள் - 1 தேக்கரண்டி
கரம் மசாலா தூள் - 1/4 தேக்கரண்டி
கொத்தமல்லி, புதினா
இஞ்சி, பூண்டு விழுது - 1 தேக்கரண்டி
அரிசியை பொருத்து தண்ணீர் - 1 1/4 கப் (அ) 1 1/2 கப்
பச்சை மிளகாய் - 2
எண்ணெய் மற்றும் நெய் - 1 குழிக்கரண்டி
வெங்காயம் - 1
தக்காளி - 1

 செய்வது

அரிசியை நன்கு கழுவி 20 நிமிடம் ஊற வைக்கவும். பின்னர் சிக்கனை சுத்தம் செய்யவும். தயிர், இஞ்சி, பூண்டு விழுது சேர்த்து அரைத்துக்கொள்ளவும் . வெங்காயம், தக்காளியை பொடியாக நறுக்கவும். பச்சை மிளகாய் கீரி வைத்துக்கொள்ளவும். பாத்திரத்தில் எண்ணெய் மற்றும் நெய் விட்டு காய்ந்ததும் வெங்காயம் சேர்த்து வதக்கவும். வெங்காயம் வதங்கியதும், தக்காளி, பச்சை மிளகாய் சேர்த்து நன்கு வதக்கவும்.

பின் கொத்தமல்லி, புதினா, மிளகாய் தூள், மல்லி தூள், மஞ்சள் தூள், கரம் மசாலா சேர்த்து பிரட்டவும். பின்னர் இஞ்சி விழுது மற்றும் சிக்கனை சேர்த்து மூடி வேக விடவும். கோழி வெந்ததும் பால், தண்ணீர், உப்பு, அரிசி சேர்த்து வேக விடவும். முக்கால் வெந்ததும் 20 நிமிடம் தம்மில் போடவும்.

கடல் உணவுகள் உடலுக்கு மிகவும் ஆரோக்கியமானது. அதிலும் இறால் மிகவும் நல்லது. அத்தகைய இறாலை லீவு நாட்களில் வீட்டில் பொறுமையாக சமைத்து, ருசித்து சாப்பிட்டால் எவ்வளவு நன்றாக இருக்கும். இப்போது அந்த இறால் மசாலாவை எப்படி செய்வதென்று பார்ப்போமா!!!


தேவையான பொருட்கள்:

இறால் - 1/2 கிலோ
வெங்காயம் - 2 (நறுக்கியது)
இஞ்ச பூண்டு பேஸ்ட் - 2 டீஸ்பூன்
மிளகு - 1/2 டீஸ்பூன்
சீரகம் - 1/2 டீஸ்பூன்
சோம்பு - 1/4 டீஸ்பூன்
கசகசா - 1/4 டீஸ்பூன்
மிளகாய் தூள் - 1/2 டீஸ்பூன்
மல்லித் தூள் - 1/2 டீஸ்பூன்
மஞ்சள் தூள் - 1/2 டீஸ்பூன்
உப்பு - தேவையான அளவு
எண்ணெய் - தேவையான அளவு

செய்முறை:

முதலில் இறாலை நன்கு சுத்தமாக கழுவிக் கொள்ள வேண்டும். பின் அந்த இறாலை ஒரு பாத்திரத்தில் போட்டு, அதில் மிளகாய் தூள், மஞ்சள் தூள், மல்லித் தூள் மற்றும் உப்பு சேர்த்து பிசைந்து, அரை மணிநேரம் ஊற வைத்துக் கொள்ளவும்.

பின்பு மிக்ஸியில் வெங்காயத்தில் பாதியைப் போட்டு, சோம்பு, சீரகம், கசகசா, மிளகு போட்டு நன்கு நைஸாக அரைத்துக் கொள்ளவும்.

பின்னர் ஒரு அகன்ற வாணலியை அடுப்பில் வைத்து, அதில் எண்ணெய் ஊற்றி காய்ந்ததும், அதில் நறுக்கிய மீதமுள்ள வெங்காயத்தைப் போட்டு, பொன்னிறமாக வதக்கவும். பிறகு அதில் அரைத்து வைத்துள்ள மசாலாவைப் போட்டு, சிறிது தண்ணீர் ஊற்றி, லேசாக கொதிக்க விடவும்.

பின் அதில் ஊற வைத்துள்ள இறாலைப் போட்டு, வேண்டுமென்றால் உப்பை சேர்த்து ஒரு முறை பிரட்டி, இறால் வேகும் வரை அடுப்பில் வைத்து, கொதிக்க விட்டு, மசாலா சற்று கெட்டியானதும் இறக்கவும்.
இப்போது சுவையான இறால் மசாலா ரெடி!!! இதனை சாதத்துடன் சாப்பிட்டால் அருமையாக இருக்கும்.