உலகில் உள்ள அனைத்து கலைகளிலும் மிக பிரபலமான கலை ஓவியக் கலை தான்.

 கொரியாவை சேர்ந்த ஹாங் ஹூன்(kang- hoon) என்ற கலைஞரும் ஓவியத்தில் புதுமை படைத்தவர்களில் முக்கிய இடம் பெறுகிறார்.

 இவர் வரைந்த ஓவியங்கள் பார்ப்பதற்க்கு கமெரா மூலம் எடுத்த புகைப்படம் போலவே இருக்கும், ஆனால் உண்மையில் இது ஆயில் பெயின்டிங் தான்.

அமெரிக்காவின் மிஸ்பி ஆற்றில் கண்டெடுக்கப்பட்ட முதலை உலகில் மிக நீளமான முதலையென கின்னஸ் சாதனை புத்தகத்தில் பதியப்பட்டுள்ளது. 727 இறாத்தல் நிறையுடைய முதலையே இவ்வாறு உலகில் அதிக பருமன் மிக்க முதலையென கண்டறியப்பட்டுள்ளது.

 சுழியோடியான டஸ்டின் பொக்மன் என்ற நபரே இம் முதலை பிடித்துள்ளார். அமெரிக்காவில், முதலை வேட்டை காலம் ஆரம்பித்து இரண்டு நாட்களே ஆகின்ற நிலையில் இத்தகைய பருமன் கொண்ட முதலை பிடிக்கப்பட்டுள்ளமை குறிப்பிடத்தக்கது.

 காயமடைந்த நிலையில் காணப்பட்ட அந்த முதலையை பிடிப்பதற்கு தானும் தனது நண்பர்களும் எத்தகைய பாடுபட்டார்கள் என்பதை சுழியோடியான பொக்மன் விபரித்துள்ளார். "அந்த முதலையை பிடிப்பதற்கு சாரசாரியாக நான்கரை மணித்தியாலங்கள் தேவைப்பட்டன.

 நாங்கள் நான்கு பேர் இணைந்து எமது படகிற்கு அதனை இழுத்து எடுக்க முயன்றோம். கடைசி மணித்தியாலங்களில் எமக்கு அயலவர்களின் உதவி தேவைப்பட்டது' என்றார்.

 இம்முதலை பிடிப்படுவதற்கு ஒரு மணித்தியாலத்திற்கு முன்பே உலகின் மிக நீளமான முதலையாக கருதப்படும் 13 அடி 4.5 அங்குலம் நீளம் கொண்ட முதலை பிடிக்கப்பட்டது. அதனது சாதனையை இம்முதலை முறியடித்துள்ளது.

மட்டக்களப்பு மாநகர சபைக்குட்பட்ட பூநொச்சிமுனையில் வீட்டு தோட்டத்தில் தேங்காயொன்றில் இருந்து அதிசயமான முறையில் பத்து தென்னம்பிள்ளைகள் முளைத்துள்ளன.

ஒரு தேங்காயில் 1 அல்லது 2 அல்லது 3 மூன்று தென்னம்பிள்ளைகள் தான் வருவதாகவும் அதற்கு கூடுதலாக வருவதில்லை என்றும் எங்களுடைய வீட்டில் ஒரு தேங்காயில் ஒரு கன்று வீதம் 40 தென்னம்பிள்ளைகள் முளைத்து பராமரிக்கப்பட்டுவருவதாகவும் அதில் ஒரு மரத்தின் தேங்காயில் இருந்து அதிசயமான முறையில் 10 தென்னம்பிள்ளைகள் முளைத்துள்ளதாகவும் வீட்டு உரிமையாளர் தெரிவித்தார்.

 இவ் வீட்டு உரிமையாளரின் வீட்டுத் தோட்டத்தில் 17 பெரிய தென்னை மரங்களும் 40 சிறிய தென்னம் பிள்ளைகளும் பராமரிக்கப்பட்டு வருகின்றன.

பிரான்சில் இடம்பெறும் வருடாந்த மிதவைக்குடை (பரசூட்) விழாவில் இரண்டு புதிய சாதனைகள் நிகழ்த்தப்பட்டுள்ளன.

 ஒரேநேரத்தல் 408 மிதவைக்குடைகள் வானை அலங்கரித்ததும் அதேநேரத்தில் 391 மிதவைக் குடைகள் தரையிலிருந்து வானை நோக்கி எழுந்ததுமே இச்சாதனையாகும். பிரான்சில் ஒவ்வொரு வருடமும் இந்த சாகச நிகழ்வு நடத்தப்பட்டு வருகின்றது.

பருவ மாற்றம் காரணமாக கடந்த வருடங்களில் இடம்பெறாத இந்த சாகச நிகழ்வு இவ்வருடம் நிகழ்த்தப்பட்டு உள்ளது. 10 நாட்கள் தொடர்ந்து இடம்பெற்ற இச்சாகச நிகழ்வில் சுமார் 350,000 இற்கும் மேற்பட்ட மக்கள் கலந்துகொண்டனர்.

 'இந்த பத்து நாட்களில் மாலை வேளைகளில் அதிகமான காற்று வீசக்கூடியதை அவதானிக்க முடிந்தது. அதனால் அதனால் விமானங்களின் பாவனையை குறைத்துகொள்ள வேண்டி இருந்தது' என இந்நிகழ்வை ஏற்பாடு செய்த பிலிப் போர்ன் பிலட்ரி தெரிவித்துள்ளார்.

ரெடி பியரினை போல முகத்தோற்றம் கொண்ட மாமிச பட்சணி மிருகம் ஒன்று முதல் முறையாக கண்டுபிடிக்கப்பட்டிருக்கின்றது. கடந்த 30 வருடகால விலங்குகள் தொடர்பான கண்டுபிடிப்பில் இது முக்கியமான இடத்தினை பெறுகின்றது.

 ஒலிங்கிற்றோ (Olinguito) என்கின்ற பெயரிடப்பட்டுள்ள இம்மிருகம் மாமிச பட்சணியாக இருப்பதோடு ஏறத்தாள 1 கிலேகிராம் நிறையுடையது. மண்ணிறம் மற்றும் செம்மஞ்சள் நிற கலவை நிறத்திலுள்ள இது, கொலம்பியா மற்றும் ஈக்குவடோரிலுள்ள அடர் காட்டில் கண்டுபிடிக்கப்பட்டுள்ளது.


 இந்த பெரிய கண்களையுடைய ஒலிங்கிற்கோ raccoon மிருகக் குடும்பத்தில் மிகச்சிறியது என்கின்ற பெயரைப் பெற்றுள்ளது. இம்மிருகம் அதிகமாக தாவரங்கள் மற்றும் பழங்களை உண்பது அவதானிக்கப்பட்டாலும், மாமிச பட்சணி என்றே விஞ்ஞானிகளால் வகைப்படுத்தப்பட்டுள்ளது.

 இந்த மிருகத்தை கண்டுபிடித்த விஞ்ஞானிகளின் குழுவிற்கு தலைமை தாங்கிய Kristofer Helgen என்கின்ற விஞ்ஞானி, கண்டுபிடிப்புக்களுக்கான காலம் இன்னமும் முடிவடையவில்லை என தெரிவித்திருக்கின்றார்.

மனித சிறுநீரில் இருந்து பற்களை உருவாக்கி சாதனை படைத்துள்ளனர் சீன ஆராய்ச்சியாளர்கள். சீனாவின் குவாங்சுவோ பயோமெடிசின் மற்றும் ஹெல்த் டீத் நிறுவனத்தை சேர்ந்த ஆராய்ச்சியாளர்கள் செயற்கை பற்களை உருவாக்கும் ஆராய்ச்சியில் ஈடுபட்டனர்.

 இதன் ஒருபகுதியாக மனித சிறுநீரிலிந்து வெளியேறும் செல்கள் சேகரிக்கப்பட்டு, பரிசோதனை கூடத்தில் பரிசோதிக்கப்பட்டது. அந்த செல்கள் ரீஜெனரேஷன் முறையில் ஸ்டெம் செல்களாக மாற்றம் செய்யப்பட்டன.

 இந்த ஸ்டெம் செல்களுடன் எலிகளின் உடல்களில் இருந்து எடுக்கப்பட்ட பல்வேறு பொருட்கள் ஆகியவற்றை சேர்த்து செயற்கை பற்களை உருவாக்கும் சோதனை நடத்தப்பட்டது.

 இந்த பரிசோதனையில் 3 வார காலத்தில் செயற்கை பற்கள் உருவானது. மேலும் பற்களுக்கு தேவையான டென்டல் பல்ப், டென்டின், எனாமல் ஸ்பேஸ், எனாமல் ஆர்கன் உள்ளிட்டவை தேவையான அளவு இருந்ததும் தெரிய வந்தது.

 எனினும் இயற்கையான பற்களை போன்று இதில் கடினத்தன்மை இல்லை என்றும், இந்த சோதனையில் எதிர்பார்த்தது  கிடைத்துள்ளது என்றும் ஆராய்ச்சியாளர்கள் தெரிவித்துள்ளனர். மேலும் இந்த முறையில் பற்களில் கடினத்தன்மையை ஏற்படுத்த ஆராய்ச்சியாளர்கள் முயற்சி செய்து வருகின்றனர்.