சிரியா, ஆப்பிரிக்கா நாடுகளை சேர்ந்த அகதிகள் படகு இத்தாலி சென்று கொண்டிருந்த போது கவிழ்ந்து விபத்துக்குள்ளான வீடியோ காட்சி வெளியாகி அதிர்ச்சியை ஏறப்படுத்தியுள்ளது.

பல பேர் கடலில் முழுகுவது போல ஒரு வீடியோ தற்போது இணையத்தில் உலா வருகிறது.

அதில், ஒரு வெள்ளை நிறத்திலான படகு Mediterranean கடலில் மிக அதிக பயணிகளுடன் வந்து கொண்டிருந்தது.

அப்போது அதிக எடை தாளாமல் அந்த படகு தள்ளாட அதில் இருந்த அகதிகள் பலர் தண்ணீரில் விழுகின்றனர். அந்த படகு பக்கத்திலேயே ஒரு பெரிய கப்பல் நின்றிருப்பது போல அந்த வீடியோவில் பதிவாகியுள்ளது.

வீடியோவில் உள்ளதோ ஒரு படகு தான் ஆனால் பல படகுகள் அந்த மூழ்கிய படகுடன் பின்னால் வந்துள்ளது என கடலோர படை மீட்பு குழுவினர் தெரிவித்துள்ளார்கள்.

இது குறித்து அந்த குழுவின் உயர் அதிகாரி கூறுகையில், அந்த கடலில் 11 பெரிய படகுகள் 1400 க்கும் மேற்பட்ட அதிக பயணிகளை ஏற்றி கொண்டு வந்துள்ளது.

அதிக பயணிகளின் பாரம் தாங்காமல் ஒரு படகு தண்ணீரில் கவிழ்ந்துள்ளது. நேற்று இரவு மட்டும் அதிலிருந்து நாங்கள் 400 பேரை மீட்டுள்ளோம், பலர் காணாமல் போயுள்ளார்கள்.

தண்ணீரில் மூழ்கி பலர் உயிரிழந்தும் உள்ளார்கள் என தெரிவித்துள்ளார்.

இதற்கிடையே இந்த வருடத்தில் மட்டும் பாலஸ்தீனம், லெபனான், சிரியா, ஆப்பிரிக்கா போன்ற நாடுகளை சேர்ந்த 4655 அகதிகள் கடல் வழியாக படகிலோ, கப்பலிலோ போகும் போது உயிரிழந்தும், காணாமல் போயும் உள்ளார்கள் என்பது குறிப்பிடத்தக்கது.

பெங்களூரை சேர்ந்த பிரபல சுரங்க தொழில் அதிபரும், பாஜகவின் முன்னாள் அமைச்சருமான காளி ஜனார்த்தன ரெட்டி தனது மகளின் திருமணத்தை 200 கோடி செலவில் நடத்தவிருக்கிறார்.

காளி ஜனார்த்தன ரெட்டியின் மகள் பிரமானிக்கும் ஹைதரபாத்தைச் சேர்ந்த தொழில் அதிபர் விக்ரம் தேவாரெட்டியின் மகன் ராஜிவ் ரெட்டிக்கும் திருமணம் நடைபெறவுள்ளது.

பண்டைய அரச குடும்பத்தில் திருமணம் நடந்தால் எப்படி இருக்குமோ அதுபோலவே தனது மகளின் திருமணத்தையும் அரண்மனை போன்ற இடத்திலேயே அமைக்க ரெட்டித் திட்டமிட்டுள்ளார்.

இதனால், திருமணம் நடைபெறும் இடம் அரண்மனை போன்றே அமைக்கப்பட்டுள்ளது.

திருமணத்தில் 30 ஆயிரம் விருந்தினர்கள் பங்கேற்கவுள்ளனர். விருந்தினர்கள் பலர் ஹெலிகொப்டர்களில் வரவிருப்பதால் திருமணம் நடைபெறும் இடத்தின் அருகே 15 ஹெலிபேடுகளும் அமைக்கப்பட்டுள்ளன.


திருமணம் நடைபெறும் இடத்தில் திருப்பதி கோயில் போன்றும் வெங்கடேஷ்வரரின் சிலையும் நிர்மாணிக்கப்பட்டுள்ளது. அதேபோல் ஹம்பி நகரத்தில் விருபாக் ஷா கோயிலும் கூட உருவாக்கப்பட்டுள்ளது. இதற்கானப் பணிகளை ஆந்திரா மற்றும் தமிழ்நாட்டைச் சேர்ந்த கலைஞர்கள் உருவாக்கி வருகின்றனர்.

இதற்காக 38 ஏக்கர் நிலத்தில் செட்டுகள் அமைக்கப்படும் பணிகள் நடைபெற்று வருகிறது.

ஞாயிற்றுக்கிழமை காலையில் திருமணமும் மாலையில் திருமண வரவேற்பும் நடைபெறுகிறது.

திருமணத்தில் மட்டும் 5 ஆயிரம் பேர் பங்கேற்கவுள்ளனர். திருமணத்திற்காக இந்தோனேஷியா, மலேசியா போன்ற நாடுகளில் இருந்து அரிய வகை மலர்கள் கொண்டு வரப்பட்டுள்ளன.

இந்த மலர்களைக் கொண்டுதான் அரங்கத்தில் அமைக்கப்பட்டிருக்கும் வெங்கடேஷ்வரா சிலைக்கு சிறப்பு பூஜைகள் நடத்தப்படுகின்றன.

சர்வதேச நாடுகளில் அமெரிக்க ஜனாதிபதிக்கு கூடுதல் அதிகாரங்கள் இருந்தாலும் கூட அவர் குறிப்பிட்ட சில முக்கிய வசதிகளை பயன்படுத்த அனுமதிக்கப்பட மாட்டார்.

அமெரிக்க ஜனாதிபதி என்றால் உலகில் உள்ள அனைத்து வசதிகளையும் அவர் எளிதில் அனுபவிக்கலாம் என்ற எண்ணம் பெரும்பாலான மக்களிடம் உள்ளது.

ஆனால், ஜனாதிபதியாகவும், துணை ஜனாதிபதியாகவும் பதவி ஏற்கும் ஒருவர் அந்த நாள் முதல் பொதுச்சாலைகளில் கார் உள்ளிட்ட எந்த வாகனத்தையும் ஓட்ட அனுமதிக்கப்பட மாட்டார்.

இந்த விதிமுறையானது பதவியில் இருக்கும் ஜனாதிபதிக்கு மட்டுமல்லாமல் முன்னாள் ஜனாதிபதிகளுக்கும் பொருந்தும் என்பது முக்கியமானதாகும்.

இதுமட்டுமில்லாமல், ஜனாதிபதி மற்றும் துணை ஜனாதிபதியின் மனைவிகளும் வாகனங்களை இயக்க அந்நாட்டு உளவுத்துறை பொலிசார் அனுமதிக்க மாட்டார்கள்.

இதற்கு முக்கிய காரணம், ஜனாதிபதியின் உயிரை பாதுகாப்பதே ஆகும். உதாரணத்திற்கு, தற்போது 8 ஆண்டுகள் ஜனாதிபதி பதவி வகித்த ஒபாமா ஒருமுறை கூட வாகனங்களை இயக்க அனுமதிக்கப்படவில்லை.

ஒருவேளை ஜனாதிபதி விரும்பினால், அவர் ஓய்வு நேரங்களில் தங்கும் டேவிட் முகாமிற்கு உட்புறமாக இருக்கும் சாலையில் வாகனங்களை இயக்கலாம்.

வாகனங்களை இயக்குவது மட்டுமின்றி பிற முக்கிய வசதிகளும் ஜனாதிபதிக்கு வழங்க உளவுத்துறை பொலிசார் அனுமதிக்க மாட்டார்கள்.

உதாரணத்திற்கு, ஜனாதிபதி தனது விருப்பத்தின் பேரில் எங்கும் வெளியே செல்ல முடியாது. வெள்ளை மாளிகையை விட்டு வெளியே நடைப்பயிற்சிக்கு சென்றாலும் கூட பொலிசாரின் அனுமதி அவருக்கு தேவை.

இரண்டாவதாக, உலகில் ஐபோன் உள்ளிட்ட ஆடம்பரமான கைப்பேசிகள் வந்தாலும் கூட அவற்றை ஜனாதிபதி பயன்படுத்தக் கூடாது.

ஜனாதிபதிக்காக விஷேசமாக வடிவமைக்கப்பட்ட கைப்பேசியை மட்டுமே அவர் பயன்படுத்த வேண்டும். தற்போது ஒபாமா பிளாக்பெரி கைப்பேசியை பயன்படுத்தி வருவது குறிப்பிடத்தக்கது.

மூன்றாவதாக, கணிணிகளை உபயோகிக்கவும் ஜனாதிபதிக்கு சில விதிமுறைகள் உள்ளன. வெள்ளை மாளிகையில் உள்ள எந்த கணிணியையும் ஜனாதிபதி பயன்படுத்த முடியாது.

சில மாற்றங்கள் செய்யப்பட்டு பொலிசாரால் அனுமதிக்கப்பட்ட கணிணியை மட்டுமே ஜனாதிபதி பயன்படுத்த முடியும்.

நான்காவதாக, உலக நாடுகளின் தலைவர்கள் அளிக்கும் அன்பளிப்புகள், பரிசுகளை ஜனாதிபதி பெறக்கூடாது. ஒருவேளை காங்கிரஸ் இதற்கு அனுமதித்தால் ஜனாதிபதி அவற்றை பெறலாம்.

மேலும், பதவியில் இருக்கும்போது அரசு ஊதியத்திற்கு அதிகமாக ஒரு ரூபாயை கூட ஜனாதிபதி வருமானமாக பெறக்கூடாது என்பதும் சட்டத்தில் இருக்கும் முக்கியமான விதிமுறையாகும்.

கண்ணை பறிக்கும் நிறத்தில் இருக்கும் மாம்பழத்தை உட்கொள்வதால் நமது ரத்தம் அதிகரிக்கப்பட்டு உடலுக்கு நல்ல பலம் கிடைப்பதாக உள்ளது. உடலுக்கு நோய் எதிர்ப்பு சக்தியும் அளிக்கிறது.

என்னதான் மனிதனுக்கு ஆரோக்கிய நன்மைகளை அளித்தாலும், இதனை பழுக்க வைப்பதற்காக மேற்கொள்ளப்படும் வழிமுறைகள் மனித உடலுக்கு தீங்கினை விளைவிக்கின்றன.

சில மாம்பழங்கள் வெளியே பார்ப்பதற்கு நல்ல மஞ்சள் நிறத்தில் பளபளப்புடன் இருக்கும். வெட்டிப் பார்த்தால் உள்ளே வெள்ளையாகவும் புளிப்பாகவும் இருக்கும்.

கார்பைட் கற்கள் மூலம் பழுக்க வைக்கப்படுவதன் விளைவுதான் இது. இயற்கையாக மாம்பழத்தில் முதிர்ச்சியடையும்போது எத்திலின் வாயு உற்பத்தியாகி அதனை பழுக்க வைக்கும். பிஞ்சிலேயே பழுக்க வைக்க வேண்டும் என்றால் அசட்டலின் வாயு தேவைப்படுகிறது.

அசட்டலின் வாயுவை வெளியிடும் தன்மை கார்பைட் கல்லுக்கு உண்டு. அடைக்கப்பட்ட அறையினுள் மாம்பழக் கூடைகளை வைத்து, அதனுள் சிறிதளவு கார்பைட் கல்லை பொட்டலமாக்கி வைத்து விடுவர்.

கார்பைட் கற்களிலிருந்து வெளிப்படும் அசட்டலின் வாயு மாம்பழத்தை பழுக்க வைக்கிறது. அசட்டலினும் எத்திலின் குடும்பத்தைச் சேர்ந்த வாயுதான். இப்படிச் செயற்கையாக பழுக்க வைப்பதனால் அதை உட்கொள்வோருக்கு புற்றுநோய் ஏற்படு வதற்கான வாய்ப்புகள் அதிக அளவில் இருக்கின்றன.

நம் நாட்டில் தீபாவளி பண்டிகையன்று எமதர்மனையும் பெரும்பாலானோர் வழிபடுகிறார்கள். இதன் பின்னணியில் சுவாரசியமான தகவல் இருப்பதை புராணங்கள் கூறுகின்றன.

இந்தியா முழுவதும் தீபாவளிப் பண்டிகையை வெகு விமரிசையாக கொண்டாடப்படுகிறது. இந்தியாவின் மிகப் பெரிய பண்டிகையாக தீபாவளி விளங்குகிறது. நாட்டின் ஒவ்வொரு பகுதியிலும், தீபாவளி பண்டிகை கொண்டாடப்படுவதற்கு வெவ்வேறு காரணங்கள் சொல்லப்படுகின்றன.

ஸ்ரீகிருஷ்ணர் (நரகாசுரனை வதம் செய்த தினம்) மகாலட்சுமி (லட்சுமி பிறந்தநாள்), ஸ்ரீராமர் (இலங்கையில் இருந்து வெற்றியுடன் திரும்பிய தினம்) போன்ற கடவுளர்களை பின்னணியாகக் கொண்டே இந்த கதைகள் அமைந்திருக்கும்.

இதற்கு மாறாக, இந்தியாவில் சில பகுதிகளில் எமதர்மனை தீபாவளியன்று வழிபடும் வழக்கம் இருந்து வருகிறது. இதன் பின்னணியில் ஒரு சுவாரசியமான புராணக் கதை கூறப்படுகிறது.

முன்னொரு காலத்தில், வடஇந்திய பகுதியை ஹிமா என்ற பேரரசன் ஆட்சி புரிந்து வந்தான். அவனது 16 வயது மகன், திருமணமான நான்காவது நாள் பாம்பு கடித்து இறந்துவிடுவான் என்று ஜோதிடர்கள் கணித்திருந்தார்கள். இதனால், மன்னன் பயந்துபோனான். இருப்பினும், மனதை தேற்றிக் கொண்டு மகனுக்கு திருமணத்தை நடத்தி வைத்தான்.

திருமணமும் வைபோகமாக நடந்தது. மன்னனின் மகனை சாவித்திரி என்ற பெண் திருமணம் செய்து கொண்டாள். இளம் வயது பெண்ணாக இருந்தாலும், புத்திசாதுரியமும், தைரியமும் கொண்டவள் அவள். தன் கணவனை எப்பாடுபட்டாவது, எமதர்மனின் பாசக்கயிற்றினில் சிக்காமல் தப்ப வைக்க உறுதி பூண்டாள்.

குறிப்பிட்ட நாளும் வந்தது. அன்று, தன் கணவனை தூங்கவே அவள் அனுமதிக்கவில்லை. கணவனுடன் தான் இருந்த அறையின் வாயிலில், தகதகக்கும் தங்க, வெள்ளி ஆபரணங்களை கொட்டி வைத்தாள். அரண்மனை என்பதால் தங்கத்துக்கு குறைவா என்ன? அதுமட்டுமின்றி, இரவை பகலாக்கும் வகையில் விளக்குகளையும் எரியவிட்டாள்.

குறிப்பாக, படுக்கையை சுற்றி அதிக பிரகாசம் கொண்ட விளக்குகளை ஏற்றி வைத்தாள். அதன்பிறகு, தனது இனிய குரலில் பாடத் தொடங்கி, கணவன் தூங்காதிருக்க கதை சொல்லவும் தொடங்கினாள்.

ஜோதிடர்கள் சொன்னது போல், அவளது கணவனின் உயிரைப் பறிக்க அந்த அறைக்கு பாம்பும் வந்தது. ஆனால், ஜொலி, ஜொலிக்கும் ஆபரணங்களின் வெளிச்சமும், விளக்குகளின் பிரகாசமும் அதன் கண்களை கூசச் செய்தன. இதனால், தங்க ஆபரணங்களின் மீது தள்ளாடி, தள்ளாடி பாம்பு ஊர்ந்து சென்றது. இதனால், சாவித்திரியின் கணவன் இருக்கும் இடத்தை அதனால் கண்டு பிடிக்க முடியாமல் போனது.

இதற்கிடையே, சாவித்திரியின் இனிமையான குரலில் பாட்டை கேட்ட பாம்பு, தங்க ஆபரணக் குவியல் மீது படுத்தபடியே பாட்டை மெய்மறந்து கேட்கத் தொடங்கியதாம். இரவு முழுக்க, சாவித்திரி தொடர்ந்து பாடிக் கொண்டிருந்தாள். இப்படியே இரவு கழிந்து பொழுதும் விடிந்தது.

இரவு கடந்து போனதை பார்த்த பாம்பு, எதுவும் செய்யாமல், வந்த வழியாகவே திரும்பிச் சென்றுவிட்டது. இளவரசனும் சாவில் இருந்து தப்பினான். இவ்வாறாக எமதர்மனின் பிடியில் இருந்து கணவனை, அப்பெண் காப்பாற்றினாள்.

இதன்காரணமாகவே, இந்தியாவின் பல பகுதிகளில் தீபாவளி பண்டிகை எமதீப தினம் என்று அழைக்கப்படுகிறது. அதுமட்டுமின்றி அப்பகுதிகளில், இரவு முழுவதும் விளக்குகளும் தொடர்ச்சியாக எரியவிடப்படுகின்றன என்பதும் குறிப்பிடத்தக்கது.

கணவன் நீண்ட ஆயுளுடன் வாழ பெண்கள், எமதர்மனை நினைத்து வழிபடும் நாளாகவும் தீபாவளி கொண்டாடப்படுகிறது. இத்தகைய சுவாரசியமான பின்னணிகளே, பண்டிகைகளை மேலும் உற்சாகத்துடன் கொண்டாட ஊக்குவிப்பதை மறுக்க முடியாது.

மனிதன் கடவுள் அல்ல, கடவுள் மனிதனும் அல்ல, கடவுள் என்பவன் மத ரீதியாக வர்ணிக்கப்படுபவன் மட்டுமல்ல அறிவுற்கு அப்பாற்பட்டவனாகவே இருந்து வருகின்றான்.

கடவுள் நம்பிக்கை உள்ளவர்கள் நான் இப்போது கூற வருபவற்றை கொண்டு திட்ட வேண்டாம், கடவுள்களை பாதிக்கும் வகையில் இது இருந்தால் மன்னித்துக் கொள்ளுங்கள், அவ்வாறு இருக்காது எனறே நம்புகின்றேன்.

புலன் புறத்தெரிவு அல்லது ஆறாம் அறிவு என்பது பெளதீக புலன் உணர்வின் ஊடாக தகவல் அறியப்படாது மனதினால் உணரப்படுதலைக் குறிக்கும்.

இது மனிதனை எவ்விதம் செயற்படுத்துகின்றது புலன்களுக்கு அப்பாற்பட்ட சக்தியாக இது காணப்படுவது எவ்வாறு மனிதனும் கடவுள் ஆகின்றான். கடவுளும் மனிதனா? என்ற ரீதியாகவும் சிந்திக்கத் தூண்டும் இந்த ஆய்வு.

புலன் புறத்தெரிவு அல்லது ஆறறிவு என்பதற்கான ஆங்கிலப் பதம் ஜே. பி. ரைன் எனும் உளவியலாளரால் உள்வாங்கப்பட்டது.

இவர் ஆறறிவு கொண்டவரின் திறமைகளான தொலை நுண்ணுணர்வு, புலன் கடந்த கேள்வி ஆற்றல், மனக்கண் தொலைக்காட்சி, மற்றும் அவர்களின் இம்மையூடான நடவடிக்கைகளான முன்னறிவு அல்லது முன்னறிவு ஆகியனவற்றைக் குறிக்கப்பயன்படுத்தினார்.

புலன் புறத்தெரிவு சிலவேளைகளில் ஆறாம் அறிவாகக் குறிக்கப்படுகின்றது. புலன் புறத்தெரிவு இயற்கை இயற்காட்சி அல்லது மேலதிக உணர் புலப்பாடு எனவும் அர்த்தப்படுகின்றது.

ஏதோ பாசை புரியாத மொழியைக் கேட்பது போல் இருக்கலாம் உண்மைதான் கூற வந்த எனக்கே புரியவைக்கப்போவது எவ்வாறு எனப் புரியவில்லை.... சரி தொடங்கிவிட்டேன் முடிந்தளவு விளக்கி வைக்கின்றேன் வாருங்கள்.

ESP (Extra Sensory Perception)

சாதாரண மனிதர்களுன் மூளையின் உணர்திறனுக்கு அப்பாற்பட்டவை இந்த ESP என அறியப்படுகின்றது. இந்த ESP சக்தியில்

இறந்த காலத்தை சொல்பவர்கள்
எதிர்காலத்தை சொல்பவர்கள்
நிகழ்காலத்தில் நட்பபவற்றை சொல்பவர்கள்
பெளதீக விதிகளை மீறி செய்கைகளை செய்து காட்டுபவர்கள்
இன்றும் பலவகை உள்ளது, அது அவரவர் மூளையையும் சதன் சக்தியையும்வெ ளிப்படுத்துவதனைப் பொறுத்து வகைப்படும்.

மூளைக்குச் செல்லும் இரத்த நரம்புகளில் சிறு மின்னதிர்வை ஏற்படுத்தி அந்த அதிர்வுகள் மூளையில் முன்னர் சேமிக்கப்பட்ட நினைவுகளை மீட்டுக்கொடுக்கின்றன.

இது நாம் யோசனை செய்யும் போது தலையை கைகளால் கசக்கிக் கொள்வது அல்லது நெற்றியின் பக்கத்தை தட்டுவது போன்ற செயற்பாடுகளை நாம் செய்வது இந்த வகையில் மின்னதிர்வினை ஏற்படுத்தும் செயல் முறையே.

சில எலிகளின் மூளையை பயன் படுத்தி இந்த மின்திர்வு செயற்பாட்டை ஆராய்ச்சியாளர்கள் நிரூபித்துள்ளனர்.

இதன் காரணமாக மூளையில் பல சக்திகள் பொதிந்துள்ளன என்ற உண்மை உணரப்பட்டது.

மூளையில் இருக்கின்றன 4 பில்லியன்ஸ் செல்கள் ஆனால், மனிதர்கள் அதில் 10% வீதம் கூட முழுதாக பயன்படுத்துவதில்லை என்பதே ஆச்சரியம் மிக்க உண்மை, கணித அறிவியளாலர்களுக்கும் படிக்காத மனிதனுக்கும் கூட 100 செல்களுக்குள் தான் வித்தியாசம்.

ஆல்பர்ட் ஐன்ஸ்டைன் 500 தொடக்கம் 1000 செல்களை படுத்திய காரணத்தால் அவர் அளப்பரிய கணித அறிவியளாலராக மாறினார் என்பதும் உண்மையே.

அமெரிக்காவில் மன்ஹட்டன் நகரத்தில் ஒரு ESP தொடர்பான ஆய்வுகூடம் பல விஞ்ஞானிகள் இணைந்து ஆழ்மனதின் ஆற்றல்கள் பற்றியும்… மூளையின் தன்மைகள் பற்றியும் கலந்துரையாடினார்கள்

அப்போது டாக்டர். ஷார்ல்ஸ் பேர்ட் கண்களை தியானத்தில் ஈடுபட்டுள்ளார் பின்னர் அவரது உடல் தானாக மேல் எழுந்து அவர்கள் கூடியிருந்த கட்டிடம் வழியாக சென்று அடுத்த கட்டத்திற்கு சென்றுள்ளது.

பௌதீக விதிகளை மீறிய இந்த செயல் காரணமாகவே ஆழ்மனதின் ஆற்றலும் ESP எனப்படும் மூளையின் அதீத சக்தியின் மேல் நம்பகத்தன்மை வளர்ந்து ஆராய்ச்சிகள் தொடர்ந்துள்ளன.

இதனைத் தொடர்ந்து நடைபெற்ற ஆய்வுகளில் ஒரு மனிதன் தனது ESP சக்தியின் மூலம் தன்னுடைய உடல் எடையினை அதிகரிக்க முடியும் 50 கிலோகிராம் உள்ள ஒருவர் 200 கிலோ கிராம் வரை தனது எடையினைக் கூட்டிக் கொள்ள முடியும் அதுவும் சர்வ சாதாரணமாக என கண்டறியப்பட்டுள்ளது.

இவ்வகையான பல ஆராய்ச்சிகளின் முடிவாக எமக்குள் பல சக்திகள் பொதிந்துள்ளது என்று ஒப்புக்கொள்ளப்பட்டுள்ளது. அவை மூளையின் சக்தியினால் செயற்படுத்த முடியும் என்பதும் அறியப்பட்டது.

இராமாயண கதாபாத்திரமான அனுமான் தெய்வமாக நம்பப்படுகின்றார் அவரும் அந்தரத்தில் பறப்பது, உடல் எடையைக் கூட்டுவது போன்று கூறப்பட்டுள்ளது.

அவரும் அவ்வாறாக மூளையின் ESP சக்தியினை பயன்படுத்தினாரா என்றால், அக்கால கட்டத்தில் இருந்த தியானம் தவம் போன்ற மன ஒரு நிலைபாட்டில் அனுமான் என்பவர் ஈடுபட்டு அதன் காரணமான இவ்வாறான சக்திகளை அவர் பெற்றுக் கொண்டிருந்துருக்கலாம் என்று சந்தேகம் எழுவது என்னமோ நியாயம் தானே....!

அதே போல புராணத்தில் கூறப்படும் பல தெய்வங்கள் மற்றும தேவதைகள் அவர்களின் இவ்வாறான சக்திகளினாலேயே கடவுள்களாக வர்ணிக்கப்பட்டிருக்கலாம் என்று நான் கூறுவது சரியாக எனக்கு படுகின்றது.

டானியல் டொங்லஸ் ஹியூம் (daniel douglas hume) 1833 ஆம் ஆண்டில் பிறந்த ஒரு மனிதர் இவர் தன் உடல் எடையை கூட்டிக் குறைத்தும், தனது எடல் எடையை விட பல்லாயிரம் கணக்கு அதிக எடை கொண்ட நிறையை தூக்குபவராகவும் அந்தரத்தில் பறக்கும் சக்தியையும் கொண்ட ஒருவராகவே காணப்பட்டார். இது நவீன உலகில் நேரடியாக நிரூபணமான ஒரு உதாரணம்.

இதே போன்ற ESP சக்தியை அனுமான் போன்ற தெய்வங்கள் அதிகளவில் பயன்படுத்தியதால் அவர் தெய்வமாக பார்க்கப்பட்டாரா?

- தொடரும் அடுத்த பதிவில்.....

ஒரு மனிதன் அன்றாடம் காலையில் எழுந்ததும் செய்யும் முதல் வேலையான பல் துலக்குதலில் இருந்துதான் நாம், நம் உடலை தூய்மையாக வைத்துக்கொள்வதற்க்கான முதல் பயணம் துவங்குகிறது, அதன் பிறகுதான் குளிப்பதும் (Bathing) ஏனைய செயல்களும்.

அந்தவகையில் பல்துலக்குதல் (Tooth Brushing) என்பது நம் உடலை தூய்மையாக வைத்துக்கொள்வதற்கு எடுத்துக்கொள்ளும் எல்லா முயற்சிகளுக்கும் அடிப்படையான செயலாக அமைகிறது என்றால் மிகையில்லை.

சரி இந்த பல்துலக்கும் பழக்கம் எந்த நாட்டு மக்களிடம் முதன் முதலில் தோன்றியது என்று தெரியுமா இந்தியர்களிடம் தான் பல்துலக்கும் பழக்கம் முதன் முதலில் இருந்ததாக கூறுகிறது வரலாறு.

கிட்டத்தட்ட நான்காயிரம் ஆண்டுகளுக்கு முன்பு சிந்து சமவெளி பகுதியில் (Indus Valley Civilization, 3300 BCE - 300 BCE) வாழ்ந்த இந்திய மக்களிடம் தான் உலகில் முதன் முதலில் பல் துலக்கும் பழக்கம் இருந்ததாக அறியப்படுகிறது.

ஆரம்பத்தில் குருமணலை (Sand Powder) பல் துலக்குவதற்காக பயன்படுத்திய இவர்கள் போகப்போக எரிந்த மரங்களின் சாம்பலை விரலால் தொட்டு பல் துலக்க ஆரம்பித்தனர். கெளதம புத்தர் (Gautama Buddha, 563 BCE - 483 BCE) வாழ்ந்த காலத்தில் வேப்பமர குச்சிகளை (Neem-Trees Twigs) பல் துலக்க பயன்படுத்தும் அளவிற்கு சிந்து சமவெளி மக்கள் நாகரீகத்தில் வளர்ச்சியடைந்திருந்தனர் என்று தெரிவிக்கிறது வரலாறு.

சுருக்கமாக சொன்னால் கிட்டத்தட்ட 3000 (1000 BCE) ஆண்டுகளுக்கு முன்பே தினந்தோறும் காலையில் எழுந்ததும் பல் துலக்கும் பழக்கம் சிந்து சமவெளிப்பகுதியில் வாழ்ந்த இந்திய மக்களிடம் இருந்திருக்கிறது.

பின்பு கி.மு ஐந்தாம் நூற்றாண்டு (500 BCE) வாக்கில் சில வணிகர்களின் வாயிலாக இந்தியர்களிடமிருந்து பல் துலக்கும் பழக்கம் சீன (China) மற்றும் எகிப்திய (Egypt) மக்களை எட்டியது. சில நூற்றாண்டுகள் வரை சாம்பலை பயன்படுத்திய எகிப்தியர்கள், அன்றாடம் பல் துலக்குவதற்கு சாம்பல் உகந்தது அல்ல என்பதை விரைவிலேயே அறிந்துகொண்டனர். இதைத்தொடர்ந்து பல்துலக்க தனியாக பொடி தயாரிக்கும் பணியில் மும்முரமாக இறங்கினார்கள் எகிப்தியர்கள்.

பல்வேறு கட்ட ஆய்வுகளுக்கு பிறகு, உப்பு (Salt), புதினா இலை (Mint Leafs), ஐரிஸ் மலர் (Iris Flower), மிளகு (Pepper) ஆகியவற்றுடன் இருபது வகை தானியங்களை சேர்த்து பொடியாக்கி கி.பி நான்காம் நூற்றாண்டில் (400 AD) வாக்கில் உலகின் முதல் பற்பொடியை (Tooth powder) தயாரிப்பதில் வெற்றியடைந்திருந்தனர் எகிப்தியர்கள்.

ராஜ வம்சத்தினர் மட்டும் பயன்படுத்திய இந்த பற்பொடியின் தயாரிப்பு முறை பற்றிய குறிப்புகள் பாப்பிரசு தாள்களில் எழுதப்பட்டு அவற்றில் சில பாப்பிரசு தாள்கள் இன்றும் ஒஸ்ரியாவின் (Austria) தலைநகர் வியன்னாவில் (Vienna) உள்ள அருங்காட்சியகத்தில் (Museum) பாதுகாப்பாக வைக்கப்பட்டுள்ளது.

எல்லோரும் அறிந்த பொதுமக்களின் பயன்பாட்டிற்காக தயாரிக்கப்பட்ட பற்பசையின் வரலாறு கி.பி. ஒன்பதாம் நூற்றாண்டில் இருந்து துவங்குகிறது. எகிப்தியர்கள் பாப்பிரசு தாள்களில் குறிப்பிட்டிருந்த பற்பொடி தயாரிப்பு முறையை அடிப்படையாகக் கொண்டு பெர்சியாவை சேர்ந்த இஸ்லாமிய பல்துறை (Polymath) வல்லுனரான ஷிர்யாப் (Ziryab, 789 AD) என்பவர் கி.பி. ஒன்பதாம் நூற்றாண்டில் (900 AD) புதிய முறையில் அதிக அளவில் பற்பொடி தயாரிக்கும் முறையை கண்டறிந்தார்.

ஷிர்யாப் தனது பற்பொடியை தயாரிக்க என்னென்ன பொருட்களை பயன்படுத்தினார் என்பதை ரகசியமாக வைத்திருந்ததால் இறுதிவரை அவர் என்னென்ன பொருட்களை பயன்படுத்தி அந்த பற்பொடியை தயாரித்தார் என்பது வெளியுலகிற்கு தெரியாமலேயே போனது. சுவைமிக்கதாகவும், நறுமணமிக்கதாகவும் இருந்த ஷிர்யாப்பின் பற்பொடி, இன்றைய நவீன பற்பொடியைப்போல பல்துலக்கியதும் புத்துணர்ச்சி ஏற்படுத்தவும் தவறவில்லை. உலகின் முதல் பற்பொடி என்று எல்லோராலும் ஏற்றுக்கொள்ளப்பட்ட இவரது பற்பொடி அக்காலத்தில் ஸ்பெயின் மக்களிடையே மிகப்பெரிய வரவேற்பைப்பெற்றது என்பது குறிப்பிடத்தக்கது.

இருந்தாலும், கி.பி.18 ஆம் நூற்றாண்டு வரை உலகில் பெரும்பாலான நாடுகளில் வாழ்ந்த மக்களின் பிரதான பற்பொடியாக இருந்தது சாம்பல் தான் என்றால் மிகையில்லை. பற்பொடி தயாரிக்கும் தொழிலும் குடிசை தொழிலாகவே மேற்கொள்ளப்பட்டதால் பற்பொடி எல்லை கடந்து ஏற்றுமதி மற்றும் இறக்குமதியாகும் வாய்ப்பை பெறவில்லை, ஆகையால் 1950 ஆம் ஆண்டு வரை பெரும்பாலான நாடுகளில் சாம்பல் தான் பிரதான பற்பொடியாக இருந்துவந்தது. இதில் ஆச்சரியமான மற்றுமொரு உண்மை என்னவென்றால் கி.பி.18 ஆம் நூற்றாண்டு வரை இங்கிலாந்து மற்றும் அமெரிக்க நாட்டு மக்களிடையே பல்துலக்கும் பழக்கம் நடைமுறையில் இல்லை என்பதுதான். இதை நம்புவதற்கு கடினமாக இருந்தாலும் உண்மை அதுதான்.

கி.பி.18 ஆம் நூற்றாண்டின் துவக்கத்தில் தான் பல்துலக்கும் பழக்கம் இங்கிலாந்தில் ஏற்பட ஆரம்பித்தது அதைத்தொடர்ந்து அமெரிக்க மக்களிடையேயும் பல் துலக்கும் பழக்கம் ஏற்பட ஆரம்பித்தது. ஆரம்பத்தில் சாம்பலை பயன்படுத்திய இவர்கள் நாளடைவில் உப்பு (Salt), படிகாரம் (Alum), லவங்கப்பட்டை (Cinnamon), ஆகியவற்றை சேர்த்து அரைத்த பொடியைக் கொண்டு பல் துலக்க ஆரம்பித்தனர்.

இதைத்தொடர்ந்து கி.பி.1824 ஆம் ஆண்டு இங்கிலாந்தை சேர்ந்த பியாபாடி (Dr. Peabody, Dentist) என்ற பல் மருத்துவரால் பற்பொடி தயாரிக்க பயன்படுத்தும் ஏனைய மூலப்பொருட்களுடன் சோப்பையும் (Detergent Soap) சேர்த்து பயன்படுத்துமாறு பரிந்துரை செய்யப்பட்டது. வாசிக்கும் உங்களில் பலருக்கு உங்களது சிறியவயதில் நீங்கள் உப்புச்சோப்பை பல்துலக்க பயன்படுத்தியது இப்போது உங்கள் நினைவில் வந்தால் ஆச்சரியப்படுவதற்க்கில்லை. தொடர்ந்து 1850 ஆம் ஆண்டு இங்கிலாந்தை சேர்ந்த ஜான் ஹாரிஸ் (Dr. John Harris, Dentist) மற்றுமொறு பல் மருத்துவரால் மேற்சொன்ன மூலப்பொருட்களுடன் சுண்ணாம்பையும் (Chalk) சேர்க்க பரிந்துரை செய்யப்பட்டது.

நியூயார்க் நகரில் 1806 ஆம் ஆண்டு வில்லியம் கோல்கேட் (William Colgate, 1783 - 1857) என்பவரால் துவங்கப்பட்டு பல்வேறு பொருட்களை விற்பனை செய்து வந்த கோல்கேட் & கம்பெனி (Colgate & Company, Founded in 1806, presently as Colgate-Palmolive) பற்பொடியின் முக்கியத்துவத்தை பற்றி அறிந்து பல்வேறு வகையான பற்பொடி தயாரிப்பு முறைகளை ஆய்வு செய்து இறுதியில் உப்பு (Salt), படிகாரம் (Alum), சுண்ணாம்பு (Chalk) ஆகியவற்றை கொண்டு வணிகரீதியான உலகின் முதல் பற்பொடியை 1873 ஆம் ஆண்டு தயாரித்து ‘கோல்கேட் பற்பொடி’ (Colgate Toothpowder) என்ற பெயரில் குடுவைகளில் (Jar) அடைத்து விற்பனை செய்ய ஆரம்பித்தது.

அதுவரையிலும் குடிசை தொழிலாக இருந்துவந்த பற்பொடி தயாரிக்கும் தொழில், அதன்பிறகு வணிகத்துவம் பெற ஆரம்பித்தது. இக்காலகட்டங்களில் தான் அமெரிக்க மற்றும் இங்கிலாந்து மக்களிடையே தவறாமல் அன்றாடம் பல்துலக்கும் பழக்கம் ஆரம்பித்தது என்று சொல்லலாம்.

சுண்ணாம்பு கலந்து தயாரிக்கப்பட்ட பற்பொடிகள் சில நாட்களிலேயே மனிதர்களில் சில பக்கவிளைவுகளை ஏற்படுத்த துவங்கியது, இதனால் மனிதர்களின் கவனம் மீண்டும் சாம்பலை நோக்கி திரும்பிய அந்த நேரத்தில் வரலாற்றில் முக்கிய திருப்பமாக வாஷிங்டன் வெண்ட்வொர்த் ஷெப்பில்டு (Washington Wentworth Sheffield) என்ற இங்கிலாந்தை சேர்ந்த பல் மருத்துவர் இயற்கையாக கிடைக்கும் கால்சியம் புளோரைடுகளை (Calcium Fluoride) கொண்டு பற்பசை தயாரிக்கும் தொழில்நுட்பம் ஒன்றை 1892 ஆம் ஆண்டு கண்டறிந்தார்.

தொடர்ந்து பற்பசையை அடைத்து விற்பதற்காக மடக்கு குழாய்களை (collapsible tube) தயாரிக்கும் தொழில்நுட்பத்தை 1894 ஆம் ஆண்டில் கண்டறிந்தார். இரண்டையும் ஷெப்பில்டு காப்புரிமை பெறுவதற்குள் கோல்கேட் கம்பெனி இவர் தயாரித்த அதே தொழில்நுட்பத்தை அடிப்படையாக கொண்டு பற்பசை (Toothpaste) தயாரித்து மடக்கு குழாய்களில் அடைத்து கோல்கேட் டூத்பேஸ்ட் (Colgate Toothpaste) என்ற பெயரில் சந்தையில் விற்பனை செய்ய ஆரம்பித்தது.

கி.மு-வில் பிறந்தவர்களுக்கே பக்கம் பக்கமாக தகவல் வைத்திருக்கும் விக்கிபீடியா, 1900-களில் வாழ்ந்த ஷெப்பில்டு பற்றி முக்கியமாக உலகின் முதல் நவீன பற்பசையை தயாரித்த இவரை பற்றி இரண்டே வரிகளில் தகவல் வைத்திருக்கும் ஆச்சரியத்தை பார்த்தால் அவரைப்பற்றிய தகவல்களை வேண்டுமென்றே இருட்டடிப்பு செய்திருப்பார்களோ என்று எண்ணத்தோன்றுகிறது. இன்றும் கூட அதிக அளவு மாற்றத்தை சந்திக்காமல் ஷெப்பில்டு தயாரித்த அதே தொழில்நுட்பத்தை அடிப்படையாக கொண்டுதான் பற்பசையும், பற்பசையை அடைத்து விற்க பயன்படுத்தும் மடக்குகுழாய்களும் உற்பத்தி செய்யப்படுகிறது என்பது குறிப்பிடத்தக்கது.

பற்பசை உற்பத்தி சூடுபிடிக்க ஆரம்பித்த சமயத்தில் திடீர் திருப்பமாக 1937 ஆம் ஆண்டு, புளோரைடு பற்பசைகள் பற்களுக்கு உகந்தது அல்ல என்று அமெரிக்க பல் சங்கம் (American Dental Association, known as ADA) தடை செய்ய முன்வந்தது. பெறும் சர்ச்சைகளுக்கு உள்ளான இந்த பிரச்னைக்கு தீர்வு காணும் பொருட்டு வில்லியம் ப்ரோக்டர் (William Procter, 1801 - 1884) மற்றும் ஜேம்ஸ் கேம்பல் (James Gamble, 1803 - 1891) என்ற இரு அமெரிக்கர்களால் 1837 ஆம் ஆண்டு துவங்கப்பட்டு பல்வேறு பொருட்களை விற்பனை செய்து வந்த ப்ரோக்டர் & கேம்பல் (Procter & Gamble, Founded at USA in 1837, known as P&G) என்ற நிறுவனம் ஜோசப் முஹ்லர் (Dr. Joseph Muhler) என்பவரை தலைமையாக மருத்துவக்குழு ஒன்றை அமைத்தது.

பல்வேறு கட்ட ஆய்வுகளை மேற்கொண்ட இக்குழு 1955 ஆம் ஆண்டு வாக்கில் புளோரைடு பற்பசைகளின் நம்பகத்தன்மை மற்றும் பின்விளைவுகள் பற்றிய தங்களது விரிவான அறிக்கையை அமெரிக்க பல் சங்கத்திடம் (ADA) சமர்ப்பித்தது. அறிக்கையை ஆய்வு செய்த ADA 1960 ஆம் ஆண்டு புளோரைடு பற்பசைகளுக்கு சில கட்டுப்பாடுகளுடன் அனுமதியளித்தது, அதாவது பெரியவர்கள் உபயோகிக்கும் பற்பசையில் புளோரைடின் அளவு 1000ppm-க்கு (PPM - Parts Per Million), மிகாமலும் சிறியவர்கள் உபயோகிக்கும் பற்பசையில் புளோரைடின் அளவு 500ppm க்கும் மிகாமலும் இருக்க வேண்டும் என்ற கட்டுப்பாடுகளை விதித்தது. இதன் பிறகு தான் பற்பசை உற்பத்தி அதிகரித்து புதிய பரிணாமத்தை அடைய துவங்கியது.

இந்தியா - பாம்பன் இரயில் பாலத்தில் புதிய இரும்பு கர்டர்கள் பொருத்தும் பணி தீவிரமாக நடைபெற்று வருகிறது.

1913ஆம் ஆண்டு இறுதியில் 5 ஆயிரம் டொன் சீமெந்து 18 ஆயிரம் டொன் இரும்பு, இத்துடன் 18 ஆயிரம் டொன் ஜல்லி கற்களைக் கொண்டு இரசாயன கலவையின்றி 146 தூண்களை அமைத்தும், 270 அடி நீளமும், 100 டொன் எடை கொண்ட தூக்கு பாலத்தையும் உள்ளடக்கி பாம்பன் இரயில் பாலத்தின் பணிகள் நிறைவடைந்தது.

இத்தகைய சிறப்பு வாயந்த பாலத்தில் உப்புக்காற்றால் துருப்பிடித்து தண்டவாளம் மற்றும் அதனை தாங்கி நிற்கும் கர்டர்கள் சேதமடைந்துள்ளது.

இதனையடுத்து இந்திய இரயில்வே பாலம் பராமரிப்புத்துறை மற்றும் பொறியியலாளர்கள் குழுவினர், சேதமடைந்த இரும்பு கர்டர்களுக்கு பதிலாக கடந்த ஆண்டு 13 கர்டர்கள் புதியதாக மாற்றி அமைத்திருந்தது.

இந்த நிலையில் இன்று இரண்டாம் கட்டமாக ஆறு கோடி மதிப்பீட்டில் அரக்கோணத்தில் செயல்பட்டுவரும் இந்திய இரயில்வே துறைக்கு சொந்தமான நிறுவனத்தில் தயார் செய்யப்பட்ட துருப்பிடிக்காத 16 இரும்பு கர்டர்களை பொருத்தும் பணி இன்று காலை முதல் நடைபெற்று வருகிறது.

இப்பணியின் போது இரயில் போக்குவரத்து பாதிப்பு ஏற்படாத வகையில் பணி நடைபெற்று வருவதாக இரயில்வே துறை அதிகாரி தெரிவித்துள்ளார்.

மேலும், நடுக்கடலின் அடியில் 50க்கும் மேற்பட்ட ஊழியர்கள் பணி செய்து வருவதை சுற்றுலா பயணிகள் ஆச்சரியத்துடன் பார்த்துச் செல்கின்றமை குறிப்பிடத்தக்கது.

நாம் இன்று இப்புவியில் வாழ்வதற்கு சூரியனை தவிர வேறு எந்த சக்தியும் பிரதானம் இல்லை என்று பயமில்லாமல் கூறலாம். (கடவுளை தவிர) காரணம் அதன் முக்கியத்துவம் நாம் அனைவரும் அறிந்ததே,

ஆனால் இச்சூரியன் அழியப் போகின்றது என கூறினால் நம்பமுடிகின்றதா?

ஆம் இந்த சூரியனின் அளவும் வெப்பமும் கூடிகொண்டே போகின்றது. இதனால் சூரியன் ஓர் சிவப்பு அரக்கனாக மாறும்.

இவ்விளைவினால் முதலாவதாக உலக வெப்பமாயமாதல் கூடி தாவரங்கள் அழியும். மேலும் தாவரத்தை உணவாக உட்கொள்ளும் விலங்குகள் இறப்பதோடு மட்டுமல்லாமல் பிராண வாயு அதாவது “ஓட்சிசனும்” தடைப்படும்.

மேலும் இதன் பின் மனிதர்கள் அனைவருமே இறந்துவிடுவர் என்பதிலும் எவ்விதமான சந்தேகமும் இல்லை ஆனால் இது அனைத்தும் கட்டாயம் நிகழும் என்பதையும் யாரும் மறுக்கமுடியாது.

இதற்கான ஒரே வழி நாம் இவ்வுலகை விட்டுவிட்டு வேறு ஓரு வேற்றுகிரகத்தை தேடிச்செல்வது தான்.

இறுதியாக ஓரே ஓரு சுவாரசியமான விடயத்தை கூறிக் கொள்கின்றேன். இவ் அனைத்தும் நிகழ இன்னும் 500 கோடி வருடங்கள் உண்டு என்பதை ஆராய்ச்சியாளர்கள் தமது ஆய்வின் மூலம் வெளியிட்டுள்ளனர்.

தசை நார்களில் உண்டாகும் களைப்பை உணர, நீரிழப்பு மற்றும் மன அழுத்தங்களை கண்டறியும் உயிரியல் உணரியொன்றைக் கண்டுபிடித்துள்ளனர்.

இந்த உணரியானது அணியக் கூடியதும், நீண்டகாலம் நிலைத்திருக்கக் கூடியதும் என விஞ்ஞானிகள் கூறுகின்றனர்.

மனித உடலானது தொடர்ச்சியான உடற்பயிற்சியில் ஈடுபடும் போது சில பகுதிகளில் காற்றுக்குரிய சுவாசம் தடைப்பட்டு, காற்று இன்றியே சுவாசம் நிகழ ஆரம்பிக்கின்றது.

அக்கட்டத்தில் lactate ஆனது அது உள்ளெடுக்கப்படுவதிலும் பார்க்க அதிகளவில் தொகுக்கப்படுகிறது.

இதன் மட்டத்தை அறிவதன் மூலம் தசைநார்களின் தன்மையை, நீரழப்பின் அளவை மற்றும் மன அழுத்தங்களை அறிந்துகொள்ள முடியும் என சொல்லப்படுகிறது.

மேற்படி குழு, New Mexico பல்லகலைக்கழகத்துடன் இணைந்து நொதியத்தை அடிப்படையாகக் கொண்டு தொழிற்படும் உணரியை உருவாக்கியுள்ளனர்.

இவ்வுணரி மிக வினைத்திறனாக செயற்படுவதாக ஆய்வாளர் Ulyanova சொல்கிறார்.

இங்கு நொதியமானது, குளுக்கோஸை உடைத்து சக்தியை வெளியேற்றுகிறது.

இச்சக்தியானது மின் கதோட்டுகளால் உபயோகிக்கப்பட்டு அது lactate இன் அளவை துணிய ஏதுவாகின்றது,Solid State Science and Technology எனும் பக்கத்தில் இந்த ஆய்வு பிரசுரிக்கப்பட்டுள்ளது என்பது குறிப்பிடத்தக்கது.

ஸ்பெயின் நாட்டில் சுமார் 30 ஆயிரம் முதியவர்கள் உயிரிழந்தது தெரியாமல் அவர்களுக்கு ஒவ்வொரு ஆண்டும் சுமார் 4,000 கோடிக்கு மேல் ஓய்வூதியம் வழங்கி வருவது பொதுமக்கள் மத்தியில் அதிர்ச்சியை ஏற்படுத்தியுள்ளது.

ஸ்பெயின் நாடு முழுவதும் கடந்த 2014ம் ஆண்டு டிசம்பர் மாதத்தில் முதியவர்களுக்கு ஓய்வூதியம் வழங்கிய தகவல்களை அந்நாட்டு தேசிய தணிக்கை அலுவலக அதிகாரிகள் சேகரித்துள்ளனர்.

அப்போது பல அதிர்ச்சி தகவல்கள் வெளியாகியுள்ளன. அதாவது, கடந்த 1989ம் ஆண்டுகளிலேயே உயிரிழந்த 29,321 முதியவர்களுக்கு இன்றளவும் ஓய்வூதியம் சென்றுக்கொண்டு இருப்பது கண்டுபிடிக்கப்பட்டுள்ளது.

இவர்கள் அனைவருக்கும் ஒவ்வொரு மாதமும் சராசரியாக 25 மில்லியன் யூரோ அனுப்பட்டு வருகிறது.

ஒட்டுமொத்தமாக இவர்கள் அனைவருக்கும் ஆண்டுக்கு சராசரியாக 300 மில்லியன் யூரோ(48,20,54,92,500 இலங்கை ரூபாய்) அனுப்பட்டு வருகிறது.

இந்த தகவல் வெளியானதை தொடர்ந்து பொதுமக்களின் வரிப்பணம் வீணாக செலவிடப்பட்டு வந்துள்ளதற்கு பலத்த கண்டனங்கள் எழுந்துள்ளன.

மேலும், இவ்வளவு பெரிய தொகையானது வங்கிகள் மூலம் அனுப்பப்படுகின்றனவா? இந்த தொகையை யார் பெறுகிறார்கள்? எந்த ஓய்வூதியத்திலிருந்து இந்த தொகை அனுப்பப்படுகிறது? உள்ளிட்டது தொடர்பாக தீவிர விசாரணை நடத்தப்பட வேண்டும் என சம்பந்தப்பட்ட அதிகாரிகளுக்கு அரசு உத்தரவிட்டுள்ளது.