பதினாறு ஆண்டுகளுக்கு பின் வடகொரியாவில் மீண்டும் மோசமான வறட்சி ஏற்பட்டுள்ளது.

கடந்த 1990 ஆம் ஆண்டு கடும் பஞ்சத்தில் இருந்த வடகொரியா, அதன் பின் மீண்டு வந்த நிலையில், 2001 ஆம் ஆண்டு மீண்டும் வறட்சி தாக்கியது.

அதன் பின்னர் தற்போது 2017 ஆம் ஆண்டு மழையின் அளவு குறைந்துள்ளதால், வடகொரியாவில் மக்காச்சோளம், உருளைக்கிழங்கு, அரிசி, சோயா பீன்ஸ் போன்றவற்றின் மகசூல் பெரிதும் பாதிக்கப்பட்டுள்ளது.

இதனால் வடகொரியாவில் கடுமையான உணவுப்பஞ்சம் ஏற்பட வாய்ப்பு இருப்பதாக ஐ.நா-வின் உணவு மற்றும் வேளாண் அமைப்பு அறிக்கை வெளியிட்டுள்ளதாக தெரிவிக்கப்பட்டுள்ளது.

கம்போடியாவில் பாட்டி ஒருவர் இறந்த போன கணவராக நினைத்து 5 மாத கன்றுடன் வாழ்ந்து வருவது உலக பிரபலமடைந்துள்ளது.

Kratie மாகாணத்தை சேர்ந்த 74 வயதான Khim Hang என்ற பாட்டியே இவ்வாறு கன்றுடன் வாழ்ந்து வருகிறார்.

Khim Hangயின் கணவர் Tol Khut ஓர் ஆண்டிற்கு முன் இறந்த நிலையில் புதிதாகப் பிறந்த பசுவின் கன்றை, இறந்துபோன தனது கணவராகவே நினைத்து வாழத் தொடங்கியிருக்கிறார் Khim Hang.

இதை கண்ட அண்டை வீட்டுக்காரர்களுக்கு இவரது செயல் மிகவும் வியப்புக்குரியதாகி இருக்கிறது. இதுபற்றி யாராவது கேட்டால், கன்று தனது கணவரின் மறுபிறவி என கூறியுள்ளார்.

இதுகுறித்து Khim Hang கூறியதாவது, தனது கணவர் உயிரோடு இருந்தபோது செய்தது போலவே கன்று செய்வதாக தெரிவித்துள்ளார்.

இதன் காரணமாக தொழுவத்தில் இருக்கவேண்டிய கன்று, இப்போது படுக்கையறையில் மெத்தை, தலையணையுடன் சொகுசாகத் தங்கியிருக்கிறது. பொழுதுபோக்குக்காக தொலைக்காட்சியும் ஓடிக் கொண்டிருக்கிறது.

இந்த கன்றை காண தினமும் 100க்கு மேற்பட்டோர் தனது வீட்டிற்கு வந்து போவதாக Khim Hang குறிப்பிட்டுள்ளார்.

பிரான்ஸ் நாட்டில் நடைபெற்ற போராட்டத்தில் 900 கார்கள் எரிக்கப்பட்ட சம்பவத்தில் 300 பேரை பொலிசார் கைது செய்துள்ளதாக தகவல்கள் வெளியாகியுள்ளன.

பிரான்ஸ் நாட்டில் கடந்த 1789-ம் ஆண்டு நிகழ்ந்த பிரான்ஸ் புரட்சியை நினைவுப்படுத்தும் வகையில் ஒவ்வொரு ஆண்டும் யூலை 14-ம் திகதி நாடு முழுவதும் கொண்டாட்டங்கள் நடைபெறுவது வழக்கமாகும்.

இதன் அடிப்படையில், நேற்று முன் தினம் பாரீஸில் நடைபெற்ற விழாவில் அமெரிக்க ஜனாதிபதியான டொனால்ட் டிரம்ப் மற்றும் அவருடைய மனைவியான மெலினியா ஆகிய இருவரும் பங்கேற்றுள்ளனர்.

அதே சமயம், யூலை 13 மற்றும் 14 ஆகிய இரு நாட்களிலும் ஒவ்வொரு ஆண்டும் பிரான்ஸ் புரட்சியை கண்டித்து போராட்டமும் நடைபெறுவது வழக்கமாகும்.

கடந்த இரண்டு தினங்களில் நாடு முழுவதும் நடைபெற்ற போராட்டங்களில் 897 கார்கள் சேதமடைந்துள்ளன.

இவற்றில் 631 கார்கள் தீயிட்டு முற்றிலுமாக எரிக்கப்பட்டன. எஞ்சிய 266 கார்கள் தீவிபத்தில் சேதம் அடைந்துள்ளன.

கடந்த ஆண்டை ஒப்பிடுகையில் இந்தாண்டு 50 கார்கள் கூடுதலாக தீயிட்டு எரிக்கப்பட்டன. 2015-ம் ஆண்டு இதே நாட்களில் 951 கார்கள் தீயிட்டு கொளுத்தப்பட்டன.

கடந்த இரு தினங்களில் பல்வேறு போராட்டங்களில் ஈடுப்பட்ட காரணத்தினாலும் பொதுச் சொத்துக்களை சேதப்படத்திய குற்றங்களுக்காகவும் 368 பேரை பொலிசார் கைது செய்துள்ளதாக பிரான்ஸ் உள்துறை அமைச்சகம் அதிகாரப்பூர்வமாக தெரிவித்துள்ளது.

ஜப்பானில் ஆண்கள் மட்டுமே செல்ல அனுமதிக்கப்படும் தீவுக்கு உலக பாரம்பரிய சின்னம் என்ற அந்தஸ்தினை யுனெஸ்கோ அளித்துள்ளது.

ஜப்பான் கிழக்கு கடலின் ஒகினோஷிமா பகுதியில் அமைந்துள்ள இந்த தீவுக்கு குறிப்பிட்ட அளவிலான ஆண்கள் மட்டுமே அனுமதிக்கப்படுகின்றனர்.

இங்கு பெண்கள் வர தடை விதிக்கப்பட்டுள்ளது. இங்கு வரும் ஆண் பார்வையாளர்கள் முதலில் அங்குள்ள கடலில் நிர்வாணமாகக் குளிக்க வேண்டும் என்பதை விதியாகவே கடைபிடிக்கப்பட்டு வருகின்றது.

இந்தப் பகுதியை ஷிண்டோ குரு ஒருவர் நிர்வகிக்கிறார். தீவின் பெண் கடவுளை அவர் வழிபடுவார்.

மேலும் கோயிலுக்குச் செல்பவர்கள் ஆண்களாக இருக்க வேண்டும், அத்துடன் நிர்வாணமாகக் கடலில் குளித்து, தங்களை புனிதப்படுத்திக் கொள்ள வேண்டும்.

இந்த ஆண்டு 200 நபர்களுக்கு மட்டுமே குறித்த தீவில் செல்ல அனுமதி அளிக்கப்பட்டது. குறிப்பாக இரண்டு மணி நேரம் மட்டுமே அனுமதியும் வழங்கியுள்ளனர்.

இந்நிலையில் தீவுக்கு யுனெஸ்கோ உலக பாரம்பரிய சின்ன விருது அறிவிக்கப்பட்டுள்ளது. இதனையடுத்து, அங்கு பார்வையாளர்கள் வருகைக்குத் தடை விதிக்க கோயில் நிர்வாகத்தினர் ஆலோசித்து வருகின்றனர்.

பார்வையாளர்களின் எண்ணிக்கை அதிகமானால், அது தீவையே அழித்துவிடும் என்று எண்ணுவதால் இந்த நடவடிக்கை என்று கூறப்படுகிறது.

குறித்த நடவடிக்கை அமுலானால் இனி கோயில் குருக்கள் மட்டுமே தீவுக்குச் செல்ல முடியும் என்பது குறிப்பிடத்தக்கது.

மனித வாழ்க்கையில் ஸ்மார்ட் தொழில்நுட்பமானது இன்றியமையாத ஒன்றாக மாறிவிட்டது.

இந்நிலையில் மனித உயிர்களை காக்கக்கூடிய மற்றுமொரு ஸ்மார்ட் தொழில்நுட்பம் அறிமுகம் செய்யப்பட்டுள்ளது.

அதாவது ஏற்கணவே அறிமுகம் செய்யப்பட்டிருந்த ஸ்மார்ட் ஹோம் ஸ்பீக்கரில் இந்த வசதி தற்போது உள்ளடக்கப்பட்டுள்ளது.

வீட்டில் ஏற்படக்கூடிய அபாய நிலைமைகளின்போது பொலிசாருக்கு தானாக தொலைபேசி அழைப்பினை ஏற்படுத்தி அவர்களை சம்பவ இடத்திற்கு வரவழைக்கக்கூடியதாக உள்ளது.

இது தொடர்பான தகவலை அமெரிக்காவின் நியூ மெக்ஸிக்கோ அதிகாரிகள் வெளியிட்டுள்ளனர்.

தற்போது 911 என்ற அமெரிக்க பொலிஸ் அவசர இலக்கத்திற்கு மாத்திரம் அழைப்பினை ஏற்படுத்தக்கூடியதாக இருக்கின்றது.

எனினும் ஒவ்வொரு நாடுகளுக்கும் ஏற்ப அவசர அழைப்பு இலக்கத்தினை மாற்றியமைக்க முடியும் என தெரிவிக்கப்பட்டுள்ளது.

சுவட்டு எரிபொருட்கள் வெகுவாக குறைவடைந்து வருவதனால் எதிர்காலத்தில் எரிபொருள் தட்டுப்பாடு அதிகரிக்கும் என்பது வெளிப்படையானது.

இதனைக்கருத்தில் கொண்டு பல நாடுகள் சூரிய சக்தியைப் பயன்படுத்தி மின்னை உற்பத்தி செய்யும் முயற்சியில் இறங்கியுள்ளன.

இதில் சீனாவும் ஏற்கனவே நீரில் மிதக்கக்கூடிய சூரிய மின்சக்தி நிலையம் உட்பட மேலும் சில இராட்சத சூரிய மின்சக்தி உற்பத்தி நிலையங்களை நிறுவியுள்ளது.

இதன் தொடர்ச்சியாக தற்போது மற்றுமொரு வினோத மின்சக்தி உற்பத்தி நிலையத்தினை அமைத்துள்ளது.

அனேகமான நாடுகள் தமது சூரிய மின்சக்தியை உற்பத்தி செய்யும் சோலார் படலங்களை நிரல், நிரை வடிவில் அமைத்துள்ளன.

இதே போன்ற வடிவில்தான் சீனாவும் ஏற்கணவே தனது சோலார் படலங்களை நிறுவி வந்துள்ளது.

ஆனால் முதன் முறையாக ஒரு பாண்டா விலங்கின் வடிவத்தில் தனது இராட்சத சோலார் படலங்களை நிறுவியுள்ளது.

Datong நகரத்தில் 248 ஏக்கர் பரப்பளவில் அமைக்கப்பட்டுள்ள இம் மின்சக்தி நிலையத்தினை China Merchants New Energy Group வடிவமைத்துள்ளது.

கடந்த ஜுன் 30 ஆம் திகதி நிர்மாணிப்பு பணிகள் நிறைவடைந்துள்ள நிலையில் இதன் ஊடாக 50 மெகாவாட்ஸ் மின் சக்தியை உற்பத்தி செய்ய முடியும் என தெரிவிக்கப்பட்டுள்ளது.

'மூன்றாவது உலகப்போர் வரக்கூடாது' என்பதுதான் அமைதியை விரும்பும் பல நாடுகளின் விருப்பம்.

ஆனால் அமெரிக்கா-ரஷ்யா இடையேயான பனிப்போர் எப்போது வேண்டுமானாலும் மூன்றாம் உலகப்போராக வெடிக்கலாம் என்றும், வடகொரியாவின் அணு ஆயுதச்சோதனைகளால் அதன் ஆதரவு மற்றும் எதிர்ப்பு நாடுகளுக்கிடையே உலகப்போர் ஏற்படலாம் என்றும் பல்வேறு கருத்துகள் நிலவுகின்றன.

தண்ணீருக்காகத்தான் மூன்றாம் உலகப்போர் ஏற்படும் எனச் சொல்லப்பட்டுவந்தது. ஆனால் உலகில் தற்போது நடக்கும் விஷயங்களை வைத்துப்பார்த்தால், சைபர் அட்டாக்தான் மூன்றாம் உலகப்போர் ஏற்பட முக்கியமான காரணமாக இருக்கும் என டெக் வல்லுநர்கள் கருதுகின்றனர்.

இதை மெய்ப்பிப்பது போல் நேட்டோவின் பொதுச் செயலாளர் ஜென்ஸ் ஸ்டோல்டன்பெர்க் சமீபத்தில் அறிக்கை ஒன்றையும் வெளியிட்டுள்ளார்.

உலகின் ஏதோவொரு மூலையிலிருந்து மற்றொரு பகுதியில் செயல்படும் கணினிகளை, இணையம் உள்ளிட்ட பல வழிகளில் தாக்கிச் செயலிழக்க வைப்பதன் பெயர்தான் சைபர் அட்டாக்.

தனிநபர் அல்லது குழு மூலம் நடைபெற்றுவந்த இத்தகைய தாக்குதல்கள், தற்போது அடுத்தகட்ட வடிவத்தைப் பெற்றிருக்கின்றன. எதிரி நாடுகளின் மீது பிற நாடுகள் நேரடியாகவும், மறைமுகமாகவும் சைபர் தாக்குதலில் ஈடுபடத் தொடங்கியுள்ளன.

கையடக்க மொபைலில் இருந்து ராணுவக் கட்டுப்பாட்டு மையங்கள் வரை அனைத்துமே இணையத்தில் பிணைக்கப்பட்டிருக்கின்றன. சைபர் அட்டாக் மூலம் எதிரிநாட்டின் ராணுவக் கட்டுப்பாட்டு மையத்தை மற்றொரு நாடு, தங்கள் கட்டுப்பாட்டில் கொண்டுவருவதாக வைத்துக்கொள்வோம்.

இந்த முடக்கத்தால், தகவல்தொடர்பு துண்டிக்கப்பட்டு எதிரிநாட்டின் ராணுவத்துக்கு உரிய நேரத்தில் தகவல் கிடைக்காமல் போகலாம். எதிரிநாடானது கட்டுப்பாட்டை இழந்து நிலைகுலைந்திருக்கும் நேரத்தில், அதன்மீது ராணுவத் தாக்குதல் தொடுப்பது மிக எளிது. இதனால் ஒரு நாடு இன்னொரு நாட்டை மிக எளிதில் தோற்கடிக்க முடியும் என்கிறார்கள் வல்லுநர்கள்.

இதேபோல் சைபர் அட்டாக் செய்து எதிரிநாட்டுக்குப் பெருமளவில் பொருளாதாரச் சேதாரத்தை ஏற்படுத்தவும் வாய்ப்பிருக்கிறது. கடந்த மாதம் நடந்த வான்னாக்ரை ரான்சம்வேர் தாக்குதல்தான் வரலாற்றியே மிகப்பெரிய சைபர் தாக்குதல். வடகொரியாவைச் சேர்ந்த ஹேக்கர்கள்தான் இத்தாக்குதலுக்குக் காரணம் எனக் குற்றம் சாட்டப்பட்டது நினைவிருக்கலாம்.

இதேபோலத் தற்போது உலகம் முழுவதும் பரவிவரும் பெட்யா ரான்சம்வேர் தாக்குதல் ரஷ்யாவில் இருந்து பரவியிருக்கலாம் எனக்கூறப்படுகிறது. அமெரிக்க அதிபர் தேர்தலின்போதும் ரஷ்யாவின் தலையீடு இருந்ததாகச் சொல்லப்படுகிறது.

உக்ரைன் நாட்டில் சில தினங்களுக்கு முன் நடந்த சைபர் தாக்குதலிலும் ரஷ்யாவின் தலையீடு இருப்பதாக நம்பப்படுகிறது. 'சைபர் அட்டாக் செய்யமுடியாதபடி கணினி நெட்வொர்க் பாதுகாப்பாக இருக்கிறது' எனச் சில நாடுகள் அவ்வப்போது தெரிவித்தாலும், சின்னதொரு பாதுகாப்புக் குறைபாடு வழியாக உள்நுழைந்து, ஆட்டம் காண வைக்கின்றனர் ஹேக்கர்கள்.

ஆஸ்திரேலியாவில் உலகின் முதல் ராணுவ சைபர் யூனிட் ஒன்று தொடங்கப்பட்டுள்ளது. ஐ.எஸ் போன்ற தீவிரவாத அமைப்புகள் மீது சைபர் தாக்குதல் நடத்துவது தற்போதைய டாஸ்க் என்றாலும், எதிர்காலத்தில் எதிரிநாடுகளின் மீதும் இந்த யூனிட் மூலம் தாக்குதல் நடத்தப்படலாம்.

போரில் இரண்டு விஷயங்கள் மிக முக்கியமானவை. ஒன்று தாக்குதல்... மற்றொன்று எதிரிகளிடமிருந்து தற்காத்துக்கொள்தல். எதிரிநாடுகளின் மீது தாக்குதல் நடத்துவதோடு, அவை தங்கள் நாட்டின் மீது சைபர் தாக்குதல் நடத்தாவண்ணம் தற்காப்பதும் இந்த யூனிட்டின் முக்கிய வேலையாக இருக்கப்போகிறது.

போரை நிறுத்துவதற்காக இரு நாடுகளுக்கிடையே அமைதி ஒப்பந்தம் கையெழுத்திடப்படுவதைப் பார்த்திருப்போம். சமீபத்தில் கனடா மற்றும் சீனா இடையே வேறு வகையான ஓர் ஒப்பந்தம் கையெழுத்தானது. தங்கள் இரு நாடுகளுக்கு இடையே சைபர் தாக்குதல் நடத்தமாட்டோம்.

வணிக நிறுவனங்களின் தகவல்களை ஹேக் செய்து திருடவோ அல்லது போட்டி நிறுவனங்களுக்குக் கசியவோ விடமாட்டோம் என்பதுதான் இந்த ஒப்பந்தத்தின் முக்கிய அம்சம். எதற்காக இந்த ஒப்பந்தம் கையெழுத்திடப்பட வேண்டும் என யோசித்தால், இதற்கு முன்னதாக இந்த இரு நாடுகளுக்கிடையே இப்படிப்பட்ட சைபர் தாக்குதல்கள் நடந்திருப்பதுதான் இந்த ஒப்பந்தத்துக்கு வழிவகுத்திருக்கிறது.

- Vikatan-

குஜராத்தில் இருக்கும் சிறிய ஊர் பலசினோர். ஆனால், இங்கு தான் உலகிலேயே பெரிய டைனோசர் எலும்புக்கூடு இருக்கிறது என தொல்பொருள் ஆய்வாளர்கள் தெரிவிக்கின்றனர். புதை படிம ஆய்வாளர்கள் இந்த இடத்தில் ஏழு வகையான டைனோசர்கள் வாழ்ந்திருக்கலாம் என கருதுகின்றனர்.

மேலும், ஆராய்ச்சியாளர்கள் இங்கு 10,000 டைனோசர் முட்டைகளையும் கண்டெடுத்துள்ளனர். இது தான் உலகிலேயே பெரிய மூன்றாவது டைனோசர் குஞ்சு பொரிப்பகம் எனவும், ஆராய்ச்சியாளர்கள் தெரிவிக்கின்றனர்.

பலசினோர்

பலசினோர் எனும் ஊரில் இருக்கும் கிராமம் தான் ரையோலி (Raiyoli). ஓர் விபத்தாக தான் இந்த இடம் 1981-ம் ஆண்டு கண்டுபிடிக்கப்பட்டது. புவியியலாளர்கள் இந்த இடத்தை கனிம வளம் குறித்து ஆய்வு செய்துக் கொண்டிருக்கும் போது கண்டுபிடித்தனர்.

உலக சுற்றுலா பயணிகள்

அப்போதிருந்து, இப்போது வரை உலக சுற்றுலா பயணிகளில் இருந்து, அறிவியல் ஆராய்ச்சியாளர்கள் வரை பெரும்பாலானோருக்கு பிடித்தமான இடமாக மாறிவிட்டது இவ்விடம்.

ஆலியா சுல்தானா பாபி

நன்றி கூறும் விதமாக பலசினோர்-ன் முன்னாள் இளவரசியான ஆலியா சுல்தானா பாபி இந்த இடத்தை ஆதரித்தும், பாதுகாத்தும் வருகிறார்.

டைனோசர் இளவரசி

சிலர் இவரை டைனோசர் இளவரசி என்றும் பரவலாக கூறுகின்றனர். இவர் இந்த இடத்திற்கு சுற்று பயணம் மேற்கொள்வதற்கு நிறைய உதவுகிறார். மேலும், இந்த பகுதியில் ஆங்கிலம் பேசி வருபவர்களுக்கு உதவ இருக்கும் ஒரே நபர் ஆலியா சுல்தானா பாபி தான்.

தனித்தன்மை

பலசினோர்-ல் மட்டும் தான் இன்றளவும் சுற்றுலா பயணிகள் 65 மில்லியன் ஆண்டுகள் பழமையான டைனோசர்-ன் முட்டை படிவங்களை தொட்டு பார்த்து ரசிக்க முடியும்.

தொல்பொருள் ஆராய்ச்சி?

இந்த இடம் தொல்பொருள் ஆராய்ச்சி பகுதியாக அல்லாமல், சுற்றுலா பயணிகளுக்கான இடமாக தான் பிரபலமானது. இங்கு ம்யூசியம் கட்ட ஐந்த ஆண்டுகள் ஆனது. இந்த இடம் ஓர் கைவிடப்பட்ட இடம் போன்று தான் காட்சியளிக்கிறது.

முப்பது ஆண்டுகள்

மூன்று தசாப்தங்களுக்கு முன்னரே கண்டுபிடிக்கப்பட்ட இந்த இடத்திற்கு உரிய கவனம் இன்றளவும் கிடைக்கப்படவில்லை. ஏன் நம்மில் பலருக்கே இந்த இடத்தை பற்றிய தகவல்கள் தெரியாது.

அகமதாபாத்-அகமதாபாத்தில் இருந்து அரை மணிநேரம் பயணம் மேற்கொண்டால் பலசினோர் பகுதியை சென்றடையலாம். அகமதாபாத்திற்கு விமானம் மற்றும் ரயில் மூலம் செல்ல எளிய போக்குவரத்து வசதிகள் இருக்கின்றன.

கார்டன் பேலஸ்-பலசினோ-ல் ஓர் கார்டன் பேலஸ் இருக்கிறது. இது ஓர் பாரம்பரியமான தங்குமிடமாகும். இந்த இடம், இங்கு ஆண்ட முந்தைய ஆளுநர்களின் குடும்பத்தாரால் நடத்தப்பட்டு வருகிறது. இங்கு நீங்கள் குடும்பத்துடன் தங்க முடியும்.

ஹாலே ஓபன் டென்னிஸ் தொடரின் ஆடவர் ஒற்றைப்பிரிவு பட்டம் வென்ற சுவிட்சர்லாந்தின் ரோஜர் பெடரர் சர்வதேச டென்னிஸ் அரங்கில் தனது 100வது பட்டத்தைப் பதிவு செய்துள்ளார்.

ஜேர்மனியில் நடைபெற்ற ஹாலே ஓபன் டென்னிஸ் தொடரின் ஆடவர் ஒற்றைப்பிரிவில் சுவிட்சர்லாந்து வீரர் ரோஜர் பெடரர் சாம்பியன் பட்டம் வென்றார். ஞாயிற்றுக்கிழமை நடைபெற்ற பட்டத்திற்கான போட்டியில் போட்டியில் 6-1, 6-3 என்ற நேர் செட்களில் ஜேர்மனியின் அலெக்சாண்டர் ஸ்வெரேவை பெடரர் தோற்கடித்தார்.

அலெக்சாண்டரை அலைக்கழித்து அசத்திய பெடரர் 53 நிமிடங்களில் ஆட்டத்திற்கு முற்றுப்புள்ளி வைத்தார். ஹாலே ஓபனின் ஒற்றையர் பிரிவில் பெடரர் பெறும் ஒன்பதாவது பட்டம் இதுவாகும்.

இந்த பட்டத்தின் மூலம் 100 முறை சர்வதேச டென்னிஸ் தொடர்களில் பட்டம் வென்ற 10வது வீரர் என்ற பெருமையும் பெற்றுள்ளார்.

92 முறை ஒற்றையர் பிரிவு பட்டமும், 8 முறை இரட்டையர் பிரிவு பட்டமும், 18 முறை கிராண்ட்ஸ்லாம் பட்டமும் வென்றுள்ளார் பெடரர். 2005, 2006 ஆகிய இரு ஆண்டுகளில் அதிக சாம்பியன் பட்டம் வென்ற வீரர் (12 முறை) என்ற பெருமையையும் ரோஜர் பெடரர் தன்வசமாக்கியுள்ளார் என்பது குறிப்பிடத்தக்கது.

ஆந்திரா மாநிலம் காக்கிநாடாவில் 4 கால்களுடன் பிறந்த குழந்தையை பார்ப்பதற்கு மருத்துவமனை முன்பு ஆயிரக்கணக்கானவர்கள் திரண்டதால் பரபரப்பு ஏற்பட்டுள்ளது.

இந்தியாவின் ஆந்திரா மாநிலம் காக்கிநாடா மாவட்டத்தில் உள்ள தபஸ்வரம் கிராமத்தைச் சேர்ந்தவர் மணிமாலா. 25 வயதான அவர் நிறைமாத கர்ப்பிணியாக இருந்தார்.

நேற்று பிற்பகல் அவருக்கு பிரசவ வலி ஏற்பட்டது. உடனடியாக அவரை காக்கிநாடாவில் உள்ள ஒரு தனியார் மருத்துவமனையில் சேர்த்தனர்.

இதனையடுத்து நேற்று மாலையே அவருக்கு ஆண் குழந்தை பிறந்தது. அந்த குழந்தை 4 கால்களுடன் பிறந்தது கண்டு மருத்துவர்கள் ஆச்சரியம் அடைந்தனர்.

அந்த குழந்தையின் வயிற்றுப் பகுதியை ஒட்டிய படி 4 கால்களும் உள்ளன. இதுபற்றி அந்த மருத்துவமனையின் குழந்தைகள் நல சிறப்பு மருத்துவர் மணிகயம்பா கூறுகையில், 10 லட்சம் குழந்தைகளில் ஒரு குழந்தை இப்படி வித்தியாசமான முறையில் பிறக்க வாய்ப்புள்ளது என்றார்.

அந்த குழந்தையும் தாயும் நலமாக இருப்பதாக மருத்துவமனை அறிவித்துள்ளது. குழந்தையை மட்டும் தீவிர சிகிச்சை பிரிவில் வைத்து கண்காணித்து வருகிறார்கள்.

இதற்கிடையே 4 கால்களுடன் பிறந்த குழந்தை பற்றி காக்கிநாடா பகுதியில் பரபரப்பாக தகவல் பரவியது. இதையடுத்து மருத்துவமனை முன்பு ஆயிரக்கணக்கானவர்கள் திரண்டனர்.

அந்த அதிசய குழந்தையை பார்க்க வேண்டும் என்று கூட்டத்தினர் கூறினார்கள். ஆனால் மருத்துவமனை நிர்வாகம் அதை ஏற்கவில்லை. இதையடுத்து பொலிசார் வரவழைக்கப்பட்டு கூட்டத்தினர் கலைக்கப்பட்டனர்.

தென் ஆப்பிரிக்காவில் ஆடு ஒன்றிற்கு பிறந்த குட்டி பாதி மனிதன் மற்றும் பாதி ஆடு போன்ற உடலமைப்புடன் பிறந்ததால் பொது மக்கள் பீதியில் உறைந்துள்ளனர்.

தென் ஆப்பிரிக்காவின் கிழக்கு மாகாணத்தில் Chris Hani மாவட்டத்தில் அமைந்துள்ளது Lady Frere என்ற கிராமம். இங்கு 4,000-க்கும் மேற்பட்ட விவசாயிகள் வாழ்ந்து வருகின்றனர்.

இந்நிலையில் அங்கு ஆடு ஒன்றிற்கு பாதி மனிதன் மற்றும் பாதி ஆடு போன்ற உடலமைப்புடன் குட்டி ஒன்று பிறந்துள்ளது.


இதைக் கண்ட அக்கிராம மக்கள் இதை தீய சக்தி தான் அனுப்பியுள்ளது என்று கூறியதால், அங்கு பீதி நிலவியது.

அதன் பின் இது தொடர்பான தகவல் அங்குள்ள கிராமப்புற வளர்ச்சி அதிகாரிகளுக்கு தெரியவந்துள்ளது. அதைத் தொடர்ந்து கால்நடை மருத்துவர் Lubabalo அதை சோதனை செய்துள்ளார்.


அவர் கூறுகையில், இது கண்டிப்பாக ஆட்டிற்கு பிறந்தது தான் என்றும், இதில் மக்கள் பயப்படுவதற்கு ஒன்றும் இல்லை என தெரிவித்துள்ளார். மேலும் இந்த குட்டி பிறக்கும் போதே இறந்த நிலையில் பிறந்துள்ளது.

இக்குட்டி ஆட்டின் வயிற்றில் இருந்த போது நோய் வாய்பட்டுள்ளது. அது மட்டுமின்றி இதன் தாய் ஆடானது Rift Valley என்ற நோயினால் பாதிக்கப்பட்டுள்ளது. அந்த நோயின் தாக்கம் காரணமாகவே இக்குட்டி இது போன்ற உடலைப்புடன் பிறந்துள்ளது.


அதனால் பொதுமக்கள் யாரும் பயப்பட வேண்டாம் என்று தெரிவித்துள்ளார்.

இவ்வாறு கூறியும் மக்கள் நம்பாத காரணத்தினால் அந்த ஆட்டுக் குட்டியின் பிரேத பரிசோதனையின் அறிக்கையை மக்கள் முன்னிலையில் தெரிவிக்கவுள்ளதாகவும் அவர் கூறியுள்ளார்.

ஸ்காட்லாந்தில் புற்று நோயால் பாதிக்கப்பட்ட ஆறு வயது சிறுமியின் கனவை அவரது பெற்றோர்கள் நிறைவேற்றியுள்ளனர்.

ஸ்காட்லாந்தின் Forres பகுதியைச் சேர்ந்தவர் Eileidh Paterson(5). இவருக்கு புற்று நோய் ஏற்பட்டுள்ளது. தற்போது அவர் தன் வாழ்நாளை எண்ணிக் கொண்டிருக்கிறார்.

இதனால் அவரது பெற்றோர்கள் Eileidh Paterson-ன் திருமணக் கனவை நிறைவேற்றியுள்ளனர். Eileidh Paterson-க்கு திருமணம் செய்து கொள்ள வேண்டும் என்ற ஆசை இருந்துள்ளது.


இதனால் அவரது நெருங்கிய நண்பரான Harrison Grier(6) - ஐ நேற்று திருமணம் செய்து வைத்து ஆசையை நிறைவேற்றியுள்ளனர்.

இவர்களது திருமணம் அங்குள்ள Aberdeen-பகுதியில் நடைபெற்றுள்ளது. இதில் இரு வீட்டார் உட்பட 200-க்கும் மேற்பட்டோர் கலந்து கொண்டனர். இந்த நிகழ்ச்சியின் போது ஒரு சிலர் உணர்ச்சியை அடக்க முடியாமல் கண்ணீரும் வடித்தனர்.


இந்நிகழ்வின் போது மணமகளான Eileidh Paterson தனது சகோதரர் கையை பிடித்து திருமணம் நடைபெறும் இடத்திற்கு மகிழ்ச்சியாக நடந்து வந்தார்.

அப்போது மணமகனான Harrison Grier வந்தார். அதன் பின் இருவரும் தங்கள் கையை பிடித்துக் கொண்டு உறவினர்கள் மற்றும் குடும்பத்தினர் முன்னிலையில் நடந்து சென்றனர்.


இதைத் தொடர்ந்து திருமணம் கோலகலமகாக நடந்து முடிந்தது.

இது குறித்து Eileidh Paterson-ன் தந்தை Billy கூறுகையில், இது ஒரு புதுவிதமான திருமணம் தான், ஆனால் இந்த திருமணத்தின் போது ஒவ்வொரு நிமிடமும் நாங்கள் மகிழ்ச்சியாக இருந்தோம் என்று கூறியுள்ளார்.


அவரது தாய் Gail கூறுகையில், தனது மகள் neuroblastoma என்ற அரிய வகை புற்றுநோயின் தாக்கத்தால், பெரிதும் சிரமத்திற்கு ஆளாகி வருகிறாள்.

ஒவ்வொரு நிமிடமும் அவள் அந்த நோயுடன் போராடி வருகிறாள். வரும் சனிக்கிழமை அவளுக்கு இரத்தம் மாற்றுதல் தொடர்பான சிகிச்சை மேற்கொள்ள இருக்கிறோம்.

இதனால் அவளது கனவை நிறைவேற்றிவிடுவோம், தன் சக நண்பர்களுடன் அவள் சந்தோஷமாக இருக்க வேண்டும் என்பதற்காகவே இந்த நிகழ்வு என்று கூறியுள்ளார்.

சினிமா, நாவல்களில் வரும் ரத்தம் குடிக்கும் ட்ராகுலா போன்று நிஜமாகவே வாழ்ந்து வரும் ஒரு இத்தாலிய ஜோடி குறித்த தகவல் இணையத்தில் அதிர்ச்சி அலைகளை ஏற்படுத்தியுள்ளது.

திகில் படங்கள் போன்று திகில் சம்பவங்களை விரும்பும் இத்தாலிய காதல் ஜோடி ஒன்று அவர்களுடைய இரத்தத்தை ஒருவருக்கொருவர் பருகும் சம்பவத்தை கேள்விப்பட்டு பலர் ஆச்சரியத்தில் மூழ்கியுள்ளனர்.

கடந்த சில ஆண்டுகளுக்கு முன்பு டென்னிஸ் (30) என்பவருக்கு இலரியா (20) என்ற இளம்பெண் பேஸ்புக் மூலம் அறிமுகமாகியுள்ளார். இவர்கள் இருவருவரும் ஒருவருக்கொருவர் பேஸ்புக்கில் அவர்களுடைய கருத்துக்களை பகிர்ந்து வந்துள்ளனர்.

இதில் ஒருவருக்கொருவர் ஈர்ப்பு ஏற்பட்டு அவர்கள் நாளடைவில் நண்பர்களாகினர். பின்னர் ஒருவருக்கொருவர் காதலர்களாகவும் மாறியுள்ளனர்.

இவர்கள் இருவரும் அவர்களுக்கு இடையே உள்ள நெருக்கத்தையும், நேசத்தையும் பரிமாற்றிக் கொள்வதற்கு ஏற்ற வழியாக டெனிஸ் ஆல்பர்ட்டோ மற்றும் அவரது பெண் தோழி தெரிவு செய்தது ஒருவரது ரத்தத்தை மற்றவர் குடிப்பதுதான்.

ஆனால் கதைகளில் வருவதைப் போல் நேரடியாகக் கழுத்தில் கடித்து ரத்தத்தை உறிஞ்சுவதற்கு பதில் சிரிஞ்சுகளையும், ஊசிகளையும் இவர்கள் பயன்படுத்தியுள்ளனர்.

மேலும் இவர்கள் இருவரும் பார்ப்பதற்கு Vampire போன்று காட்சியளிப்பதற்காக, அவர்களுடைய பற்களை பல் மருத்துவர்களை கொண்டு கூர்மையாக்கியுள்ளனர்.

மட்டுமின்றி வேம்பயர் போன்று காட்சியளிப்பதற்கு ஏதுவான ஆடைகளையே தெரிவு செய்து அவர்கள் அணிந்து வருகின்றனர் என்பது குறிப்பிடத்தக்கது.
 

மனித உடலில் வியர்க்காத இடம் எது என்று கேட்டால் நம் அனைவரும் உதடு என்று கூறுவோம் அல்லவா?

ஆனால் அது உண்மையா? ஏன் உதட்டில் மட்டும் வியர்வை ஏற்படுவதில்லை என்று நீங்கள் யோசித்தது உண்டா?

உதட்டில் வியர்வை சுரப்பதில்லை ஏன்?

நமது உடம்பில் வியர்வை ஏற்படாத உறுப்பு உதடு என்று நாம் நினைத்துக் கொண்டிருக்கின்றோம், ஆனால் அது உண்மையில்லை என்று விஞ்ஞானிகள் கூறுகின்றார்கள்.

ஏனெனில் நமது உடலில் சருமம் இருக்கும் அனைத்து இடங்களிலுமே வியர்வை சுரப்பிகள் உள்ளது என்று உறுதியாகக் கூறுகின்றனர்.

எப்படியெனில் நமது உடம்பில் உதட்டை தவிர மற்ற இடங்களில் வியர்வை சுரப்பிகள் அதிகமாக இருப்பதால், அந்த இடத்தில் வியர்ப்பது தெரிகிறது.

ஆனால் உதட்டில் மட்டும் வியர்வை சுரப்பிகள் குறைவாக உள்ளது. எனவே தான் உதட்டில் ஏற்படும் வியர்வைகள் நமக்கு தெரிவதில்லை.

இருதய கோளாறினால் அவதிப்பட்டு வந்த நபருக்கு இரண்டாவது இருதயத்தை பொருத்தி கோவை மருத்துவர்கள் செயல்பட வைத்துள்ளனர்.

கேரள மாநிலத்தை சேர்ந்த 45 வயது நிரம்பிய நபர் ஒருவர் இருதய கோளாறு காரணமாக அவதிப்பட்டு வந்துள்ளார்.

இதனையடுத்து அவரை கோவையில் உள்ள தனியார் மருத்துவமனையில் சிகிச்சைக்காக சேர்த்துள்ளனர்.

அவருடைய இதயம் மிக மோசமான நிலையில் செயல்பட்டு வந்ததை அடுத்து வேறு இதயம் பொருத்தினால் தான் அவரால் உயிர் பிழைக்க முடியும் என்ற நிலை இருந்தது.

இந்த நிலையில் அந்த மருத்துவமனையில் மூளை சாவு அடைந்த பெண் ஒருவரின் இதயத்தை தானம் பெற்று அதை அவருக்கு பொருத்த மருத்துவர்கள் முடிவு செய்தனர்.

ஆனால், அவரது உடலில் இருந்த இதயம் 10 சதவீதம் அளவுக்கு இயங்கி வந்தது. எனவே அந்த இதயத்தை அகற்றாமலேயே புதிய இதயத்தை அதன் பக்கத்தில் பொருத்தி வேலையை இரு இதயத்துக்கும் பகிர்ந்து அளிப்பது என்று மருத்துவர்கள் முடிவு செய்தனர்.

அதன்படி புதிய இதயத்தை மார்பின் வலது பக்கத்தில் பொருத்தப்பட்டு ஏற்கனவே இருந்த இதயத்தோடு இணைப்பு கொடுக்கப்பட்டது.

இந்த அறுவை சிகிச்சையானது 3½ மணி நேரம் தொடர்ந்து நடந்தது. தற்போது அவரது உடலில் 2 இதயங்கள் உள்ளன. அவை இரண்டுமே செயல்பட்டு வருகின்றன.

இதயம் செய்ய வேண்டிய அனைத்து பணிகளையும் இரு இதயமும் சேர்ந்து செய்கின்றன. இதனால், உடலில் 2 இடங்களில் இதய துடிப்பு கேட்ட வண்ணம் உள்ளது என மருத்துவர்கள் தெரிவித்துள்ளனர்.

இதுகுறித்து மருத்துவர் ஒருவர் தெரிவிக்கையில், குறித்த நபருக்கு ஏற்கனவே இருக்கும் இதயத்தை அப்படியே வைத்து விட்டு அந்த இதயத்துக்கு உதவி செய்யும் வகையில் வேறு இதயத்தை பொருத்தி இருக்கிறோம்.

இரு இதயங்களுக்கும் இடையே 5 இடங்களில் இணைப்பு கொடுக்கப்பட்டுள்ளது. அவை தற்போது சிறப்பாக செயல்படுகின்றன என்றார்.

தமிழகத்தில் நபர் ஒருவர் கடந்த 17 வருடங்களாக 2 ரூபாய் சம்பளத்தில் பணியாற்றியுள்ளார்.

ஈரோட்டை சேர்ந்த நபர் ஒருவர், கடந்த 2000-ஆம் ஆண்டிலிருந்து, தினந்தோறும் வெறும் 2 ரூபாய் என்ற கணக்கில் தமிழ்நாடு கால்நடை வளர்ப்பு துறையில் துப்புரவு பணியை செய்ய தொடங்கியிருக்கிறார்.

இந்த 2 ரூபாய் சம்பளம் காலப்போக்கில் கூடிவிடும் என்ற நம்பிக்கையில், அவர் அந்த பணியினை விடாமல் தொடர்ந்து செய்து கொண்டே வந்துள்ளார்.

ஆனால் ஏமாற்றம் தான் மிச்சமானது, 17 வருடங்கள் கடந்தும் அவரது சம்பளம் உயர்த்தப்படவில்லை.

இந்நிலையில் தனது பணியையும், சம்பளத்தையும் ஒழுங்குப்படுத்தக் கோரி நீதிமன்றத்தில் அவர் தாக்கல் செய்த மனுவை நீதிபதிகளும் ஏற்றுக்கொண்டனர்.

மேலும் தமிழ்நாடு கால்நடை வளர்ப்பு துறையில் கடந்த ஏப்ரல் 19-ஆம் திகதி வெளியான உதவியாளர் பணிக்கான விளம்பரம் குறித்து விசாரணை நடத்தவும் உத்தரவிட்டுள்ளனர்

பேஸ்புக் நிறுவனர் மார்க் ஜூக்கர்பெர்க் தன்னை கல்லூரியிலிருந்து வெளியேற்றிய ஹார்வர்ட் பல்கலைகழகத்தின் கெளரவ டாக்டர் பட்டத்தை பெற்றுள்ளார்.

இவர் கடந்த 2004ஆம் ஆண்டு படிக்கும் போது பேஸ்புக் ஆராய்ச்சியில் ஈடுபட்டு இருந்ததால் ஹார்வர்ட் பல்கலைக்கழகத்தில் இருந்து வெளியேற்றப்பட்டார்.

தற்போது 13 ஆண்டுகளுக்கு பின்னர் எந்த ஹார்வர்ட் பல்கலைகழகம் மார்க்கை அப்போது வெளியேற்றியதோ, அதே பல்கலைகழகம் மார்க்குக்கு கெளரவ டாக்டர் பட்டத்தை வழங்கியுள்ளது.

பட்டமளிப்பு விழாவின் போது அங்கிருந்த மாணவர்களிடம் தனது பழைய நினைவுகளைப் பகிர்ந்துகொண்ட ஜூக்கர்பெர்க், தான் பேஸ்புக்கிற்காக திட்டமிடப்பட்ட கம்ப்யூட்டர் குறித்த படங்களை அவர்களிடம் காட்டினார்

பின்னர், ஹார்வர்ட் பல்கலைகழகத்தை சுற்றி பார்த்த அவர், அங்கு புகைப்படங்களையும் எடுத்து கொண்டுள்ளார்.

பிரித்தானியாவின் மான்செஸ்டர் பகுதியில் நடந்த வெடிகுண்டு தாக்குதலில் தீவிரவாதி பயன்படுத்திய வெடிகுண்டு தொடர்பான புகைப்படங்கள் கசிந்துள்ளன.

பிரித்தானியாவின் மான்செஸ்டர் பகுதியில் நடந்த இசைநிகழ்ச்சியின் போது, Salman Abedi(22) என்ற தீவிரவாதி நடத்திய தற்கொலை வெடிகுண்டு தாக்குதலால், 22 பேர் பலியாகியுள்ளனர். 59-பேர் மருத்துவமனையில் சிகிச்சை பெற்று வருகின்றனர்.

இச்சம்பவம் தொடர்பாக பிரித்தானியாவில் பாதுகாப்பு பலப்படுத்தப்பட்டுள்ளது. இராணுவ வீரர்கள் வரவழைக்கப்பட்டுள்ளனர்.

தற்போது வரை 7-பேர் கைது செய்யப்பட்டுள்ளனர். அதில் Salman Abedi-யின் தந்தை மற்றும் சகோதரரும் அடங்குவர்.


இந்நிலையில் Salman Abedi இத்தாக்குதலுக்கு பயன்படுத்திய வெடிகுண்டு மற்றும் அது தொடர்பான புகைப்படங்களை அமெரிக்க புலனாய்வுத்துறையினர் கசியவிட்டுள்ளனர்.

இந்த புகைப்படங்களை அமெரிக்காவின் பிரபல ஆங்கில ஊடகம் வெளியிட்டுள்ளது.


இச்சம்வம் தொடர்பாக பிரித்தானியா பொலிசார் மற்றும் அதிகாரிகள் ரகசியமாக மேற்கொண்டு வரும் நிலையில், அமெரிக்க புலானாய்வுத்துறை இந்த புகைப்படங்களை கசியவிட்டுள்ளது.


அதுமட்டுமின்றி தாக்குதலில் ஈடுபட்ட Salman Abedi-யின் புகைப்படமும் முதன் முதலில் அமெரிக்க ஊடகங்களில் தான் வெளிவந்தாகவும், இதற்கும் அதிகாரிகள் தான் காரணம் என்று கூறிவந்த நிலையில், மீண்டும் வெடிகுண்டு தொடர்பான புகைப்படங்கள் கசிந்துள்ளது. அவர்களுக்கு ஆத்திரத்தை ஏற்படுத்தியுள்ளதாக கூறப்படுகிறது.


இதில் வெடிகுண்டை வைப்பதற்கு Salman Abedi புளூ நிறம் மற்றும் கருப்பு நிறம் கலந்த எடை குறைவான பையை பயன்படுத்தியுள்ளான்.


அதைத் தொடர்ந்து Detonator என்றழைகப்படும் உபகரணத்தையும் அவன் பயன்படுத்தியுள்ளான். Detonator -ஐ அவன் இடது கையில் தான் பயன்படுத்தி இருக்க வேண்டும் கருதப்படுகிறது.


மேலும் அந்த குண்டின் உள்ளே போல்ட் மற்றும் ஆணிகள் போன்றவை இருந்துள்ளது. Detonator முழுவதும் இரத்தம் படிந்த நிலையில் இருந்துள்ளது. இந்த வெடிகுண்டில் 12-வோல்ட் பேட்டரி பயன்படுத்தப்பட்டுள்ளது.


இதைத் தொடர்ந்து தீவிரவாதியான Salman Abedi மான்செஸ்டரில் உள்ள Arndale மாலில் பை வாங்குவதற்கு சென்றுள்ளார்.

இது அங்குள்ள சிசிடிவி கேமராவில் பதிவாகியுள்ளது. அது தொடர்பான புகைப்படங்களும் வெளியாகியுள்ளது.

ஸ்பைஸ்ஜெட் நிறுவனத்தின் 12-வது ஆண்டு தினத்தை முன்னிட்டு 12 ரூபாய் மட்டும் கட்டணம் செலுத்தி பயணிகள் விமானத்தில் பயணிக்கலாம் என அந்நிறுவனம் அறிவித்துள்ளது.

இந்தியாவின் முன்னணி விமான போக்குவரத்து நிறுவனமான ஸ்பைஸ்ஜெட் பயணிகளுக்கு மலிவான விலையில் பயண கட்டணத்தை வழங்குவதை வாடிக்கையாக கொண்டுள்ளது.

இந்நிலையில் அந்த நிறுவனத்தின் 12-வது ஆண்டு தினத்தை முன்னிட்டு 12 ரூபாயில் பயணிகள், விமானத்தில் பயணம் செய்யலாம் என அந்நிறுவனம் அறிவித்துள்ளது.

இந்த 12 ரூபாய் என்பது அடிப்படை கட்டணம் மட்டும்தான், வரிகள் மற்றும் கூடுதல் வரிகள் தனியாக செலுத்த வேண்டும்.

இந்த சலுகையானது உள்நாட்டு மற்றும் வெளிநாட்டு விமான சேவை என இரண்டுக்கும் பொருந்தும்.

இதற்கான முன்பதிவு மே 23ஆம் திகதி முதல் மே 28ஆம் திகதி வரை நடைபெறுகிறது.

கடந்த மாதம் இந்நிறுவனத்தின் 11ஆம் ஆண்டு நிறைவு நாளை கொண்டாடும் வகையில், ஸ்பைஸ்ஜெட் 511 ரூபாயில் பயணம் என்ற சலுகை திட்டத்தை அறிமுகம் செய்தது குறிப்பிடத்தக்கது.

உலகின் முதல் மனிதன் ஆப்பிரிக்காவில் பிறந்தான் என்ற கருத்து தவறானது என ஜேர்மன் நாட்டு ஆராய்ச்சியாளர்கள் பரபரப்பு தகவலை வெளியிட்டுள்ளனர்.

மனிதர்களின் பரிணாம வளர்ச்சி தொடர்பாக ஜேர்மன் நாட்டு ஆராய்ச்சியாளர்கள் பல ஆண்டுகளாக ஆராய்ச்சியை மேற்கொண்டு வருகிறார்கள்.

உலகில் முதலில் தோன்றியது பெண் எனவும், அவர் முதன் முதலாக மத்திய ஆப்பிரிக்காவில் பிறந்ததாகவும் பல ஆண்டுகளாக நம்பப்பட்டு வருகிறது.

ஆனால், ஜேர்மன் ஆராய்ச்சியாளர்கள் தற்போது இந்த கருத்து தவறானது என தெரிவித்துள்ளனர்.

ஜேர்மன் ஆராய்ச்சியாளர்களில் ஒருவரான Jochen Fuss என்பவர் பேசியபோது, ‘குரங்கு மற்றும் வாலில்லா குரங்கு இனத்தில் இருந்து முதல் மனிதன் ஆப்பிரிக்காவில் தோன்றியதாக கூறப்பட்டு வருகிறது.

இந்நிகழ்வானது சுமார் 4 மில்லியன் ஆண்டுகளுக்கு முன்னராக நிகழ்ந்திருக்கலாம் என கூறப்பட்டது.

ஆனால், கடந்த 1944-ம் ஆண்டு Graecopithecus freybergi என்று அழைக்கப்படும் ஒருவித மனித வடிவிலான குரங்கு இனத்தின் இரண்டு படிமங்கள் கண்டுபிடிக்கப்பட்டுள்ளன.

அதாவது, கிரீஸ் நாட்டில் தாடை உறுப்பும், பல்கேரியா நாட்டில் ஒரு பல் உறுப்பும் கிடைத்தது. இதனை பல ஆண்டுகளாக ஆராய்ச்சி செய்து வந்ததில் இந்த இனம் சுமார் 7 மில்லியன் ஆண்டுகளுக்கு முன்னரே தோன்றியுள்ளது.

இதன் மூலம், உலகின் முதல் மனிதன் ஆப்பிரிக்காவில் தோன்றவில்லை எனவும், அவன் முதன் முதலாக கிழக்கு மத்திய தரைக்கடல் பகுதியில் தான் தோன்றியிருக்க வேண்டும் என Jochen Fuss தெரிவித்துள்ளார்.

மேலும், இது குறித்தான கூடுதல் ஆராய்ச்சியில் மனித பரிணாம வளர்ச்சி தொடர்பாக அரிய தகவல்கள் வெளியாகும் எனவும் அவர் நம்பிக்கை தெரிவித்துள்ளார்.