ஒரு மில்லியன் வருடங்களுக்கு முன்னர் வாழ்ந்த பசு: தடத்தினை கண்டுபிடித்த சிறுவர்கள்!
சுமார் ஒரு மில்லியன் வருடங்களுக்கு முன்னர் பூமியில் வாழ்ந்ததாகக் கருதப்படும் பசு ஒன்றின் தடத்தினை சிறுவர்கள் கண்டுபிடித்துள்ளனர்.

நியூ மெக்ஸிக்கோவில் உள்ள லாஸ் குரூஸ் எனும் பகுதியிலேயே இது கண்டுபிடிக்கப்பட்டுள்ளது.

ஜுட் ஸ்பார்க் எனும் 9 வயது சிறுவன் தனது சகோதரனுடன் வாக்கி டாக்கி ஒன்றினை பரிசோதிக்கும் முகமாக மலைத்தொடர் ஒன்றிற்கு சென்றிருந்தவேளை இத்தடயம் சிக்கியுள்ளது.

ஒன்பது மீற்றர்கள் நீளமானதும், அதிக கொழுப்பினைக் கொண்ட பெரிய உருவமுடையதாகவும் குறித்த பசு இருந்திருக்கலாம் என நம்பப்படுகின்றது.

இப்பசு தொடர்பான புகைப்படங்களை சிறுவர்களின் பெற்றோர்கள் எடுத்துள்ளனர்.

அவற்றினை மேலதிக பரிசோதனைகளுக்காக மெக்ஸிக்கோ ஸ்டேட் பல்லைக்கழக உயிரியல் துறை விரிவுரையாளரான பீட்டர் ஹுட்டிடம் ஒப்படைத்துள்ளனர்.

போதை பழக்கத்துக்கு அடிமையான சவுதியின் பட்டத்து இளவரசர் பதவி நீக்கம் செய்யப்பட்டதுடன் வீட்டு சிறையில் வைக்கப்பட்டுள்ளார்.

சவுதி அரேபியாவின் பட்டத்து இளவரசராக இருந்தவர் முகமது பின் நயீப் (57).

இளவரசர் முகமது பின் நயீப் போதை மருந்துக்கு அடிமையாகியிருந்ததாகச் சொல்லப்படுகிறது.

இதன் காரணமாக கடந்த மாதம் 21ஆம் திகதி அவர் பதவி நீக்கம் செய்யப்பட்டார்.

இது தொடர்பாக மெக்காவில் உள்ள அரண்மனையில் முகமது நயீப்பை சவுதி மன்னர் சல்மான் சந்தித்துள்ளார்.

அப்போது, போதை மருந்து உட்கொள்வதை நீங்கள் நிறுத்தவில்லை மற்றும் அதற்கான சிகிச்சையும் எடுத்து கொள்ளவில்லை.

இதனால், உங்கள் பதவிக்கு வேறு நபரை நியமிக்க போகிறேன் என சல்மான் கூறியுள்ளார்.

மேலும், அரண்மனையிலேயே சிறை வைக்கப்பட்ட முகமது நயிப்பின் பாதுகாவலர்களும் மாற்றப்பட்டுள்ளனர்.

பின்னர் நடந்த கவுன்சில் கூட்டத்தில் முகமது பின் நயிப் அதிகாரபூர்வமாகப் பதவியிலிருந்து விடுவிக்கப்பட்டார்.

இதையடுத்து பட்டத்து இளவரசராக சல்மானின் மகன் முகமது பின் சல்மான் நியமிக்கப்பட்டார்.

பதவி இழந்த இளவரசர் முகமது பின் நயீப்பை, சுவிட்சர்லாந்துக்கு சிகிச்சைக்கு அழைத்து செல்ல வாய்ப்பிருப்பதாக கூறப்படுகிறது.

பிரசவம் என்பது பெண்களுக்கு மறு ஜென்மம் என கூறினால் அது மிகையாகாது.

உலகளவில் பல்வேறு காலகட்டத்தில் சிலருக்கு பிரசவம் வினோதமான முறையாக அமைந்து விடுகிறது.

அப்படி நடந்த சில உண்மை சம்பவங்களை காண்போம்.

பூமியிலேயே இளம் அம்மா Lina Medina என்பவர் தான். காரணம் இவர் தனது 5 வயதிலேயே குழந்தையை பெற்றார்.

3 வயதிலேயே அவர் பூப்படைந்து விட்டார், பின்னர் அவர் தந்தையே அவரை சீரழித்ததின் காரணமாக கர்ப்பமடைந்த அவர் ஆண் குழந்தையை பெற்றெடுத்தார்.

இந்தியாவை சேர்ந்த பெண் ஒருவர் 70 வயதில் கர்ப்பமடைந்து குழந்தை பெற்றுள்ளார். இவருக்கு திருமணமாகி 40 வருடம் கழித்தே குழந்தை பிறந்தது.

உலகிலேயே அதிக குழந்தைகள் பெற்றுள்ள சாதனைக்கும் ஒரு பெண் சொந்தகாரராக உள்ளார். இவர் 27 பிரசவம் மூலம் மொத்தம் 69 குழந்தைகளை பெற்றுள்ளார்.

Thomas Beatie என்பவர் பிறக்கும் போது பெண்ணாக தான் பிறந்தார். பின்னர் உடலில் ஏற்ப்பட்ட மாற்றத்தின் காரணமாக அவர் ஆணாக மாறினார்.

அவர் மனைவி கருத்தரிக்க முடியாததால் அவரே மருத்துவ உதவியுடன் கருத்தரித்து குழந்தையை பெற்றுடுத்த முதல் ஆண் என்ற பெயருக்கு சொந்தகாரராக ஆனார்.

Nadya Suleman என்னும் பெண் கடந்த 2009ஆம் ஆண்டு ஒரே பிரசவத்தில் 8 குழந்தைகளை பெற்றெடுத்த முதல் பெண் என்ற சாதனையை படைத்தார். இவற்றில் 6 ஆண் குழந்தையும், 2 பெண் குழந்தையும் அடங்கும்.

Tacey Herald என்னும் 2 1/2 அடிகளே கொண்ட குள்ள பெண் மருத்துவர்களின் எச்சரிக்கையையும் மீறி மூன்று தடவை குழந்தையை பெற்றெடுத்தார்.

Omkari Panwar என்னும் பெண்மணி தனது 70வது வயதில் இரட்டை குழந்தைகளை பெற்றெடுத்தார். இவருக்கு ஏற்கனவே 2 மகள்களும், 5 பேர குழந்தைகளும் உள்ளனர்.

அயர்லாந்தின் வடக்குப் பகுதியில் குடியிருந்துவரும் இரட்டை சகோதரிகள் ஒருவகை அரிதான நோயினால் தாக்கப்பட்டு சிறுகச் சிறுக கல்லாக உருமாறி வருகின்றனர்.

வடக்கு அயர்லாந்தின் ஆண்ட்ரிம் கவுண்டி பகுதியில் குடும்பத்தினருடன் வசித்து வருபவர்கள் 26 வயதான Zoe Buxton மற்றும் Lucy Fretwell.

இவர்களுக்கு FOP எனப்படும் உலகில் 800 நபர்களில் ஒருவருக்கு வரக்கூடிய அரிய வகை நோய் தாக்கி கடும் அவதிக்கு உள்ளாகி வருகின்றனர்.

இருவரும் சிறுவயதில் இருக்கும்போதே கால்விரல் பகுதியில் முழை ஒன்று வளர்ந்துள்ளது. ஆனால் மருத்துவர்கள் அதனை முக்கியத்துவம் அளிக்கும் அளவுக்கு பெரிதல்ல எனவும் நாளடைவில் குணமாகும் எனவும் நம்பிக்கை அளித்துள்ளனர்.

இது தொடர்பில் பேசிய ஸோ, தமக்கு 5 வயதாக இருக்கும்போது ஒருமுறை கால்தவறி விழுந்து முழங்கையை உடைத்துக் கொண்டதாகவும், வைத்தியம் பார்த்த பின்னரும் இதுவரை தமக்கு கையை நிர்வர்த்த முடியவில்லை எனவும் தெரிவித்துள்ளார்.

ஸோ மட்டுமல்ல அவரது சகோதரி லூசி கூட, தமது 8வது வயதில் இதேப்பொன்ற ஒரு விபத்தில் பாதிக்கப்பட்டு FOP எனப்படும் நோயால் தாக்கப்பட்டுள்ளார்.

தற்போது உடலின் குறிப்பிட்ட எந்த பாகத்தையும் அசைக்க முடியாத சூழல் ஏற்பட்டுள்ளது ஸோ, லூசி சகோதரிகளுக்கு. ஸோ தமது கணவருடன் குடும்பம் நடத்த மிகவும் ஆவலுடன் இருக்கிறார்.

ஆனால் தமது குழந்தைகளுக்கும் இதே நோய் பரவும் ஆபத்து இருப்பதாக மருத்துவர்கள் எச்சரித்துள்ளனர்.

தற்போது லண்டனில் பரிசோதனையில் ஈடுபட்டுவரும் சகோதரிகள் இருவரும், குறித்த நோயில் இருந்து விடுபட்டு வருவோம் என்ற நம்பிக்கையை வெளிப்படுத்தியுள்ளனர்.
 

உலகவெப்பமயமாதல் மற்றும் பருவநிலை மாற்றம் காரணமாக பசிபிக் மற்றும் ஆசிய பிராந்தியத்தில் மோசமான பாதிப்புகள் ஏற்படப்போவதாக விஞ்ஞானிகள் எச்சரிக்கை விடுத்துள்ளனர்.

பூமியில் மனித இனம் தொடர்ந்து வசிப்பதற்கான வாய்ப்புகள் படிப்படியாக குறைந்து கொண்டே செல்வதாக ஆசிய வளர்ச்சி வங்கி மற்றும் பாட்ஸ்மேன் பருவநிலை தாக்க ஆராய்ச்சி நிறுவனம் ஆகியவை இணைந்து நடத்திய ஆய்வில் தெரிய வந்துள்ளது.

அதிலும் குறிப்பாக சீனா, இந்தியா, வங்கதேசம் மற்றும் இந்தோனேசியாவின் இதன் பாதிப்பு அதிக அளவில் இருக்கும் என்றும் எச்சரிக்கை விடுக்கப்பட்டுள்ளது.

வரலாற்றிலேயே அதிக வெப்பம் பதிவான ஆண்டாக கடந்த 2016ம் ஆண்டு இடம்பிடித்துள்ளது. மேலும் இந்த 2017ம் ஆண்டிலும் கடந்த ஆண்டைவிட அதிக வெப்பம் பதிவாகும் என ஆராய்ச்சியாளர்கள் தெரிவித்துள்ளனர்.

அதிகரித்துவரும் உலக வெப்பமயமாதலால் ஆசிய கண்டத்தில் தென் இந்தியா உள்ளிட்ட சீனா, பங்களாதேஷ் போன்ற நாடுகள் கடுமையாக பாதிக்கப்படும் அபாயங்கள் இருப்பதாக ஆய்வில் தெரியவந்துள்ளது. மேலும் 2030ம் ஆண்டு அரிசி உற்பத்தியில் மிகப்பெரும் பின்னடைவு ஏற்படும் என்று தெரிவிக்கப்பட்டுள்ளது.

மேலும் இந்த உலக வெப்பமயமாதலாலும் பருவநிலை மாறுபாட்டாலும் இந்தியா, பங்களாதேஷ் மற்றும் பாகிஸ்தான் ஆகிய நாடுகளில் உள்ள கடலோர பகுதிகளில் உள்ளவர்களில் 13 கோடி பேர் உயிரிழக்க வாய்ப்புள்ளதாகவும் ஆராய்ச்சியாளர்கள் எச்சரிக்கைவிடுத்துள்ளனர். கடலோரப்பகுதிகள் கடலில் மூழ்கும் அபாயம் இருப்பதாகவும் ஆராய்ச்சியாளர்கள் எச்சரிக்கைவிடுத்துள்ளனர்.

உகாண்டா நாட்டில் 39 வயது பெண்மணி ஒருவர் 38 குழந்தைகளை பெற்றெடுத்துள்ளார்.

உகாண்டாவை சேர்ந்தவர் மரியம்(39), இவருக்கு 13 வயதில் திருமணமாகியுள்ளது. இவர் Hyper Ovulation பிரச்சனையால் பாதிக்கப்பட்டுள்ளார்.

அதாவது இவரது கருப்பைகள் ஒவ்வொரு சுழற்சிகளிலும் ஒரு முட்டைக்கு மேல் வெளியேற்றுகின்றன, இதனால் இவர் ஒரு பிரவசத்தின் போது இரட்டை குழந்தைகள், மூன்று குழந்தைகள் மற்றும் நான்கு குழந்தைகளையே பிரசவித்துள்ளார்.

ஒன்றுக்கும் மேற்பட்ட முட்டைகள் வெளியேறிய காரணத்தினாலேயே இவருக்கு அதிக குழந்தைகள் பிறந்துள்ளது.

மரியம் பல்வேறு வகையான கட்டுப்பாடுகளை முயற்சித்துள்ளார். ஊசிகளின் வாயிலாக மருந்துகளை பயன்படுத்தியும் குழந்தை பிறப்பை கட்டுப்படுத்த முயற்சித்துள்ளார், ஆனால் அவனை அனைத்தும் யோனி வளையத்தில் எதிர்மறையாக நடந்துகொண்டது.

மொத்தம், இவருக்கு 44 குழந்தைகள் பிறந்துள்ளது, அதில் 6 குழந்தைகள் இறந்துவிட்டதால் தற்போது 38 குழந்தைகள் உயிருடன் உள்ளன.

இவரது கணவர் இல்லாவிட்டாலும், அன்றாட சவால்களுடன் தனது குழந்தைகளை இவரே வளர்த்து வருகிறார்.

எனக்கு கிடைத்துள்ள குழந்தைகள் ஆசிர்வதிக்கப்பட்ட ஒன்று என்றும், சுமை கிடையாது எனவும் கூறியுள்ளார்.

சமுத்திரங்களின் மிகவும் ஆழமான பகுதிகளில் சூரிய ஒளி கிடைப்பது மிக மிக அரிதாகவே இருக்கும்.

இதனால் அப் பகுதிகளில் உயிரினங்கள் வாழ்வதும் அரிதாகவே இருக்கும்.

ஆனால் சில வகையான பவளப்பாறைகள் சூரிய ஒளிக்கு பதிலாக தாமே ஒளியைப் பிறப்பித்து தம்மைத் தாமே உயிர்பிழைக்கச் செய்கின்றன என்பது கண்டுபிடிக்கப்பட்டுள்ளது.

இவை ஆழமான பகுதிகளில் அல்காக்கள் உணவு தயாரிப்பில் ஈடுபட உதவியாகவும் இருக்கின்றன.

சவுத்தாம்ரன் பல்கலைக்கழக ஆராய்ச்சியாளர் குழு ஒன்று மேற்கொண்ட ஆய்விலேயே இந்த தகவல் வெளியாகியுள்ளன.

சூரிய ஒளியானது சமுத்திரங்களில் அதிகபட்சமாக ஏறத்தாழ 200 மீற்றர்கள் ஆழத்திற்கே ஊடுருவும்.

எனவே இதனை விடவும் ஆழமான பகுதிகளில் காணப்படும் பவழப்பாறைகள் சுய ஒளியைப் பிறப்பித்து உயிர்வாழ்கின்றன.

ராஜஸ்தானின் பீகானேர் மாவட்டத்தில் உள்ள தேஷ்நோக் கிராமத்தில் அமைந்துள்ளது துர்க்கையின் அவதாரமான கர்ணி மாதாவின் திருக்கோயில், எலிகளுக்கான ஒரு ஆலயமாகவே கருதப்படுகின்றது.

அரண் போல் இருக்கும் மதில் சுவர்களால் சூழப்பட்டு இருக்கிறது கர்ணி மாதாவின் திருக்கோயில்.

இக்கோவிலின் முன்புற நுழைவு வாயிலில் அழகிய வேலைப்பாடுகளுடன் கூடிய பளிங்குக் கற்கள் பதிக்கப்பட்டுள்ளது, இக்கோயிலின் வாயிற் கதவுகள் வெள்ளியால் ஆனவை.


அதில் கர்ணி மாதாவின் வாழ்கையில் நடந்த சம்பவங்கள்அனைத்தும் சித்தரிக்கப்பட்டுள்ளன.அதில் ஒன்றில் தேவி கையில் சூழத்துடன் சுற்றி எலிகளுடன் காட்சி தருகின்றாள்.

இங்கு அதிகமாக கருப்பு எலிகள் மட்டுமே காணப்படுவதால், வெள்ளை எலிகள் தப்பித்தவறி கண்களில் பட்டு விட்டால் மிகவும் நல்லது என மக்கள் நம்புகிறார்கள். கர்ணி மாதாவின் கோவிலில் காணப்படும் எலிகளும் கர்ணிமாதாவின் சக குடிமக்களாகவே கருதப்படுகின்றன.

அதனால் தான் 20ஆயிரத்துக்கும் மேற்பட்ட எலிகளுக்கு இந்த ஆலயத்தில் ராஜமரியாதை அளிக்கப்படுகிறது.

இவ்வாலயத்தில் விக்ரகம் முழுவதும் குங்குமத்தால் மூடப்பட்டிருக்கிறது, பெரிய தட்டுக்களில் லட்டுகள், பால் பிரசாதங்கள் போன்ற தின்பண்டங்கள் எலிகளுக்கு வழங்கப்படுகின்றது.

சீனா, நைஜிரியா, இந்தோனேசியா உள்ளிட்ட 5 நாடுகளில் மட்டும் நுரையீரல் தொற்றால் ஆண்டுக்கு 1 லட்சத்து 15 ஆயிரம் குழந்தைகள் மரணமடைவதாக ஆராய்ச்சியில் தெரியவந்துள்ளது.

பிரித்தானியாவின் எடின்பர்க் பல்கலைக்கழகத்தைச் சேர்ந்த ஹரீஷ் நாயர் தலைமையிலான குழு மூச்சு குழாயில் பாதிப்பை ஏற்படுத்தும் வைரஸ் தொற்று குறித்து உலகம் முழுவதும் ஆய்வு மேற்கொண்டுள்ளனர்.

அதில் ஆண்டுக்கு 3 கோடியே 30 லட்சம் குழந்தைகள் நுரையீரல் தொற்று நோயால் பாதிக்கப்படுகின்றனர். அவர்கள் 5 வயதுக்கு கீழ் உள்ளவர்கள் என்பது தெரியவந்துள்ளது.

இவர்கள் சீனா, நைஜிரியா, இந்தோனேசியா, பாகிஸ்தான் மற்றும் இந்தியா உள்ளிட்ட 5 நாடுகளைச் சேர்ந்தவர்கள் ஆவர். இந்த நோய் சுவாச உறுப்புகளை கடுமையாக பாதிப்புக்கு உள்ளாக்குகின்றது.

குறிப்பாக குழந்தைகளின் 2-வது வயதில் அதிக அளவில் தாக்குகிறது எனவும் அந்த ஆய்வில் குறிப்பிடப்பட்டுள்ளது.

நுரையீரல் தொற்று நோயால் ஆண்டுக்கு 1 லட்சத்து 15 ஆயிரம் குழந்தைகள் மேற்கண்ட 5 நாடுகளில் இறக்கின்றனர் என சுட்டிக்காட்டும் அந்த ஆய்வறிக்கையில்,

இந்த எண்ணிக்கையானது நோயினால் சர்வதேச அளவில் இறப்பவர்களின் எண்ணிக்கையில் பாதி அளவாகும் எனவும் குறிப்பிடப்பட்டுள்ளது.

மட்டுமின்றி இந்த நோயில் இருந்து மருந்து மாத்திரைகள் மூலம் குழந்தைகள் இறப்பை தடுக்க முடியும் எனவும், அதற்கான மருந்து இன்னும் 5 முதல் 7 ஆண்டுகளில் கிடைக்கும் வாய்ப்பு உள்ளது என்று ஹரீஷ் நாயர் தெரிவித்துள்ளார்.

தென்சீனக் கடல் பகுதிகளில் உள்ள குட்டிக் குட்டித் தீவுகளுக்கு உரிமை கொண்டாடி உலக நாடுகள் போட்டி போட்டு வருகின்றன.

இந்தப் பகுதியில் உள்ள ’டிரைடன்’ என்னும் தீவை சீனா ஆக்கிரமித்துள்ளது. இதே தீவை, தைவான் மற்றும் வியட்நாம் நாடுகள் சொந்தம் கொண்டாடிவருகின்றன.

சர்ச்சைக்குரிய இந்தப் பகுதியில் அமெரிக்கப் போர்க்கப்பல் கடந்துசென்றுள்ளது. அமெரிக்காவின் இந்த செயல் கோபமூட்டுவதாக உள்ளது என சீனா தெரிவித்துள்ளது, சர்ச்சைக்குரிய பகுதியில் போர்க்கப்பல் பயணம் செய்வது சரியான முறை கிடையாது, இதுபோன்ற செயல்களை அமெரிக்கா குறைத்துக்கொள்ள வேண்டும் என சீனா எச்சரித்துள்ளது.

இதற்கு பதிலடி கொடுக்கும்விதமாக, தனது ராணுவ கப்பல்களையும் போர் விமானங்களையும் அந்த தீவுக்கு சீனா அனுப்பியுள்ளது.

அமெரிக்க அதிபர் டொனால்ட் டிரம்ப், சீன அதிபர் ஜி ஜின்பிங்குடன் தொலைபேசியில் தொடர்புகொண்டு பேசிய சில மணி நேரங்களில் இந்த மாற்றம் நிகழ்ந்துள்ளது குறிப்பிடத்தக்கது.

நாமக்கல் மாவட்டத்தில் அமைந்துள்ள கொல்லிமலை மிகவும் அச்சுறுத்தலான மலையாக கருதப்படுகிறது. ஏனெனில் இந்த மலையின் உயரமே ஏறக்குறைய 1300 மீ தான்.
மனித உருவில் அவதரித்த கொல்லிப்பாவை கோயில் இந்த மலையில் அமைந்துள்ளதால், இந்த மலைக்கு கொல்லிமலை எனும் பெயர் ஏற்பட்டது.

இந்த கொல்லிப்பாவை கோவிலானது, சுமார் 17,000 ஆண்டுகளுக்கு முன்பில் இருந்தே அந்த மலைத் தமிழர்களின் தெய்வமாக இருந்து வருகிறது.
இத்தகைய சிறப்பு மிக்க இந்த கொல்லிப்பாவை கடவுளுக்கு சிலையோ, சிற்பமோ இல்லை. அது கையால் வரையப்பட்ட ஒரு ஓவியமே. அந்த ஓவியத்தை தான் கடவுளாக வழிபட்டு வருகின்றனர்.

இந்த மலையில் நிறைய சித்தர்கள் வாழ்வதாகவும், பவுர்ணமி காலங்களில் அவர்கள் கண்களுக்கு தெரிவதாகவும் கூறப்படுகிறது.
கொல்லிப்பாவை கோவிலின் அருகில் உள்ள மீன்பள்ளி ஆற்றை, இறைவன் தான் மீன் வடிவில் இருப்பதாக நம்பப்படுகிறது.

இதன் அருகிலேயே ஆகாய கங்கை எனும் நீர்வீழ்ச்சியும் அமைந்துள்ளது. இது கொல்லிமலையின் பல மூலிகைகளை கொண்டுள்ளது.
இந்த அருவியிலிருந்து சற்று தள்ளி, கோரக்கர், காளங்கிநாதர் எனும் சித்தர்களின் குகைகள் உள்ளது. அந்த குகையில் சித்தர்களை இருப்பதை காணலாம்.
இந்த கொல்லிமலைக்கு வருபவர்கள், 100 ஆண்டுகள் வாழ்வதற்கு உதவும் மூலிகை மற்றும் இரும்பை தங்கமாக மாற்றும் ரகசியம் தெரிந்த சித்தர்களையும் தேடி வருவதாக கூறப்படுகிறது.
 

பேஸ்புக் சமூகவலைதளத்தை பயன்படுத்துவோர் எண்ணிக்கை 200 கோடிகளை கடந்துள்ளதாக அதன் நிறுவனர் மார்க் ஜூக்கர்பர்க் தெரிவித்துள்ளார்.

உலகளவில் பயன்படுத்தப்படும் சமூகவலைதளங்களில் பேஸ்புக் முன்னனியில் உள்ளது.

இதன் சேவையை மாதந்தோரும் 200 கோடி பேர் பயன்படுத்தி வருவதாக பேஸ்புக் நிறுவனர் மார்க் ஜூக்கர்பர்க் தெரிவித்துள்ளார்.

மார்ச் 31ஆம் திகதி வரை பேஸ்புக் சேவையை சுமார் 194 கோடி பேர் பயன்படுத்தியுள்ளனர்.

இது குறித்து தனது பேஸ்புக் பக்கத்தில் கூறியுள்ள மார்க், இன்று காலை வரை பேஸ்புக் சமூகத்தில் 200 கோடி பேர் இணைந்துள்ளனர்.

உலகை இணைப்பதில் நாங்கள் முன்னேற்றம் அடைந்து வருகிறோம். இதில் உங்களுடன் பயணிப்பது பெருமையாக உள்ளது என குறிப்பிட்டுள்ளார்.

பேஸ்புக் வளர்ச்சி மற்ற சமூக வலைத்தளங்களை விட பன்மடங்கு அதிகரித்து வரும் நிலையில், இந்த எண்ணிக்கை கடந்த ஆண்டை விட 17 சதவிகிதம் அதிகம் ஆகும்.

நேரலை வீடியோ வசதி, கமெரா அம்சங்களில் புதிய வசதிகளை கொண்டு வந்துள்ளதன் மூலம் வாடிக்கையாளர்களை மேலும் பேஸ்புக் கவர்ந்து வருகிறது.

மேலும், வளர்ந்து வரும் நாடுகளில் குறைவாக உள்ள பேஸ்புக் பயன்பாட்டை அதிகரிக்க வைக்க அந்நிறுவனம் முடிவு செய்துள்ளது.

ஜி தமிழ் சேனலில் ஒளிபரப்பான 'சரிகமப லிட்டில் சாம்ப்ஸ்' நிகழ்ச்சியில் ரன்னராக வந்தவர் டிசாதனா.

ஆறாம் வகுப்பு படிக்கும் அவருக்கு, குழந்தையிலிருந்தே இசையின் மீதான ஆர்வம் ஊற்றெடுத்துள்ளது. தானும் குடும்பத்தாரும் இலங்கையைச் சேர்ந்தவர்களாக இருப்பதால், சந்திக்கும் வலிகளைப் பகிர்ந்துகொண்டார்கள் டிசாதனாவும் அவரது தாயாரும்.

டிசாதனாவின் அம்மா கமலேஷ்வரி, ''நாங்கள் இலங்கையில் பட்ட வேதனைகள் கொஞ்சநஞ்சமல்ல. அப்போது எனக்கு வயசு 11. ஆறாம் வகுப்பு படிச்சுட்டிருந்தேன். ஆர்மி கேம்ப்க்கு பக்கத்துலதான் எங்க ஸ்கூல். அங்கேதான் விடுதலைப் புலிகளுக்கும் இலங்கை ராணுவத்துக்குமிடையே சண்டை நடந்துச்சு.

முழுக்க முழுக்க அடக்குமுறை இருந்ததால், பள்ளிக்கூடம் போகமுடியாது. எனக்கோ பள்ளிக்கூடம் போக அவ்ளோ பிடிக்கும். ஆனால், படிப்பைவிடவும் உயிர் முக்கியமில்லியா? அதனால், ஒவ்வொரு நாளும் ஜனங்கள் நடமாட்டமே இல்லாமல் வெறிச்சோடிய வீதிகளை ஜன்னல் வழியாகக் கண்ணீர் வழிய ஏக்கத்தோடு பார்த்துட்டே இருப்பேன். இப்படி வீட்டுக்குள்ளே எத்தனை நாள்கள்தான் இருக்க முடியும்? நம்ம பிள்ளைகள் வாழணும்னு அப்பாவும் அம்மாவும் ஆசைப்பட்டாங்க.



இருக்கிற நகைகளை வித்து சாப்பிட்டுட்டு இருந்தோம். ஒரு கட்டத்துக்கு மேல சாப்பாட்டுக்கே கஷ்டம். பனை ஓலை மரத்தை வெட்டி, அதுல இருக்கிற குருத்தைச் சாப்பிட்டோம். 'இங்கே கஷ்டப்பட்டது போதும், வேற நாட்டுக்குப் போறதைத் தவிர வேற வழியில்லை'னு முடிவுப் பண்ணினாங்க.

இலங்கை கடற்படைக்குத் தெரியாமல், தலைமன்னாரிலிருந்து தனுஷ்கோடிக்கு படகுல கிளம்பினோம். கொஞ்ச முன்னாடியே இறங்கி, இடுப்பளவுத் தண்ணீர்லேயே நடந்து, சிலரின் உதவியோடு ராமேஸ்வரம் கடற்கரைக்கு வந்துசேர்ந்தோம்.

அங்கிருந்து அவ்வப்போது போகும் பஸ்ஸில் ஏறினோம். நாமக்கல், பரமத்தி வேலூருக்கு வந்துசேர்ந்தோம். உறவுகளை எல்லாம் விட்டுவிட்டு தன்னந்தனியா இன்னொரு நாட்டுக்கு அகதிகளாகப் போகும் துயரத்தை வார்த்தைகளால் விளக்க முடியாதுங்க.

அது எச்சிலை விழுங்க முடியாமல் நெஞ்சை அடைச்சுக்கும் அவஸ்தை. நான் விளையாடின அந்தத் தெரு, நான் சுற்றித் திரிந்த ஊர் பாதைகள், வாழ்ந்த வீடு என எல்லாத்தையும் விட்டுவிட்டு வந்துட்டோம். பரமத்தில் வேலூருக்கு எங்களோடு சேர்த்து ஐநூறுக்கும் மேற்பட்ட குடும்பங்கள் அகதியா வந்துச்சு. சொந்த பூமியை விட்டு வந்த துயரத்தில் பல நாள்கள் தூக்கமே இல்லை. கிடைச்ச வேலைகளைச் செய்ய ஆரம்பிச்சோம்.


பிறகு என் படிப்பைத் தொடர்ந்தேன். ஓரளவுக்கு பள்ளிப் படிப்பை முடிச்சேன். கல்யாணமும் ஆச்சு. ஒரு மகனும் ஒரு மகளும் பிறந்தாங்க. எங்க வாழ்க்கையின் மிகப்பெரிய சந்தோஷம்னா இந்த இரண்டு பிள்ளைச் செல்வங்கள்தான்.

என் கணவர் விமலநாதன் கட்டடவேலை பார்த்துட்டிருந்தார். டிசாதனாவுக்கு குழந்தையிலிருந்தே இசை ஆர்வம் அதிகம். தலையாட்டி, கையசைத்து இசையை ரசிப்பதைப் பார்த்தோம். கொஞ்சம் வளர்ந்ததும் பாட்டு வகுப்புக்கு அனுப்பினோம். கோவையில் ஜி தமிழ் நடத்திய ஆடிசனுக்குத் தயக்கத்தோடுதான் அழைச்சுட்டுப் போனோம்.

'இலங்கை அகதியான எங்களுக்கு வாய்ப்புக் கொடுப்பீங்களா?'னு கேட்டோம். 'திறமை எங்கே இருந்தாலும் வாய்ப்பு உண்டு'னு உற்சாகத்தோடு அனுமதிச்சாங்க. ஒவ்வொரு கட்டத்திலும் வெற்றிபெற்று நிகழ்ச்சியில் பாட ஆரம்பிச்சா என் பொண்ணு. டிசாதனா ஒவ்வொரு நாள் ஷூட்டிங் போகும்போதும், நானே சாதிச்சுட்ட திருப்தி இருக்கும். வெற்றி தோல்வி சகஜம் என்பதை ஆரம்பத்திலிருந்தே அவளுக்குச் சொல்லிக்கொடுத்தோம். தமிழ்நாட்டுக்கு நாங்க வந்து 26 வருஷம் ஆகிடுச்சு. ஜி தமிழ் 'சரிகமப லிட்டில் சாம்ப்ஸ்' நிகழ்ச்சியில், 'விடைக்கொடு எங்கள் நாடே' பாட்டைப் பாடும்போதுதான், நாங்க பட்ட கஷ்டங்கள் பற்றி டிசாதனாகிட்டே முதல்முறையா சொன்னோம்'' என்று கலங்கும் கண்களைத் துடைத்துக்கொண்டே மகளைப் பார்த்து புன்னகைக்கிறார்.

''அம்மா எத்தனையோ முறை 'இலங்கைக்குப் போயிடலாம்டா. நம்ம சொந்த ஊர் மாதிரி சொர்க்கம் எதுவும் இல்லைடா'னு சொல்லுவாங்க. நிலைமை சரியாகிட்டா அங்கே போய் இருக்கலாம் என்கிற ஆசை மனசுக்குள் இருக்கு. எங்க சொந்தக்காரங்க அங்கே இருக்காங்க. ஏதாவது பிரச்னைனாலோ, நல்லது நடந்தாலோ போனில் சொல்வாங்க.

அதைக் கேட்கும்போது, அங்கே தவிச்சுட்டு இருக்கவங்களுக்கு எப்போ விடிவு காலம் வரும்னு நினைப்பேன். என் அம்மாவின் அப்பா, அம்மா மீன்பிடித் தொழிலில் இருந்தவங்க. அம்மா இலங்கையில் இருந்தப்போ, இந்த மாதிரி பெரிய அளவில் பிரச்னைகள் இல்லை. மீனவர்களைச் சுட்டுக் கொன்றதில்லை. ஆனால், இப்போ நிலைமையே வேதனையா இருக்கு'' என அனுபவம் மிகுந்த வார்த்தையால் பேசுகிறார் டிசாதனா.

அவரைத் தொடர்ந்து பேசிய கமலேஷ்வரி, ''இலங்கையில் பெண்களுக்குப் பாதுகாப்பு இல்லை என்பதைத்தான் அடிக்கடி சொல்லிட்டே இருக்காங்க. எங்களுக்கு அந்த நாட்டின் குடியுரிமையும் இல்லை, இந்திய நாட்டின் குடியுரிமையும் இல்லை. இரண்டுப் பக்கமும் எந்த உரிமையில் இல்லாமல் ஊசலாடறோம்.

ஏதாவது ஒரு நாட்டின் குடியுரிமை கிடைச்சால் போதும். தங்குவதிலிருந்து அத்தனை அடைக்கலத்தையும் தமிழ்நாடு கொடுக்குது. ஆனால், எங்க நாட்டைப் பிரிஞ்சு இருக்கோமேனு நினைக்கும்போது கண்ணீரை அடக்க முடியலை.

எங்க தலைமுறை என்னவாகும்னு நினைக்க நினைக்க நெஞ்சே அடைக்குது. டிசாதனாவுக்கு இப்போ நிறைய வாய்ப்புகள் வருது. ஜி தமிழுக்கும், தமிழ்நாட்டுக்கும் மிகப்பெரிய நன்றிகள். அவள் பெறும் வெற்றிகளை எங்க தாய்நாட்டு மக்களுக்குச் சமர்ப்பிக்கிறோம்'' என்கிறார் கண்ணீருடன்.

குரோசியா நாட்டில் விசித்திரமான நோயால் தாக்கப்பட்டுள்ள இளைஞர் ஒருவர் இளமை குன்றாமல் சிறுவன் போலவே வாழ்ந்து வருகிறார்.

குரோசியாவில் Zagreb பகுதியில் வாழ்ந்து வருபவர் 23 வயதான Tomislav Jurcec. இவர்தான் பிட்யூட்டரி சுரப்பியில் ஏற்பட்ட கோளாறு காரணமாக தற்போது 10 வயது சிறுவன் போலவே என்றும் இளமையுடன் வாழ்ந்து வருகிறார்.

ஆனால் இவரது இந்த நிலையை ஒரு வரமாகவே கருதப்படுவதாக Jurcec தெரிவித்துள்ளார். இதனால் தற்போது உலகப் புகழ்பெற்ற தொலைக்காட்சி தொடர்களில் நடிக்கும் வாய்ப்புகள் குவிந்தவண்ணம் உள்ளதாம்.

மட்டுமின்றி புகைப்பிடிக்கும் பழக்கம் கொண்ட Jurcec அதுபோன்ற வயதுக்கு உட்பட்டவர்களுக்கான பொருட்களை வாங்கும்போது மிகவும் கடினமாக இருப்பதாக தெரிவித்துள்ளார்.

சமயங்களில் மதுபான விடுதிக்கு செல்லும்போது பலமுறை இவரது நண்பருக்கு பொதுமக்களால் திட்டு விழுந்துள்ளதாக கூறும் இவர், எப்படி ஒரு சிறுவனுக்கு மது அளிக்கலாம் எனவும் பொதுமக்கள் அக்கறையுடன் கேள்வி கேட்பதை ரசனையுடன் இவர் கேட்டிருப்பாராம்.

தற்போது Game of Thrones தொடர்களில் நடித்துவருவதாக கூறும் இவர் 'Hero Corpse Child'என்ற தொடரிலும் நடித்துள்ளார்.

அமெரிக்காவின், கலிஃபோர்னியா பல்கலைக்கழகத்தை சேர்ந்த ஆராய்ச்சியாளர்கள் உடலில் இருந்து வெளியேறும் வியர்வையைக் கொண்டு மொபைலுக்கு சார்ஜ் ஏற்றும் புதிய தொழில்நுட்பத்தை கண்டுபிடித்துள்ளனர்.

இதற்காக, நமது உடலின் தோலில் ஒட்டிக்கொள்ளும் வகையில் ஒரு சிறிய கருவியை உருவாக்கியுள்ளனர்.

அந்த கருவியானது, நமது உடலில் இருந்து வெளியேறும் வியர்வையில் உள்ள நொதிகளில் இருந்து எலக்ட்ரானிக் பொருட்களுக்கு தேவையான எனர்ஜிக்களை உருவாக்கும்.

இதற்கு முன்பு கண்டுபிடிக்கப்பட்ட பயோ எனர்ஜி தொழில்நுட்பத்தை விட, இது அதிக ஆற்றல் வாய்ந்ததாக இருக்கும் என அராய்ச்சியாளர்கள் தெரிவித்துள்ளனர். இதுகுறித்து கருத்து தெரிவித்த ஆராய்ச்சிகுழு மாணவர் வாங், “மக்களுக்கு எளிதாக பயன்படக்கூடிய வகையில் நாங்கள் இந்த தொழிநுட்பத்தை வடிவமைத்து வருகிறோம்.

இதன்மூலம் உடற்பயிற்சி செய்யும்போதோ அல்லது வெளியில் நடைபயணம் மேற்கொள்ளும்போது சுலபமாக தங்களுடைய மொபைல் பொருட்களுக்கு சார்ஜ் ஏற்றிக்கொள்ளலாம்” என தெரிவித்துள்ளார்.

மேலும், மனிதர்களின் உடல்நிலையை கண்காணிக்கும் வகையிலும் இந்த கருவி வடிவமைக்கப்பட்டுள்ளது என ஆராச்ய்ச்சியாளர்கள் தெரிவித்துள்ளனர். வியர்வையில் இருக்கும் குளுக்கோஸின் தன்மையைக் கொண்டு நம் உடல்நிலையின் தன்மை கண்கானித்துக்கொள்ளலாம் என அவர்கள் குறிப்பிட்டுள்ளனர்.​

சிறுநீரை பயன்படுத்தி சிறிய விளக்குகள் மற்றும் ஸ்மார்ட் போன்களுக்கு சார்ஜ் செய்யும் முறையினை பிரிட்டிஷ் விஞ்ஞானிகள் கண்டுபிடித்துள்ளனர்

நுண்ணுயிர் எரிபொருள் செல்களைப் பயன்படுத்தி மின்சாரத்தை மின்சக்திக்கு மாற்றும் புதிய முறையை பிரிஸ்டல் ரோபோடிக்ஸ் உயிரி பொறியாளர்கள் கண்டுபிடித்திருக்கிறார்கள். குறைவான அளவு சிறுநீரில் ஸ்மார்ட்போன்கள் ஆறு மணி நேரம் சார்ஜ் ஆகும்.

ஆனால் சிறுநீர் மூலமாக ஸ்மார்ட்போனுக்கு மூன்று மணி நேரத்தில் சார்ஜ் செய்ய முடியும் என்றும் ஆராய்ச்சியாளர்கள் தெரிவித்துள்ளனர். பிரிஸ்டல் பயோ ஆற்றல் மையத்தின் இயக்குனர், பேராசிரியர் அயோனிஸ் இரோபுலஸ் கூறுகையில், "இந்த திட்டம் மூலம் கழிவுப்பொருள்களில் இருந்து அதிகபட்ச மின்சாரம் உருவாக்கப்படுவதாக கூறப்படுகிறது.

இதற்காக நுண்ணுயிர் எரிபொருள் செல் தொழில்நுட்பம் பயன்படுத்தப்படுகிறது. நாம் இயற்கையாக உற்பத்தி செய்யும் கழிவுகளை நுண்ணுயிரிகள் நேரடியாக மின்சாரமாக மாற்றுகிறது. அவை துணைப்பொருளாக எலக்ட்ரான்களை தயாரிக்கின்றன.

எலக்ட்ரான்கள் உற்பத்தி ஆவதன் மூலம் மின்சாரம் உருவாகிறது. இந்த நுண்ணுயிரிகள் 30 முதல் 40 மில்லிவாட்ஸ் மின்சாரத்தை உற்பத்தி செய்கின்றன. இது ஸ்மார்ட்ஃபோன், சிறிய விளக்குகளை சார்ஜ் செய்ய போதுமானதாகும் எனத் தெரிவித்துள்ளனர்.

சுவிட்சர்லாந்தில் தொல்பொருள் ஆய்வாளர்கள் மேற்கொண்ட ஆய்வு ஒன்றில் 7000 ஆண்டுகள் பழமையான கல்லறை ஒன்றை கண்டுபிடித்துள்ளனர்.

சுவிட்சர்லாந்தின் சியான் பகுதியில் கலாச்சார மையம் ஒன்றிற்கான கட்டுமான பணி நடைபெற்ற நிலையில், அங்கிருந்து மனித மண்டை ஓடுகள் மற்றும் எலும்புகள் பலவற்றை கண்டுபிடித்துள்ளனர்.

அதில் கல்லறை ஒன்றும் சில குடியிருப்புகள் இருந்தமைக்கான அடையாளங்களும் ஆய்வாளர்களால் கண்டுபிடிக்கப்பட்டுள்ளது. குறித்த மனித மண்டை ஓடுகள் மற்றும் எலும்புகளானது கற்காலத்தில் வாழ்ந்திருந்த மனிதர்களின் உடல் உறுப்புகளாக இருக்கலாம் என ஆய்வாளர்கள் கருத்து தெரிவித்துள்ளனர்.

கலாச்சார மையத்திற்காக துவங்கப்பட்ட கட்டுமான பணிகளை எதிர்வரும் செப்டம்பர் மாதம் வரை நிறுத்தி வைக்கவும், குறித்த பகுதியை தொல்பொருள் ஆய்வாளர்கள் முழுமையாக ஆய்வு செய்யும் வரை அப்பகுதியை பாதுகாக்கவும் நடவடிக்கை மேற்கொள்ளப்பட்டுள்ளது.

குறித்த பகுதியில் இருந்து கிடைக்கப்பெறும் சான்றுகள் அனைத்தும் கற்காலம் தொடர்பில் புதிய கருத்தாக்கத்திற்கு வழிகோலும் என ஆய்வாளர்கள் நம்பிக்கை தெரிவித்துள்ளனர்.

ஆப்கானிஸ்தான் நாட்டில் உள்ள வங்கி அருகே கார் வெடிகுண்டு தாக்குதல் நடத்தியதில் 20 பேர் பலியாகியுள்ளதாக தகவல்கள் வெளியாகியுள்ளன.

ஆப்கானில் உள்ள Helmand மாகாணத்தில் இக்கொடூரமான தாக்குதல் நிகழ்ந்துள்ளது.

ஆப்கான் ஊடகங்கள் வெளியிட்டுள்ள தகவலில் வங்கி அருகில் கார் ஒன்று வெடித்து சிதறியதில் 20 பேர் வரை பலியாகியுள்ளதாக தெரிவிக்கப்பட்டுள்ளது.

மேலும், துப்பாக்கிகளுடன் வங்கிக்குள் நுழைந்த மர்ம நபர்கள் வங்கி பாதுகாவலர்களுடன் தாக்குதல்களில் ஈடுப்பட்டு வருவதாக தகவல்கள் வெளியாகியுள்ளன.

அரசமரம் மற்றும் வேப்பமரம் ஆகிய இரண்டு மரத்தின் அடியில் விநாயகர் மற்றும் நாகர் சிலைகள் இருப்பதன் ரகசியம் என்ன தெரியுமா?

மரத்தின் அடியில் கடவுள் இருப்பது ஏன்?

கோடை, மழை காலத்தில் அரசமரம் மற்றும் வேப்பமரத்தில் இலைகள் நெருக்கமாக இருக்கும்.

ஏனெனில் அது அந்த மரத்தின் அடியில் உள்ள விநாயகர் மற்றும் நாகர் கடவுள்களை அவை குடை போல இலைகளை விரித்து பாதுகாப்பதாக ஒரு ஐதீகம் உள்ளது. இதற்கு இயற்கையானது கடவுள்களை வணங்குகிறது என்பது இதன் ரகசியமாக உள்ளது.

அதுவே பனிக்காலத்தில் மரத்தில் உள்ள இலைகளை உதிர்ந்து, வெறும் மரமாக காணப்படும். அந்நிலையை, சூரியன் தன் கதிர்களை செலுத்தி, விநாயகர் மற்றும் நாகர் கடவுளை வழிபடுவதாக கருதப்படுகிறது.

அதுமட்டுமில்லாமல், வெயில் மற்றும் மழை காலத்தில் பெருமளவு பாதிக்கப்படும் மனிதர்கள், பனிக்காலத்தில் சீதோஷ்ண நிலையால் கஷ்டப்படக் கூடாது என்பதற்காக, தெய்வங்கள் கருணையுடன் மரத்தடிகளை தங்களின் இருப்பிடமாக கொண்டுள்ளது என்று கருதுகின்றனர்.

லண்டன் தீ விபத்தில் சிக்கி பலியானவர்களின் எண்ணிக்கை 79 ஆக அதிகரித்துள்ளதாக பிரித்தானிய பொலிசார் அதிகாரப்பூர்வமாக தெரிவித்துள்ளனர்.

லண்டனில் உள்ள Grenfell Tower குடியிருப்பில் கடந்த புதன்கிழமை அன்று பயங்கர தீ விபத்து ஏற்பட்டுள்ளது.

இந்த தீ விபத்தில் சிக்கி 20 பேர் உயிரிழந்து விட்டதாக முதற்கட்டமாக தெரியவந்தது. பின்னர், நேற்று வெளியான தகவலில் பலி எண்ணிக்கை 58 ஆக அதிகரித்துள்ளது.

ஆனால், தீ விபத்து நிகழ்ந்த கட்டடத்தில் சோதனை செய்து வரும் பொலிசார் இன்று வெளியிட்டுள்ள தகவலில், உயிரிழந்தவர்களின் எண்ணிக்கை 79 ஆக அதிகரித்துள்ளது என தெரிவித்துள்ளார்.

இவர்களில் 5 பேரிடன் அடையாளம் தெரிந்துள்ளதாகவும், ஆனால், இது குறித்து தகவலை வெளியிட முடியாது என பொலிசார் மறுத்துள்ளனர்.

பொலிஸ் அதிகாரியான Stuart Cundy என்பவர் செய்தியாளர்களை சந்தித்தபோது, ‘கட்டிடம் மிகவும் சேதம் அடைந்துள்ளது. இச்சூழலில் விரைவாக தேடுதல் பணியை முடக்கி விடுவது ஆபத்தை ஏற்படுத்தும்.

கட்டிடத்திற்குள் உயிரிழந்தவர்களின் சிலரை அடையாளம் காண்பது சிரமாக உள்ளது. எனவே, தேடுதல் பணி சில வாரங்கள் வரை தொடரும்’ என தெரிவித்துள்ளார்.

தீ விபத்து நிகழ்ந்து இரண்டு தினங்களுக்கு பின்னர் கட்டிடத்திற்குள் பலியாணவர்களின் எண்ணிக்கை 100 வரை அதிகரிக்க வாய்ப்புள்ளது என பொலிசார் ஏற்கனவே தெரிவித்துள்ளது குறிப்பிடத்தக்கது.