மருத்துவத்துறையில் ஏற்பட்டுள்ள புரட்சி காரணமாக பெருமளவான நோய்களுக்கும், தொற்றுநோய்களுக்கும் நிவாரணிகள் கண்டுபிடிக்கப்பட்டுள்ளன.

எனினும் மருத்துவ உலகைத்திற்கே இன்று வரையில் சிம்ம சொற்பனமாக திகழும் தொற்றுநோய்களும் இருக்கத்தான் செய்கின்றன.

இவ்வாறான நோய்கள் தொடர்பில் சுவிட்ஸர்லாந்து அரசும், உலக நாடுகளிலுள்ள விஞ்ஞானிகள் சிலரும் இணைந்து கடந்த வியாழக்கிழமை ஆய்வு ஒன்றினை மேற்கொண்டிருந்தனர்.

இவ் ஆவ்வின் முடிவில் Middle Eastern Respiratory Syndrome (MERS), Lassa காய்ச்சல் மற்றும் Nipah வைரஸ் (NiV) தொற்று என்பன அதிக ஆபத்து மிக்க தொற்றுக்கள் என எச்சரிக்கப்பட்டுள்ளது.

இவற்றின் தொற்றும் வேகம் அதிகமாக இருப்பதுடன், குணப்படுத்துவதற்கான சிகிச்சை முறைகளும் இதுவரை கண்டறியப்படாமல் இருப்பதுவுமே அதிக ஆபத்தாக காணப்படுவதற்கான காரணங்கள் என சுட்டிக்காட்டப்பட்டுள்ளது.

எனினும் இந் நோய்களுக்கான தடுப்பு மருந்துகளை கண்டறிவதற்காக 460 மில்லியன் அமெரிக்க டொலர்களை சுவிட்ஸர்லாந்து அரசு ஒதுக்கியுள்ளதுடன், ஆராய்ச்சிகளும மும்முரப்படுத்தப்பட்டுள்ளன.

உலகில் மனிதனின் காலடி படாத இடம் ஆழ்கடல்தான். ஏன் மனிதனின் காலடி பட வாய்ப்பே இல்லாத இடமும், ஆழ்கடல்தான்.

கண்களுக்கு முழுமையாக தென்படாத, விண்வெளியைப் போன்று எண்ணிலடங்கா ரகசியங்களை தன்னுள் புதைத்து வைத்திருக்கின்றது, ஆழ்கடல்!

கடலின் அடியிலும் வெளியிலிருப்பது போல ஏராளமான எரிமலைகள், பள்ளத்தாக்குகள், மாபெரும் மலைத்தொடர்கள், சிறு குன்றுகள் எல்லாம் இருக்கின்றன.

கணக்கிலடங்காத எண்ணிக்கையில், கடல் வாழ் விலங்குகள் உயிர் வாழ்கின்றன. ஆனால், அவற்றைப்பற்றி எல்லாம் நாம் முழுமையாக அறிந்து கொண்டோமா என்றால் 'இல்லை' என்பதே பதில்.

பல்வேறு கிரகங்களுக்கு செயற்கைக்கோள்களை அனுப்பி ஆராய்ச்சி செய்து வரும் நாம், நமது பூமியிலிருக்கும் ஆழ்கடலை இன்னும் முழுமையாக ஆராய்ச்சி செய்து முடிக்கவில்லை.

ஏனெனில், விண்வெளிப் பயணத்தை விட மிகவும் கடினமானது ஆழ்கடல் பயணம்தான். இதற்கு முக்கியக் காரணம், கடலின் அழுத்தம்.

நாம் கீழே செல்லச் செல்ல நீரின் எடை அதிகரித்து, அந்த எடை எல்லாப் பக்கங்களிலிருந்தும் நம்மை அழுத்தும். பத்து மீட்டர் ஆழத்தில் நீரின் அழுத்தம் இரண்டு மடங்காகி இருக்கும்.

அவ்வாறு ஒவ்வொரு பத்து மீட்டர் ஆழத்திற்கும் கடலின் அழுத்தமும் இரு மடங்காக, அதிகரித்துக்கொண்டே செல்லும். தவிர, இன்னுமொரு பிரச்னை உண்டு.

சூரிய ஒளியானது சுமார் இருநூறு மீட்டர் ஆழம் வரையே ஊடுருவும் என்றாலும், ஆயிரம் மீட்டர் ஆழம் வரை ஓரளவு வெளிச்சம் தெரியும். அதன் பின்னர் கும்மிருட்டுதான்.

நம்மால் சுவாசக் கருவி அணிந்து கொண்டு ஆயிரம் அடி வரை கூட இறங்க முடியும். ஆனால் நீண்ட நேரம் கடலின் ஆழத்தில் இருந்தால், கொப்புளங்கள், மூட்டுவலி போன்ற சில உடல் உபாதைகள் வரும் அபாயம் உண்டு.

நீர்மூழ்கிக் கப்பல்கள் கூட ஒரு குறிப்பிட்ட ஆழத்துக்குக் கீழே பயணிக்காது. ஏனெனில், கடல் நீரின் அழுத்தத்தால் நீர்மூழ்கியும் வெடித்துச் சிதறி விட வாய்ப்பிருக்கிறது.

இதனாலேயே ஆழ்கடல் குறித்த கேள்விகளுக்கு, வெகுநாட்களுக்கு விடை கிடைக்கவில்லை.

மரியானா அகழி


இந்த உலகிலேயே மிக ஆழமானப் பகுதி, மரியானா அகழியில் அமைந்துள்ள 'சேலஞ்சர் மடு' என்ற பள்ளம் தான். பசிபிக் கடலில் உள்ள ஆரம் போன்ற வளைவான மரியானா தீவுகளுக்குக் கிழக்கே அமைந்துள்ளது, மரியானா அகழி.

வளர்பிறை போன்ற வடிவத்தில் அமைந்துள்ளதால், 'மரியானா நீள்வரிப்பள்ளம்' என்று அழைக்கப்படுகின்றது.

இந்த அகழியானது, பசிபிக் நிலத்தகடும், மரியானா நிலத்தகடும் சந்திக்கும் இடத்தில் அமைந்துள்ளது. இது 2550 கிலோ மீட்டர் நீளமும், 69 கிலோ மீட்டர் அகலமும் கொண்டது.

இதன் ஆழம் 35,840 அடி ஆகும். சேலஞ்சர் ஆழப்படுகுழி 36200 அடி (அதாவது 11034 மீட்டர்) ஆழமுடையது.

உங்கள் ஒற்றை விரல் நகத்தின் மீது ஆயிரம் கிலோ எடையை வைத்தால் எப்படி இருக்கும்? இப்பகுதியின் நீரினால் ஏற்படும் அழுத்தம் அந்த அளவுக்கு இருக்கும்.

(அதாவது 1086 பார்கள் அழுத்தம்) சேலஞ்சர் மடுவில் உள்ள நீரின் வெப்பநிலை, அதிகபட்சம் நான்கு டிகிரி செல்சியஸ் வரை.

உலகிலேயே மிக உயர்ந்த சிகரமான எவரெஸ்ட்டை இதனுள்ளே வைத்தால், அதற்கு பிறகும் ஏழாயிரம் அடி மிச்சமிருக்கும் என்றால், இதன் ஆழத்தைப் புரிந்து கொள்ளலாம்.

மவுன கிய எரிமலை

இந்த சமயத்தில் ஒரு பொது அறிவுத்தகவல் - உலகிலேயே மிக உயரமான இடம் எவரெஸ்ட் என்று நினைத்துக் கொண்டிருக்கிறோம்.

பொதுவாக உயர அளவீடுகள், கடல் மட்டத்திலிருந்து அளவிடப்படுகின்றன. ஹவாய் தீவிலிருக்கும் 'மவுன கிய' எனும் எரிமலை, கடல் மட்டத்திலிருந்து சுமார் 13802 அடி உயரம் உடையது.

இந்த எரிமலை கடலினுள் அமிழ்ந்துள்ளது. அங்கிருந்து கணக்கிட்டால், இதன் உயரமானது 33000 அடியாகும். எவரெஸ்ட்டின் உயரம் 29029 அடிதான்.

எனவே உண்மையில், உலகிலேயே உயரமான இடம் மவுன கிய எரிமலைதான். கடல் மட்டத்திலிருந்து மட்டுமே கணக்கீடுகள் எடுக்கப்படுவதால் மவுன கிய எரிமலை அந்தப் பெருமையை எவரெஸ்ட்டிடம் இழந்து விட்டது.

மவுன கிய எரிமலையில் ஏராளமான தொலைநோக்கிகள் நிறுவப்பட்டுள்ளன. நகரங்களின் வெளிச்சம், ஓசை போன்ற மாசுக்கள் இல்லாமல் இந்த எரிமலையின் உச்சியில் நிலவும் சுற்றுப்புறமானது, வானியல் ஆராய்ச்சியாளர்களுக்கு மிகவும் ஏற்றதாக இருக்கிறது.

தற்போது இந்தியா, சீனா, ஜப்பான், அமெரிக்கா மற்றும் கனடா ஆகிய ஐந்து நாடுகள் ஒருங்கிணைந்து, சுமார் 140 கோடி அமெரிக்க டொலர் செலவில், உலகின் மிகப்பெரிய தொலைநோக்கியை இந்த எரிமலையில் நிறுவி வருகின்றன.

இதுதான் உலகின் மிகப்பெரிய தொலைநோக்கியாகும். இதன் மூலம் 500 கிலோமீட்டர் தொலைவிலிருக்கும் ஒருவரின் சட்டையிலிருக்கும் பட்டனைக் கூட மிகத்துல்லியமாக ஆராய முடியும்.

இந்த மிகப்பிரம்மாண்ட தொலைநோக்கியின் கட்டுமானம் 2022ஆம் ஆண்டுதான் முடியும் என தெரிவிக்கப்பட்டுள்ளது.

சிம்போரஸோ எரிமலை

சேலஞ்சர் மடுவின் தரைப்பகுதி, பூமியின் மிக ஆழத்தில் இருந்தாலும், அது பூமியின் மையத்திற்கு அருகில் இல்லை.

ஏனென்றால், நமது பூமியின் ஒழுங்கற்ற வடிவமே இதற்கு காரணம். பூமி ஒரு முழுமையான வட்டமானது என்று நாம் நினைத்துக் கொண்டிருக்கிறோம்.

(பண்டை காலத்தில் உலகம் தட்டையானது என நினைத்துக் கொண்டிருந்தது தனிக்கதை!). ஆனால் பூமியானது ஒரு ஒழுங்கற்ற (சிறிது பேரிக்காய் போன்ற) வடிவத்தில் இருக்கிறது.

தன்னைத்தானே சுற்றி வரும் மைய ஈர்ப்பு விசையின் காரணமாக பூமத்திய ரேகைப் பகுதியில் சற்று உப்பிக் காணப்படுகிறது.

பூமியின் துருவங்களின் விட்டமானது, பூமி மையத்திற்கு நெருக்கமாக உள்ளது. இதனால் பூமியின் மையத்திற்கு மிக அருகில் உள்ளது, ஆர்க்டிக் கடலின் தரைப்பகுதியே ஆகும்.

இப்போது மீண்டுமொரு பொது அறிவுத்தகவல்- உலகின் உயரமான சிகரமான எவரெஸ்ட் தானே பூமியின் மையத்திலிருந்து வெகு தொலைவில் இருக்கும் இடமாக இருக்கக் கூடும்?

காதைத் தீட்டிக் கொள்ளுங்கள். இப்போது உங்களுக்கு இன்னொரு ரகசியம் சொல்கிறேன். ஈக்குவடாரில் உள்ள சிம்போரஸோ எனும் எரிமலைதான், பூமியின் மையத்திலிருந்து அதிதொலைவு (20548 அடிகள்) உள்ள இடம்.

காரணம் இப்போது புரிந்திருக்குமே? எவரெஸ்ட்டை (29029 அடிகள்) விட உயரம் குறைவாக இருந்தாலும், இந்த எரிமலையின் அமைவிடமான ஈக்குவடாரில் பூமி உப்பலாகக் காணப்படுவதால் இது சாத்தியமானது.

இந்த மரியானா பள்ளம் எப்படி ஏற்பட்டது? சுருக்கமாக IBM என்றழைக்கப்படுகின்ற 'ஐஸு-போனின்-மரியானா (Izu-Bonin-Mariana)' நிலத்தகடுகளினால் உண்டானது.

பல மில்லியன் வருடங்களுக்கு முன்பு, பசிபிக் நிலத்தகடும் சிறிய மரியானா நிலத்தகடும் ஒன்றையொன்று மோதிக் கொண்டபோது, பசிபிக் நிலத்தகடானது மரியானாவின் அடியில் சென்றது.

இதனால் இந்த மாபெரும் அகழி உருவானது. இது சுமாராக 180 மில்லியன் வருடங்கள் பழமையானது.

மரியானா அகழியின் தரையை தொட்ட சாதனையாளர்கள்

இங்கிலாந்துக் கடற்படையைச் சேர்ந்த சேலஞ்சர் என்ற கப்பல்தான் முதன்முதலில், இந்த இடத்தின் ஆழத்தை 26850 அடி என்று கண்டறிந்து, உலகுக்கு அறிவித்தது.

1875ஆம் ஆண்டு ஒலி அதிர்வு முறையில் இதைக் கணித்துச் சொன்னார்கள். இந்தக் கப்பலை பெருமைப்படுத்தும் விதமாகவே, இந்த ஆழ்குழிக்கு 'சேலஞ்சர் படுகுழி' எனப் பெயரிடப்பட்டது.

1995ஆம் ஆண்டு, கைகோ என்ற ஆள் இல்லாத நீர்மூழ்கியும் அதன் பின்னர் 2009ஆம் ஆண்டு நெரயஸ் என்ற மற்றுமொரு ஆள் இல்லாத நீர்மூழ்கியும் இந்த ஆழத்தை தொட்டுவிட்டு வெற்றியுடன் திரும்பின.

உலகின் உயரமான சிகரமான எவரெஸ்ட்டைக் கூட ஆயிரக்கணக்கானவர்கள் தொட்டு விட்டு திரும்பியிருக்கிறார்கள்.

ஆனால், இன்றைய நாள் வரை மரியானா அகழியின் தரை வரை சென்று திரும்பியவர்கள் மூன்றே பேர்தான். அதில் ஒருவர் உலகறிந்த, புகழ்பெற்ற திரைப்பட இயக்குநரான ஜேம்ஸ் கேமரோன்.

மற்ற இருவர், அமெரிக்கக் கடற்படையைச் சேர்ந்த டான் வால்ஷ் மற்றும் ஜேக்குஸ் பிக்கார்டு ஆவர்.

'அதெப்படி? அதிக ஆழம் செல்லும்போது நீர்மூழ்கி கூட வெடித்துச் சிதற வாய்ப்பிருக்கிறது என்றீர்களே... 'என்பவர்களுக்கு, அதிக ஆழத்தில் நீரின் அழுத்தத்தைத் தாங்கக்கூடிய ஒரு கருவியை வடிவமைக்க வேண்டிய தேவை ஏற்பட்டபோது கைகொடுத்தவர்தான் சுவிட்சர்லாந்தைச் சேர்ந்த ஜீன் பெலிக்ஸ் பிக்கார்டு.

இவர் மேலே சொல்லப்பட்ட இருவரில் ஒருவரான ஜேக்குஸ் பிக்கார்டின் தந்தையாவார். இவர் பலூனில் பறந்து பல சாதனைகளை படைத்தவர்.

அவ்வாறு பலூனில் பறப்பதற்காக வடிவமைத்திருந்த கருவியில், நீர்க்குமிழியின் தத்துவத்தைப் பயன்படுத்தி, சிறிய மாற்றங்களைச் செய்து கடல் நீரின் அழுத்தத்தைத் தாங்கக்கூடிய ஒரு கருவியை வடிவமைத்தார்.

எடை குறைவாகக் காணும் இயல்புடைய திரவத்தை, ஒரு தொட்டியில் கேப்ஸ்யூல் வடிவிலான ஒரு இரும்பு உருளையின் மேல் அடைத்து, ஆழ்கடலுக்குள் செல்ல ஏதுவாக இரும்பு பட்டைகளையும், மேலே எழும்பி வருவதற்காக மின் மோட்டாரையும் இணைத்தார்.

ஆளில்லாமல் அனுப்பி பல முறை சோதனை செய்து வெற்றி கண்டார். இந்தக்கருவி, அதற்கு பிறகு பலரால் இன்னும் மேம்படுத்தப்பட்டது.

முதன்முறையாக ஒரு மனிதனை ஏற்றிக்கொண்டு 13701 அடி ஆழம் வரைச் சென்று, சோதனையில் வெற்றியும் காணப்பட்டது.

ஆனால், அதிக ஆழம் செல்வதற்கு இன்னும் மேம்படுத்தப்பட வேண்டியிருந்தது. பல்வேறு சோதனைகளுக்கு பிறகு 1960ஆம் ஆண்டு, தங்களது எட்டாவது முயற்சியில், மரியானா படுகுழிக்கு உள்ளே புகுந்தனர் ஜீன் பெலிக்ஸ் பிக்கார்டின் மகனான ஜேக்குஸ் பிக்கார்டும், அமெரிக்கக் கடற்படையைச் சேர்ந்த கேப்டன் டான் வால்ஷ் என்பவரும்.

அவர்கள் சென்ற நீர்முழ்கியின் பெயர் ட்ரெயிஸ்ட். அதில் இரண்டு மின் மோட்டார்கள் பொருத்தப்பட்டிருந்தன.

வினாடிக்கு 0.914 நாட் என்ற வேகத்தில் அவர்கள் பயணித்தனர். வான்டன் எனும் அமெரிக்கப் போர்க்கப்பல், அவர்கள் பயணித்த பேத்திஸ்க்கோப் ட்ரெயிஸ்டியுடன் தொடர்பிலிருந்தது.

அந்தக் காலத்தில் பயன்படுத்தப்பட்ட கருவியின் மூலம் ஏழு வினாடிகள் கழித்துதான் தகவல் பரிமாறிக் கொள்ளப்பட்டது.



32500 அடிகள் இறங்கியிருந்தபோது, வெளிப்புறத்தில் ஏதோ சத்தம் கேட்டது. அதே நேரம் அவர்கள் இருந்த அறை குலுங்கியது. "நாம் தரையைத் தொட்டு விட்டோமோ?" என்றார் வால்ஷ்.

"இல்லையே, ஆழம் காட்டும் கருவியில் அவ்வாறு காட்டப்படவில்லையே" என்றார் பிக்கார்ட். அவர்களின் கலம் மெதுவாக கீழிறங்கிக் கொண்டிருந்தது. கீழே தரை தென்படவில்லை.

ஒருவேளை ஏதேனும் பெரிய கடல்மிருகத்தை மோதி விட்டோமோ? இருவரும் ஒருவரை ஒருவர் பார்த்துக் கொண்டார்கள்.

அவர்களின் எதிரிலிருந்த கருவிகள் எல்லாம் எந்தவித தவறையும் காட்டவில்லை. உடனே பிராண வாயு உள் செலுத்தும் கருவி உள்பட, ஒலி எழுப்பக்கூடிய கருவிகள் அனைத்தையும் சிறிது நேரம் நிறுத்தி வைத்தனர்.

அந்த மயான அமைதியிலும், வெளிப்புறத்திலிருந்து எதுவோ உடைவது போன்ற ‘க்ரீச், க்ரீச்’ எனும் சப்தம் கேட்டுக்கொண்டே இருந்தது.

இந்த சந்தர்ப்பத்தில், உயிரைப் பணயம் வைத்து தொடர்ந்து கீழே செல்வது, இல்லையெனில் திரும்ப சென்று விடுவது என்று இரண்டே வாய்ப்புகள் அவர்களிடத்திலிருந்தன.

அவர்கள் தேர்ந்தெடுத்தது முதலாவது வாய்ப்பை. தொடர்ந்து பயணித்து அவர்கள் மரியானா அகழியின் ஆழத்தை (35,797 அடி) அடைந்தனர்.

கிட்டத்தட்ட ஐந்து மணி நேர பயணத்தில் ஆழத்தைத் தொட்டு விட்டனர். சரித்திர முக்கியத்துவம் வாய்ந்த மகத்தான சாதனை செய்யப்பட்டு விட்டது.

ஆனால் அவர்கள் உணர்ந்த அந்த சத்தம் மட்டும் என்னவென்று தெரியவில்லை. வெளியே பார்க்க உதவும் துளை வழியே எட்டிப் பார்த்தார் வால்ஷ். அவர்களுக்கும் வெளிப்புற நீரின் அழுத்தத்திற்கும் இடையே இரு கண்ணாடிகள் மட்டுமே உண்டு.

"அந்த சத்தம் எங்கிருந்து வந்தது தெரியுமா... கண்டுபிடித்து விட்டேன்." என்றார் புன்முறுவலுடன். வெளியே பார்க்க உதவும் கண்ணாடிகளில், வெளிப்புறக் கண்ணாடி விரிசல் விட்டிருந்திருக்கிறது. அந்த விரிசலின் ஒலியையே அவர்கள் கேட்டிருந்திருக்கிறார்கள்.

அந்த விரிசல் மட்டும் பெரிதாகி உடைந்து, உள்ளிருக்கும் கண்ணாடியும் உடைந்திருந்தால் இருவரும் உயிருடன் தப்பித்திருக்க முடியாது.

சில சரித்திரச் சாதனைகள் படைக்கப்படும்போது, சோதனைகளும் தாமாக விலகி விடுகின்றன போலும்.

நமது வாழ்வில் நம்மை பிற மனிதர்கள் பின் தொடர்கிறார்களே இல்லையே, நமது நிழல் நம்மை பின்தொடர்ந்து கொண்டு தான் இருக்கிறது.

இருட்டிய நேரத்தில் நாம் சாலையில் நடந்துசெல்கையில் நம்மை அறியாமலேய நமது நிழலை பார்த்து சில நேரத்தில் அச்சம் கொள்கிறோம்.

இவ்வாறு சில நேரங்களில் நம்மை அச்சம்கொள்ள வைக்கும் நிழல் பற்றி தெரிந்துகொள்ளுங்கள்.

நிழல் என்றால் என்ன?

ஒரு திசையில் ஒளி வீசும் பொழுது , அத்திசையில் ஒளியூடுருவா ஒரு பொருள் இருந்தால், அப்பொருளால் ஒளி தடுக்கப்பட்டு, அப்பொருளின் பின்னே ஒளி விழாமல் இருக்கும் பகுதிக்கு நிழல் என்று பெயர்.

நிழல் ஏன் கருப்பாக இருக்கிறது?

நம்மில் பலபேர் நிழல் கருப்பாக இருக்கிறது என்று நினைத்துக்கொண்டிருக்கிறோம், ஆனால் நிழல் கருப்பாக இல்லை, ஒளி அற்று இருக்கிறது.

ஒளி அற்றதை நாம் கருப்பு என்கிறோம், எல்லா நிற ஒளியும் சீரான அளவில் கலந்து இருந்தால் அது வெள்ளையாகப் புலப்படும், சில நிறங்கள் தனித்தோ, கலந்தோ இருக்கும்போது பல வண்ணங்கள் காணப்படும்.

நிசப்தம் என்பது சப்தம் இன்மை என்பது போல, கருமை என்பது நிறம் அல்ல, ஒளி இன்மை.

அவுஸ்திரேலியாவில் முதல் முறையாக கருவில் இருக்கும் குழந்தைக்கு அறுவை சிகிச்சை செய்து மருத்துவர்கள் சாதனை படைத்துள்ளனர்.

அவுஸ்திரேலியாவின் குயின்ஸ்லாண்டை சேர்ந்த கர்ப்பிணி ஒருவருக்கு நடத்தப்பட்ட பரிசோதனையில், வயிற்றுக்குள் இருக்கும் கருவின் முதுகெலும்பு தண்டுவடம் சரியாக வளர்ச்சி அடையாமல் இருந்துள்ளது.

இதற்கு Spina bifida என்று பெயர், அவுஸ்திரேலியாவில் 2,000 குழந்தைகள் இந்த பிரச்சனையால் பாதிக்கப்படுகின்றனர்.

இந்நிலையில், 24 வார கர்ப்பிணியாக அப்பெண் இருப்பதால், இந்த கருவுக்கு அறுவை சிகிச்சை செய்துவிடலாம் என Brisbane's Mater மருத்துவமனையை சேர்ந்த மருத்துவர்கள் முடிவு செய்துள்ளனர்,

இந்த அறுவை சிகிச்சைக்கு அமெரிக்காவை சேர்ந்த சிறப்பு குழுவும் உதவியுள்ளது, மொத்தம் 40 மருத்துவர்கள் சேர்ந்த குழு இந்த அறுவை சிகிச்சையை மேற்கொண்டுள்ளது.

கர்ப்பிணி பெண்ணின் வயிற்றில் இருந்து கருப்பை அகற்றப்பட்டு, அந்த கருப்பைக்கு திரவம் ஊற்றப்பட்டுள்ளது, திரவம் ஊற்றப்பட்டதால் கருவானது மிதந்து மேலே வந்துள்ளது, இதன்பின்னர் கருவுக்கு அறுவை சிகிச்சை மேற்கொண்ட பின்னர், மீண்டும் கர்ப்பிணியின் வயிற்றுக்குள் கருப்பையானது வைக்கப்பட்டது.

இதுகுறித்து மருத்துவர் Wellons கூறியதாவது, இது அபாயமான ஒன்றாகும், இந்த அறுவை சிகிச்சையின் அப்பெண்ணின் உயிர்பறிபோவதற்கும் வாய்ப்பிருக்கிறது, இருப்பினும் மரணத்தின் விளிம்பிற்கு சென்று போராடி வென்றுள்ளோம் என கூறியுள்ளார்.

மேலும், இந்த அறுவைசிகிச்சையின் மூலம் குழந்தையின் எதிர்காலம் நன்றாக இருக்கும் என கூறியுள்ளார்.

1. அதிகம் பேசாதவனை உலகம் அதிகம் விரும்புகிறது. அளந்து பேசுபவனை அதிகம் மதிக்கிறது. அதிகம் செயல்படுபவனையே கைகூப்பித் தொழுகிறது.
2. கற்ற அறிவையும், பெற்ற செல்வத்தையும் இறுதிக் காலம் வரை மற்றவர்களுக்காகச் செலவிடுங்கள்.
3. ந‌ம்மு‌ட‌ன் வா‌ழ்வோரை‌ப் பு‌ரி‌ந்து கொ‌ள்வத‌ற்கு ந‌ம்மை முத‌லி‌ல் பு‌ரி‌ந்து கொ‌ள்ள வே‌ண்டு‌ம்.
4. ந‌ம்‌பி‌க்கை குறையு‌ம் போது ஒ‌வ்வொரு ம‌னிதனு‌ம் நெ‌றிய‌ற்ற கொ‌ள்கையை மே‌ற்கொ‌ள்‌கிறா‌ன்.
5. சலித்துக் கொள்பவன் ஒவ்வொரு வாய்ப்பிலும் உள்ள ஆபத்தைப் பார்க்கிறான். சாதிப்பவன் ஒவ்வொரு ஆபத்திலும் உள்ள வாய்ப்பினைப் பார்க்கிறான்.
6. ம‌கி‌ழ்‌ச்‌சி எ‌ன்ற உண‌ர்‌ச்‌சி ம‌ட்டு‌ம் இ‌ல்லா‌‌வி‌ட்டா‌ல் வா‌ழ்‌க்கை எ‌ன்பது சும‌க்க முடியாத பெ‌ரிய சுமையா‌கி‌யிரு‌க்கு‌ம்.
7. உலகம் ஒரு விசித்திரமான கல்லூரி. இங்கே பாடம் சொல்லிக்கொடுத்துத் தேர்வு வைப்பது இல்லை. தேர்வு வைத்த பிறகே பாடம் கற்பிக்கப்படுகிறது.
8. சிக்கனம் என்பது ஒருவன் பணத்தை எவ்வளவு குறைவாகச் செலவு செய்கிறான் என்பதைப் பொறுத்தது அல்ல. அதை அவன் எவ்வளவு உபயோகமாகச் செலவிடுகிறான் என்பதைப் பொறுத்தது ஆகும்.
9. எதை இழந்தீர்கள் என்பதல்ல முக்கியம், என்ன மிச்சம் இருக்கிறது என்பதே முக்கியம்.
10. அரிய சாதனைகள் அனைத்தும் வலிமையினால் செய்யப்பட்டவை அல்ல; விடாமுயற்சியினால் தான்.
11. முன்நோக்கி செல்லும் போது கனிவாயிரு. ஒருவேளை பின்நோக்கி வரநேரிட்டால் யாராவது உதவுவார்கள்.
12. ரகசியத்தை வெளிப்படுத்தியவனுக்கும், துக்கத்தை வெளிப்படுத்தாதவனுக்கும் மனதில் நிம்மதி இருக்காது.
13. எல்லோரையும் நம்புவது அபாயகரமானது. ஒருவரையும் நம்பாமல் இருப்பது இன்னும் அபாயகரமானது.
14. எல்லாத் துன்பங்களுக்கும் இரண்டு மருந்துகள் உள்ளன. ஒன்று காலம், இன்னொன்று மெளனம்.
15. எல்லோரும் தம்மை விட்டு விட்டு வேறுயாரையோ சீர்திருத்த முயலுகிறார்கள்.
16. ஆசையில்லாத முயற்சியால் பயனில்லை. முயற்சியில்லாத ஆசையால் பயனில்லை.
17. செயல் புரியாத மனிதனுக்கு தெய்வம் ஒருபோதும் உதவி செய்யாது.
18. சண்டைக்குப் பின் வரும் சமாதானத்தைவிட, என்றும் சண்டையே இல்லாத சமாதானம்தான். வேண்டும்.
19. நேற்றைய பொழுதும் நிஜமில்லை; நாளைய பொழுதும் நிச்சயமில்லை; இன்றைக்கு மட்டுமே நம் கையில்.
20. மகிழ்ச்சியாய் நீ வீணாக்கிய தருணங்களெல்லாம் வீணானவையல்ல.
21. பழமையைப் பற்றி ஒன்றுமே தெரியாமல் புதுமையைச் சிறப்பாகப் படைக்க முடியாது.
22. வாசிப்புப் பழக்கம் என்பது அருமையான ருசி, அழகான பசி. ஒரு முறை சுவைக்கப் பழகிவிட்டால் அது தொடர்ந்து வரும்.
23. நீங்க‌ள் விரும்புவ‌து ஒருவேளை உங்க‌ளுக்கு கிடைக்காம‌ல் போக‌லாம். ஆனால் உங்க‌ளுக்கு த‌குதியான‌து உங்க‌ளுக்கு க‌ண்டிப்பாக‌ கிடைத்தே தீரும்.
24. அறிவு ஒன்றுதான் அச்சத்தை முறிக்கும் அரிய மருந்து. அறிவை வளர்த்துக் கொண்டால் எல்லாவிதமான பயங்களும் அகன்றுவிடும்.
25. தவறு நேர்ந்து விடுமோ என்று அஞ்சி அஞ்சி எந்த செயலையும் செய்யாமல் பின் வாங்குவது இழிவானது.

தொகுப்பு-வை.கஜேந்திரன்

புகழ் பெற்ற தலைவர்களும், அவர்கள் பிறந்த நாடும்!

1. அரிஸ்டாட்டில் — கிரீஸ்
2. ஜூலியஸ் சீஸர் — இத்தாலி
3. வால்டோ — ஃபிரான்ஸ்
4. சன்யாட் சென் — சீனா
5. உட்ரோ வில்சன் — அமெரிக்கா
6. பிஸ்மார்க் — ஜெர்மனி
7. மார்க்கோனி — இத்தாலி
8. காந்திஜி — இந்தியா
9. கிளியோபாட்ரா — எகிப்து
10. மேரி கியூரி — போலந்து
11. ஜார்ஜ் வாஷிங்டன் — அமெரிக்கா
12. ஆப்ரஹாம் லிங்கன் — அமெரிக்கா
13. ஜான் எஃப் கென்னடி — அமெரிக்கா
14. ஜவஹர்லால் நேரு — இந்தியா
15. கன்ஃபூஷியஸ் — சீனா
16. பெர்ட்ரண்ட் ரஸ்ஸல் — இங்கிலாந்து
17. ஜோன் ஆஃப் ஆர்க் — ஃபிரான்ஸ்
18. மெகஸ்தனீஸ் — கிரீஸ்
19. பிதாகரஸ் — கிரீஸ்
20. பெனிட்டோ முசோலினி — இத்தாலி
21. அடால்ப் ஹிட்லர் — ஆஸ்திரியா
22. ஜோசப் ஸ்ராலின் — சோவியத் யூனியன்
23. மார்டின் லூதர் கிங் — அமெரிக்கா
24. வால்ட் டிஸ்னி — அமெரிக்கா
25. நிகிடா குருஷேவ் — சோவியத் யூனியன்
26. சாக்ரடீஸ் — கிரீஸ்
27. லியோ டால்ஸ்டாய் — சோவியத் யூனியன்
28. ஜார்ஜ் பெர்னாட்ஷா — பிரிட்டன்
29. அன்னை தெரசா — யூகோஸ்லாவியா
30. அலெக்ஸ்ஸாண்டர் — கிரீஸ்
31. நெப்போலியன் –இத்தாலி
32. டயானா — பிரிட்டன்
33. லெனின் — சோவியத் யூனியன்
34. கார்ல் மார்க்ஸ் — ஜேர்மனி
35. ஆர்க்கிமிடீஸ் — கிரீஸ்
36. லூயி பாஸ்டர் — ஃபிரான்ஸ்
37. அசோகர் — இந்தியா
38. போரிஸ் பெக்கர் — ஜெர்மனி
39. பிளாட்டோ — கிரீஸ்
40. மா சே துங் — சீனா
41. மர்லின் மன்றோ — அமெரிக்கா
42. ஆல்ஃபிரட் நோபெல் — சுவீடன்
43. வீரமா முனிவர் — இத்தாலி
44. ரோல்ஸ் ராய்ஸ் — இங்கிலாந்து
45. ஹென்றி டுனாண்ட் — சுவிட்சர்லாந்து
46. ஹென்றி ஃபோர்டு — அமெரிக்கா
47. மைக்கேல் ஏஞ்சலோ — இத்தாலி
48. நிகோலஸ் கோபர்நிகஸ் — போலந்து
49. ரூஸோ — ஃபிரான்ஸ்
50. லாரல் — இங்கிலாந்து
51. ஹார்டி — அமெரிக்கா
52. டொனால்ட் பிரட்மன் — ஆஸ்திரேலியா
53. ஆன்ட்ரூ ஜான்சன் — அமெரிக்கா
54. விவேகானந்தர் — இந்தியா
55. அலெக்சாண்டர் ஃபிளமிங் — ஸ்காட்லாந்து
56. கமால் அப்துல் நாசர் — எகிப்து
57. வாலண்டினா தெரஸ்கோவா — சோவியத் யூனியன்
58. வில்லி பிராண்ட் — ஜெர்மனி
59. வின்ஸ்டன் சர்ச்சில் — இங்கிலாந்து
60. பாப்லோ பிக்காஸோ — ஸ்பெயின்
61. அலெக்சாண்டர் வோல்டா — இத்தாலி
62. ஜாக்குலின் கென்னடி — அமெரிக்கா
63. ஸ்டெஃபிகிராஃப் — ஜெர்மனி
64. பதினான்காம் லூயி — ஃபிரான்ஸ்
65. டாக்டர் அம்பேத்கார் — இந்தியா
66. எமர்சன் — அமெரிக்கா
67. சித்தூர் ராணி பத்மினி — இந்தியா
68. எலிசபெத் பிளாக்வெல் — அமெரிக்கா
69. ரவீந்திரநாத் தாகூர் — இந்தியா
70. முகமது அலி ஜின்னா — பாக்கிஸ்தான்
71. பேநாசீர் புட்டோ — பாக்கிஸ்தான்
72. கரிபால்டி — இத்தாலி
73. கலிலியோ — இத்தாலி
74. ஹெலன் கெல்லர் — அமெரிக்கா
75. தியோடர் ரூஷ்வெல்ட் — அமெரிக்கா
76. நேதாஜி சுபாஸ் சந்திரபோஸ் — இந்தியா
77. ஜேம்ஸ் வாட் — ஸ்காட்லாந்து
78. சார்லி சாப்ளின் — இங்கிலாந்து
79. ஆல்பர்ட் ஐன்ஸ்டீன் — ஜெர்மனி
80. மைக்கேல் ஃபாரடே — இங்கிலாந்து
81. ஜோசபைன் நெப்போலியன் — ஃபிரான்ஸ்
82. வில்லியம் ஹார்வி — இங்கிலாந்து
83. இந்திரா காந்தி — இந்தியா
84. மார்கரெட் தாட்சர் — இங்கிலாந்து
85. ஹிப்போக்ரட்டீஸ் — கிரீஸ்
86. ஜிம் கூரியர் — அமெரிக்கா
87. சோஃபியா லாரன் — இத்தாலி
88. அலெக்சாண்டர் கிரஹாம்பெல் — இங்கிலாந்து
89. ராணி மங்கம்மா — இந்தியா
90. செங்கிஸ்கான் — மங்கோலியா
91. பெஞ்சமின் ஃபிராங்க்ளின் — அமெரிக்கா
92. ஆல்ஃபிரட் ஹிட்சாக் — இங்கிலாந்து
93. மார்டினா நவரத்திலோவா — அமெரிக்கா
94. எட்வர்ட் ஜென்னல் — இங்கிலாந்து
95. எர்ன்ஸ்ட் ரூதர்ஃபோர்ட் — நியூசிலாந்து
96. எலிசபெத் டெய்லர் — இங்கிலாந்து
97. சார்லஸ் டார்வின் — இங்கிலாந்து
98. மாஜினி — இத்தாலி
99. ரைட் சகோதரர்கள் — அமெரிக்கா
100. வில்லியம் ஷேக்ஸ்பியர் — இங்கிலாந்து
101. மோனிகா செலஸ் — யூகோஸ்லாவியா
102. தாமஸ் அல்வா எடிசன் — அமெரிக்கா
103. ஐசக் நியூட்டன் — அமெரிக்கா
104. நெல்சன் — இங்கிலாந்து
105. பீட் சாம்ப்ராஸ் — அமெரிக்கா
106. லியணார்-டோ-டாவின்சி — இத்தாலி
107. சதாம் ஹுஸைன் — இராக்
108. கோஃபி அன்னன் — கானா
109. நீல் ஆர்ம்ஸ்ராங் — அமெரிக்கா
110. ராகேஷ் சர்மா — இந்தியா
111. சுஷ்மிதா சென் — இந்தியா
112. ஐஸ்வ்ர்யா ராய் — இந்தியா
113. கல்பனா சாவ்லா — இந்தியா
114. விஸ்வநாதன் ஆனந்த் — இந்தியா
115. பில் கிளிண்டன் — அமெரிக்கா
116. ஆலன் ஆக்டேபியன் ஹியூம் — இங்கிலாந்து
117. அமர்த்தியா சென் — இந்தியா
118. ராஜிவ் காந்தி — இந்தியா
119. சோனியா காந்தி — இத்தாலி
120. ஹிலாரி ரோத்தம் கிளிண்டன் — அமெரிக்கா
121. நெல்சன் மண்டேலா — ஆப்பிரிக்கா
122. சி.வி. ராமன் — இந்தியா
123. புத்தர் — இந்தியா
124. திருவள்ளுவர் — இந்தியா
125. அமுட்சென் — நார்வே
126. அலெக்சாண்டர் மோஸ் — ஃபிரான்ஸ்
127. அருந்ததிராய் — இந்தியா

 தொகுப்பு- வை-கஜேந்திரன்-

உடலின் பெரும்பகுதி இயங்காத அங்கவீனர்கள் தமது வாழ்க்கையில் அதிகமான காலத்தினை சர்க்கர நாற்காலியிலேயே செலுத்துகின்றனர்.

இவர்கள் எழுந்து நடப்பதற்கு பிறரின் உதவி தேவைப்படும்.

இதனால் துணைச் சாதனங்கள் சில உருவாக்கப்பட்டுள்ளன.

ஆனால் முதன் முறையாக படிப்படியாக நடப்பதற்கு உதவக்கூடியதும், உடலின் வெளிப்புறத்தில் அணியக்கூடியதுமான ஆடை ஒன்று உருவாக்கப்பட்டுள்ளது.

3டி தொழில்நுட்பத்தின் உதவியுடன் உருவாக்கப்பட்ட இவ் ஆடை Ekso-Suit எனஅழைக்கப்படுகின்றது.

இவ் ஆடையின் உதவியுடன் பிறநபர்களின் துணை இன்றி தனியாக நடந்து இடம்பெயர முடியும் என்பது குறிப்பிடத்தக்கது.

இவ் ஆடை தொடர்பான மேலதிக விளக்கத்தினை தரக்கூடிய வீடியோ ஒன்றும் வெளியிடப்பட்டுள்ளது.