பிரித்தானியாவின் West Yorkshire பகுதியின் Dewsbury பகுதியைச் சேர்ந்தவர் மொகமது அலி (16). இவர் அண்மையில் தன்னுடைய பெரும் முயற்சியால் சிறந்த இணையதளம் (weneed1.com )ஒன்றை உருவாக்கியுள்ளார்.

குறித்த இணையதளமானது இருவேறு நிறுவனங்களின் பொருட்கள், தரம், மதிப்பு மற்றும் அதன் செயல்பாடுகள் அனைத்தையும் பயன்பாட்டாளர்கள் ஒப்பிட்டுப்பார்த்து தெரிந்து கொள்ளும் வகையில் வடிவமைக்கப்பட்டுள்ளது.

மாணவனின் குறித்த இணையதளத்திற்கு பிரபல நிறுவனம் ஒன்று சுமார் £5 மில்லியன் (இலங்கை மதிப்பு 94,84,01,124) விலை தருவதாக கூறியுள்ளது. ஆனால் மாணவன் அதற்கு சம்மதம் தெரிவிக்கவில்லை.

இந்நிலையில் லண்டனின் உலகளாவிய நிறுவனத்தின் முதலீட்டாளர்கள் அவரை சந்தித்து இது தொடர்பாக பேசியுள்ளனர்.

அவர்களிடன் மாணவன் கூறுகையில், இதில் உள்ள தொழிநுட்பம் பல மில்லியன் என்றும் அதன் காரணமாகவே இதை நிராகரித்ததாகவும் கூறியுள்ளார்.

மட்டுமின்றி எதிர்காலத்தில் குறித்த இணையதளத்தை பயன்படுத்தும் மக்கள் அதன் சிறப்பை உணரும்பட்சத்தில் இதன் மதிப்பு தற்போது இருக்கும் தொகையை விட பல மடங்கு அதிகம் எனவும் மாணவன் தெரிவித்துள்ளார்.

இதற்கு முன்னர் அலி இதே போன்று கடந்த 2006 ஆம் ஆண்டு வீடியோ கேம் விளையாட்டு தொடர்பாக திட்டம் ஒன்றை உருவாக்கி கொடுத்து அதற்கு £30,000 (56,94,537 இலங்கை மதிப்பு) பெற்றுள்ளார் என்று கூறப்படுகிறது.

You may also Like